Læknaneminn - 01.03.1980, Síða 64

jafna möguleika tii vinnu. Reglugerð þessi var end-
urskoðuð ýtarlega og breytt í janúar 1979 og því
fyrst úthlutað eftir henni s.l. sumar og gekk það vel.
Segja má að reglugerðin sé í stöðugri endurskoðun
og ættu allir læknanemar að kynna sér hana vel.
Vinnumiðlun fer fyrst og fremst fram að sumrinu,
en jafnframt er úthlutað vinnu eftir því sem vinnu-
tilboð berast og óskir koma fram um störf. Kannað-
ur er vinnuáhugi manna fyrir páska og jólafrí og
leitast við að útvega stöður í samræmi við það.
Sl. sumar dreifðist vinna þannig á 4. og 5. ári:
I o
Vinnutilboð I vinnu
Júní 28 og 5geðd. 28
Júlí 28 og 5geðd. 21
Ágúst 29 21
Sept. 22 18
Voru þetta stöður bæði á sjúkrahúsum sem og í
héraði. Jafnframt þessu buðust bæjarvaktir í Hafn-
arfirði og Keflavík og tóku menn þær sem uppbót
við stöður.
Fjöldi 4. árs nema var 32 og 5. árs 36, eða sam-
tals 68. 15 nemar af 4. ári fóru til Svíþjóðar og ca.
20 5. árs nemar. Kemur þar skýring á þeirri óvana-
legu uppákomu, að stöðutilboð voru fleiri en starf-
andi nemar. Mestu munar þar um, að í lok maí
barst féiaginu lilboð um héraðslæknisstöður í Sví-
þjóð fyrir 5. árs nema og fóru 10-12 nemar í þær.
Hefðu þeir starfað hér heima hefði verið skortur á
vinnu.
Auk þessara sumarstarfa féllu til ýmis skamm-
tímastörf, aðallega á sjúkrahúsum í Reykjavík. Einn-
ig fengum við 2 millj. frá heilbrigðisráðuneyti til
að kosta námsstöður í héraði. Þá hefur félagið
annast bæjarvaktir á Suðurnesjum síðan í septem-
ber og fengið þar 12-16 vaktir á mánuði. Hefur
þessum stöðum verið úthlutað mánaðarlega og hafa
6. árs nemar forgang. 29 af 42 þriðja árs nemum
fengu vinnu í gegnum félagið á árinu, flestir við
hjúkrunarstörf.
I síðustu reglugerðarbreytingu var ákveðið að
draga út forgangsröð fyrsta ráðningarfundar sum-
arsins, í janúar. Er það til að þeir sem lenda aftar-
lega í röðinni, geti kannað möguleika á annarri
vinnu, t.d. í Svíþjóð eða á annan hátt brugðist við
þeim litlu möguleikum, sem þeir hafa á vinnu í
júní. Vandamál okkar er að nær ógjörningur virðist
að segja fyrir um vinnumöguleika á komandi sumri.
Kemur það til af því, að við erum þrautalending á
eftir útskrifuðum læknum. Fyrst þarf að koma í
ljós hvaða héruð verða laus. Það er spurning hvort
einhverjir læknar færi sig milli héraða, hversu marg-
ir kandidatar og nýútskrifaðir ætla í hérað, hvort
einhverjir koma til vinnu erlendis frá, og hvenær
ætlar viðkomandi héraðslæknir í frí. Varðandi
sjúkrahúsvinnu þarf að bíða eftir að meðlimir
F. U. L. og kandidatar ákveði sig. Allt þetta gerist
með dæmigerðum íslenskum rólegheitum og eru fáir
sem treysta sér til að gefa ákveðnar upplýsingar fyrr
en í mánuðinum áður en staðan losnar. Meðan
þetta viðgengst, verður litlu hægt að spá með vissu
um atvinnuhorfur og hætt við að af hljótist óánægja
stúdenta og vinnuveitenda ef upp kemur staða eins
og sl. sumar.
Helsti ávinningur síðasta starfsárs er, að ný og
betri reglugerð um vinnuúthlutun hefur tekið gildi.
Þó eru enn gloppur í henni og verður það klassískt
viðfangsefni hvernig hægt er að tryggja jafna tekju-
skiptingu í milli manna. Einnig má telja að bæjar-
vaktavinnan hafi verið ávinningur og ábyggilega
hjálpað mönnum í ríkjandi dýrtíð og er nauðsyn-
legt að sinna þeirri starfssemi vel svo okkur haldist
á henni.
Þórir Kolbeinsson.
Svíþjóð
Sl. sumar fjölgaði mjög þeim læknanemum, sem
leituðu til Svíþjóðar með sumarvinnu. Tvísköttun-
arsamningur er í gilcli í milli landanna þar sem seg-
ir, að námsmenn, sem vinni störf, sem eru nauðsyn-
leg námi þeirra og standa skemur en 100 daga, séu
undanþegnir skatti í því landi sem þeir vinna, en
greiði skatt af tekjunum í sínu heimalandi. Ljósrit
af samningum er til í herbergi F.L. Nýtt vottorð
fékkst hjá deildarforseta um mikilvægi starfanna
fyrir læknismenntunina og tók vottorðið mjög fram
því vottorði er læknanemar höfðu árið áður. Dugði
það að lokum öllum nema 2. og 5. árs nemum. Verð-
ur hér sennilega um framtíðarvottorð deildarinnar
í þessu máli að ræða. Allar líkur eru á því að það
fáist aftur í vor.
58
LÆKNANEMINN