Læknaneminn - 01.03.1980, Page 56

Frumkönnun fór fram síðastliðið vor og kom
fram, að spara mætti miklar fjárhæðir, ef slíku fyr-
irkomulagi yrði komið á. A hinn bóginn útheimtir
pöntunarfélag sem þetta mjög mikla vinnu og und-
irbúning.
Mestur hluti stjórnar F.L. var erlendis síðastliðið
sumar og gat því ekki hrundið máli þessu í fram-
kvæmd. Mál þetla híður því nýrrar stjórnar, ef áhugi
er fyrir því, að koma máli þessu í framkvæmd.
Glósuútgáfa
Stjórn F.L. harst á síðastliðnu vori umsókn frá 1.
árs nemum um fjárstyrk til útgáfu á analomiuglós-
um. Umsókn þessari var hafnað á þeim forsendum,
að F.L. væri ekki nógu fjársterkt félag til að standa
undir slíkum styrkveitingum. Ef slíkur styrkur ætti
að vera til einhvers gagns yrði hann að vera umtals-
verður.
Síðan þótti einsýnt að umsóknir frá nemendum
annarra ára fylgdu í kjölfarið og þar með hryndi
fjárhagur F.L. í rúst.
Hlutverk F.L. er frekar að halda slíkum glósum
til haga og tryggja aðgang að þeim. Síðar í vetur
var svo stofnað nýtt „organ“ innan F.L. sem m.a.
hefur þetta hlutverk. (Sjá Fræðabúr.)
Samstarf viS Stúilvntaráð
Stúdentaráð efndi til nokkurra funda með deildar-
félögunum á s.l. vetri. Voru þar margvísleg mál
kynnt deildarfélögunum og reynt að fá fram álit
deildarfélaganna á hinum ýmsu sameiginlegu hags-
munamálum stúdenta. Mikið var rætt um lánamál
og baráttu stúdenta í því sambandi. Vakin var at-
hygli á að frádráttarliðir námsmanna hafa verið
teknir úr því skattalagafrumvarpi sem nú liggur fyr-
ir Alþingi. Hyggst stúdentaráð hefja baráttu þessu
til leiðréttingar.
Ákveðið hefur verið að stofna til ritnefndar við
Stúdentablaðið, sem skal skipuð fulltrúum hinna
ýmsu deilda og skal hlutverk þessarar nefndar vera
að safna efni í blaðið úr deildunum. Hefur stjórn
F.L. samþykkt að einn stjórnarmeðlimur hennar
skuli gegna þessu starfi.
Af öðrum málum má nefna viðhorfið í náms-
kynningarmálum, félagsaðstöðu deildarfélaganna,
Bókasölu stúdenta o.fl. Hafa fundir þessir verið
mjög gagnlegir og er íhugunarefni fyrir komandi
stjórn hvort ekki beri að efla starf félagsins á þess-
um vettvangi.
Útnarpsþáttur
Félagið tók þátt í gerð útvarpsþáttar til kynning-
ar á læknanámi. Var þátturinn fluttur skömmu fyrir
jól. Var spjallað við nokkra læknanema í útvarpssal,
auk þess sem læknanemar á lesstofum voru gripnir
og spurðir spjörunum úr. Tjáðu læknanemar álit
sitt á deildinni, kennurum hennar og náminu, auk
þess sem deildarforseti og formaður F’.O.L. komu
fram í þættinum.
Afmæli Læknashólans
Samþykkt var i deildarráði á sl. vetri að halda
upp á 100 ára afmæli Læknaskólans, en hann á 102
ára afmæli á árinu. Nefnd hafði verið skipuð um
málið fyrir nokkrum árum en hún gleymdi afmæl-
inu. Nú hefur verið skipuð ný nefnd og stendur til
að halda ráðstefnu um málefni læknadeildar, auk
veislu annað hvort í vor eða snemma næsta haust.
Fulltrúi stúdenla í nefndinni er Atli Eyjólfsson.
Sumningur milli If.f.
og hennslusjáhrahúsunna
Til hefur staðið síðan 1975 að gera samning milli
H.I. og kennslusjúkrahúsanna. Var nefnd skipuð um
málið og skilaði hún af sér tillögu að samningi, sem
sendur var læknadeild og ríkisspítulunum til um-
sagnar. Skilaði læknadeild af sér málinu til háskóla-
ráðs og afgreiddi það málið til menntamálaráðu-
neytisins eftir eftirrekstur F. L, og deildarforseta.
Gerði þáverandi háskólarektor það að tillögu sinni,
að skipuð yrði nefnd allra aðila málsins til að gera
þennan samning.
Athygli vakti að í bréfi rektors var gert ráð fyrir
að stúdent ætti sæti í þessari nefnd. Nefndaskipan
menntamálaráðuneytisins tafðist vegna þess að
50
LÆKNANEMINN