Læknaneminn - 01.03.1980, Blaðsíða 38

atriöum. En um grundvallaratriði verður spurt á
prófi, en ekki aukaatriði.
Að auki er rétt að benda fólki á að í þessu faigi
eru atriði reifuð sem koma mönnum að gagni við
nám seinna meir og því full ástæða til að leggja sig
fram við að ná valdi á námsefninu til að gera eftir-
leikinn auðveldari.
Umfram allt ættu nemendur að nýta sér viðtals-
tíma þá sem boðið er upp á í frumulíffræðinni, því
oft má læra meira og fá betri mynd af hlutunum í
hálftíma viðtali en vinnst með margra tíma lestri.
Microanatomia (histology)
Kennd er bókin Histology eftir Leeson og Leeson,
sem er ákaflega skematískt sett upp og því að mörgu
leyti aðgengileg, en ákaflega þurr aflestrar.
Kennslan miðar þó að því að gera námið ögn líf-
legra og er töluvert farið úl fyrir bókina í kennsl-
unni. Kemur þá að góðum notum frumulíffræðinám-
ið fyrir áramót.
Því þó þetta eigi að heita kennsla í anatomíu
grundvallarvefja líkamans þá er starfsemi vefjanna
ekki síður í brennidepli. Gildir því hér að reyna að
vinna að gerð ramma til uppfyllingar, með því sem
kemur fram í tímum.
Vekja má athygli á, að alloft er auðveldara að
muna upptalningu nafna ef tengja má þau starfsemi
vefjanna. Enda er spurt um hvoru tveggja á prófinu
og upp úr samtengingu þess lagt og eru í raun mikl-
ar kröfur til þess gerðar.
Fósturfrœði
Bókin Medical Embryology eftir Langman er lögð
til grundvallar í þessu fagi. Er hún mjög vel sett
upp og skemmtileg aflestrar og ætti það að auðvelda
mönnum að standast þær kröfur sem gerðar eru.
Því þó námsefnið sé ekki mikið verður bókstaflega
að kunna það utanað.
En það er ekki nóg að kunna utanað heldur verð-
ur fólk að geta dregið saman hlutina og komið frá
sér á skilmerkilegan hátt, en mjög miklar kröfur eru
gerðar um framsetningu. Væri því ráð að menn æfðu
sig allnokkuð í að koma hlutunum frá sér þar sem
smáatriði og aðalatriði eru sett fram í einni heild.
Eftirmáli
Svona í lokin má benda fólki á að þær bækur sem
tilnefndar eru til námsins eru ekki þær einu, sem
um efnið fjalla og alloft getur það verið hentugt að
leita sér upplýsinga annars staðar og þá koma að
góðum notum indexar aftan við meginmál bókanna.
Og annað atriði: Það eru gerðar miklar kröfur
til ykkar - gerið því miklar kröfur til kennaranna -
hlííið þeim ekki — spyrjið þá! - Og munið: Þið er-
uð að leggja fyrir ykkur lífsstarf, en ekki bara að
taka próf.
Vilmundur G. Guðnason.
Almenn efnafraeði
Fagið er að mestu leyti upprifjun á námsefni
menntaskólanna, en yfirleitt er kafað dýpra.
Bókin „Chemical Principles“ er skýrt sett upp og
ekki mjög erfið. Yfirferðin er hins vegar mikil og
þarf að halda vel á spöðunum til að dragast ekki
aftur úr.
Vegna þess að nýr kennari tekur nú við kennslu
get ég að sjálfsögðu lítið sagt um kennsluhætti. Síð-
astliðinn vetur notaði kennari svipaðan kennslu-
máta og tíðkast i menntaskólum, þ. e. gaf nemend-
um uppskrifaðan úrdrátt úr efninu. Fór hann lítið
sem ekkert út fyrir efni bókarinnar og setti efnið upp
á svipaðan hátt og bókin gerir. Voru því nokkuð
takmörkuð not af fyrirlestrunum. Mörgum reyndist
þó vel að nota glósurnar til upprifjunar siðustu
daga fyrir próf.
í þessu námskeiði er fyrst og fremst farið fram á
skilning -nemenda á námsefninu ekki kunnáttu þeirra
til stærðfræðilegra útreikninga. Mörgum finnst þessi
áfangi „léttur“ en slíkt viðhorf ber að varast því að
áfanginn leynir á sér.
Vægi einstakra kafla hefur verið mjög mismun-
andi frá prófi til prófs en oftast gilda þeir kaflar
mest sem hafa mesta þýðingu sem undirstaða í líf-
rænni efnafræði. Er sjálfsagt að lesa þessa kafla sér-
lega vel, bæði til að ná hærri einkunn á prófinu og
einnig til undirbúnings í lífrænu efnafræðinni. Þess-
ir kaflar eru t. d. 8. kafli (Chemical bonding), 14.
kafli (Spontaneity of reaction) og 16. kafli (Rates
of reaction).
Dæmatímar voru mjög gagnlegir og nauðsynlegt
f
*
34
LÆKNANEMINN