Gátt - 2013, Síða 111

111
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 3
aðstæðum var haldið í Reykjavík fyrir samstarfsaðila FA
og framhaldsskóla 23. nóvember.
• Stiklur 15, Um kennslu fatlaðra var haldið á Akureyri
fyrir SÍMEY 27. nóvember.
• Stiklur 5, Um notkun félagsmiðla og tækni í námi og
kennslu var haldið á Suðurnesjum fyrir MSS 27. desember.
• Stiklur 7, Fjölbreyttar matsaðferðir í fullorðinsfræðslu
var haldið hjá SÍMEY á Akureyri 17. maí.
• Stiklur 4b, Um leiðsögn og starfsþjálfun var haldið hjá
Visku, Vestmannaeyjum 25. júní.
• Stiklur 5 og 8, Um notkun tækni í fullorðinsfræðslu var
haldið fyrir Fræðslunet Suðurlands í Reykjavík 13. ágúst.
R A U N F Æ R N I M A T
Á síðustu árum hefur ávinningur af raunfærnimati orðið
sífellt sýnilegri með auknum fjölda þeirra sem hafa nýtt sér
úrræðið. Hlutverk FA hefur einnig breyst, á árunum 2004 til
2007 var unnið að þróun aðferðafræði og prófunum, árin
2007 til 2010 einkenndust af innleiðingu raunfærnimats
fyrir iðngreinar og lög um framhaldsfræðslu tryggðu aðgengi
markhóps FA að raunfærnimati. Frá árunum 2011 hefur verið
unnið að því að innleiða raunfærnimat fyrir námsskrár sem
ekki tilheyra iðngreinum auk þess að gildistaka reglugerðar
um raunfærnimat tryggði samræmda aðferðafræði og
tryggði rétt þeirra sem nýta sér raunfærnimat.
Í september 2012 hófst síðan nýr kafli í sögu FA, þegar
skrifað var undir samning um verkefnið Þróun raunfærni-
mats til að efla starfshæfni fullorðinna með litla formlega
menntun. Verkefnið er hluti af IPA-styrkjaáætlun Evrópusam-
bandsins. Í verkefninu er lögð áhersla á þróun raunfærnimats
í störfum og námsskrám þar sem raunfærnimat hefur ekki
farið fram áður. En gerð er sérstaklega grein fyrir því verkefni
í annarri grein í Gátt.
Frá árinu 2007 og fram á mitt ár 2013 hafa 2.014 ein-
staklingar lokið raunfærnimati. Alls hafa um 1.300 skólaár
verið metin og er þá miðað við að meðalfjöldi eininga sé 35
á hverju skólaári. Meðalaldur þeirra einstaklinga sem fara
þessa leið er um 40 ár og í nær öllum tilvikum hafa þeir hafið
nám í framhaldsskóla en ekki lokið því. Í viðtölum kemur
líka fram að margir hafa reynt að hefja nám að nýju en ekki
tekist. Á árinu 2012 luku 423 þátttakendur raunfærnimati.
Þar sem raunfærnimat fór fram á móti námsskrá var meðaltal
staðinna eininga rúmlega 25.
Ráðgjöf vegna eldri eða endurtekinna verkefna er að
sjálfsögðu sinnt áfram. Verkefni FA í raunfærnimati sem
tengjast þeim verkþætti snúa aðallega að:
• Þjálfun fagaðila í raunfærnimati. Námskeið var haldið í
desember 2012 og sóttu það 22 þátttakendur.
• Ráðgjöf til samstarfsaðila vegna undirbúnings, fram-
kvæmdar og eftirfylgni auk setu í stýrihópum nýrra
verkefna.
• Ráðgjöf og aðstoð til Fræðslusjóðs vegna umsókna og
skila á niðurstöðum raunfærnimatsverkefna.
• Kynningum í framhaldsskólum og til starfsgreinaráða
og annarra hagsmunaðila.
• Greiningu og lestri upplýsinga úr innsendum gögnum,
m.a. um kostnað og árangur.
• Vöktun með þróun á erlendum vettvangi.
FA tekur þátt í Norræna sérfræðinganetinu um raunfærni-
mat (NVL) og áhersla þess á árinu 2012 – 2013 er lögð á
gæði og mikilvægi ráðgjafar í raunfærnimati. Einnig hefur
verið leitað til ráðsins vegna endurskoðunar á leiðbeinandi
Evrópureglum um raunfærnimat. Á vegum tengslanetsins er
einnig starfræktur hópur hér á landi sem er starfsmönnum
FA til ráðgjafar.
FA tók einnig þátt í Nordplus verkefni um að greina lykil-
þætti sem hafa áhrif á gæði í raunfærnimati. Verkefninu lauk
með ráðstefnu í Stokkhólmi í maí auk þess að kynnt var afurð
verkefnisins, Kvalitetsmodel til Validering i Norden, bæði í
rafrænni útgáfu og á prenti.
N Á M S - O G S T A R F S R Á Ð G J Ö F
Frá árinu 2004 hefur FA þróað aðferðir í náms- og starfs-
ráðgjöf og leitað eftir upplýsingum um þarfir markhópa í
gegnum ráðgjöfina. Frá árinu 2006 hefur náms- og starfs-
ráðgjöf verið fjármögnuð af opinberu fé hjá fræðslu- og
símenntunarmiðstöðvum og er nú starfrækt hjá 13 aðilum.
Samtals sinna nú verkefninu 25 ráðgjafar um land allt, í mis-
miklu starfshlutfalli. Þeir sinna meðal annars kynningu á
þjónustunni með fundum á vinnustöðum og öðrum vettvangi
þar sem markhóp FA er að finna, veita einstaklingsviðtöl og
hópráðgjöf, taka þátt í virkniaðgerðum fyrir atvinnuleitendur
og hafa umsjón með verkefnum í raunfærnimati og þróun
aðferðafræði í samstarfi við FA.
FA heldur utan um samstarfsnet náms- og starfsráð-
gjafa, svokallað ráðgjafarnet, með það að markmiði að auka