Gátt - 2013, Qupperneq 106

106
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 3
„RÉTTINDIN STYRKJA STÖÐU MANNS Á VINNUMARKAÐI“
Námsferill minn er ekki mjög langur, ég lauk grunnskólaprófi
árið 1984 án þess að ná tilskildum lágmarkseinkunnum. Eftir
það fór ég einn vetur í iðnskólann á Ísafirði, ég kláraði ekki
veturinn og fór út á vinnumarkaðinn. Mitt aðalstarf í gegnum
tíðina hafa verið smíðar, það hefur alltaf blundað í mér að ná
mér í réttindi en lét lengi ekki verða af því þar sem ég er með
vott af lesblindu sem ekki hjálpar við námið.
Ég er fæddur og uppalinn Vestfirðingur en flutti suður
á Selfoss árið 2003 í leit að fleiri atvinnutækifærum. Það
var svo vorið 2010 sem ég sá auglýsingu um raunfærnimat
í húsasmíði sem átti að halda á Selfossi og ákvað að slá til.
Eftir kynningarfund fór ég í raunfærnimat sem gekk bara
nokkuð vel, ég fékk metnar 54 einingar og eftir fundi með
námsráðgjöfum úr Fræðslunetinu hóf ég nám hjá Fræðsluneti
Suðurlands. Þar fór ég í Grunnmenntaskólann og samhliða
honum í grunnteikningu og iðnteikningu hjá Fjölbrautaskóla
Suðurlands. Sumarið eftir tók ég íslensku og stærðfræði í sum-
arskóla í Fjölbraut í Breiðholti en haustið 2011 hélt ég áfram í
námsleiðinni Nám og þjálfun í almennum bóklegum greinum
hjá Fræðslunetinu og tók jafnframt lokaáfangann í húsasmíði í
Fjölbrautaskóla Suðurlands auk ensku og dönsku í fjarnámi frá
Verkmenntaskólanum á Akureyri. Vorið 2012 útskrifaðist ég
sem húsasmiður frá Fjölbrautaskóla Suðurlands.
Þetta voru nokkuð strembin tvö ár í námi þar sem ég
tók þetta samhliða fullri vinnu en með góðu skipulagi og
aga náðist þetta að lokum. Fyrst og fremst var það raun-
færnimatið sem ýtti mér af stað og gerði mér kleift að klára
þetta nám. Ég var mjög ánægður með námið hjá Fræðslu-
neti Suðurlands þar sem að mér fannst það vera sniðið að
fræðslu fyrir fullorðna. Ég á þeirri gæfu að fagna að hafa
aldrei verið atvinnulaus en það styrkir mann tvímælalaust á
atvinnumarkaðinum að hafa réttindi í sínu fagi auki þess sem
að námið hefur haft mjög jákvæð áhrif á sjálfstraustið.
Sævar Gunnarsson
persónulega þar sem ég hefði ekki trúað því að ég myndi
nokkurn tíma fara aftur í nám. Ég er mjög ánægður með að
hafa tekið skrefið, farið í raunfærnimat og hvet alla til að
gera slíkt hið sama. Þetta er mjög gott tækifæri fyrir þá sem
hafa reynslu og vilja til að ljúka námi, sjálfur hefði ég aldrei
klárað námið ef ekki hefði verið fyrir raunfærnimatið því ég
hefði ekki treyst mér í fullt nám.