Bændablaðið - 08.06.2023, Blaðsíða 7

7Bændablaðið | Fimmtudagur 8. júní 2023
Félagar úr hestamannafélaginu Herði mættu
í fallegum íslenskum lopapeysum í miðbæjar-
reiðina. Á myndinni eru þeir Grettir Börkur
Guðmundsson og Jón Kristinn Kristjánsson
með fáka sína.
LÍF&STARF
Við skildum við Orm Ólafsson og hans
bráðsnjalla hestabrag í síðasta þætti.
Allt fór það prentverk að vonum og
ágætum utan það, að þáttagerðarmanni
varð illilega á í sínum aðfaraorðum, þar
sem ég hugðist nafngreina heimildarmann
að hugverkinu.
Flágellan fór hins vegar með mig í
þá skammarlegu skynvillu, að ég tilfæri
Ólaf son Orms sem heimildarmann í stað
bróður hans, Ágústar Ormssonar. Ólafur
var mikill fræðamaður, sem er látinn fyrir
nokkrum árum. Ágúst er hins vegar sá er
fóðraði þáttinn með hinum fágæta kveðskap
Orms föður síns. Bið ég þig, Ágúst minn,
að virða mér það til vegs, að gamlast tekur
mér glöggskyggni og gæfusemi til flestra
verka.
Líkt og boðað var í síðasta þætti, þá urðu
út undan niðurlagsvísur hestamennskubrags
Orms Ólafssonar sem hér fara nú eftir:
Viðbrögðin munu verða skjót;
-í vor þegar fer að hlýna
reiti ég saman reiðingsdót
og reiðfatagarma mína.
Ósköp er gott að eiga hest,
einstakur gleðivaki,
og þægilegheitin þekkja best
þeir sem detta af baki.
Allnokkuð vísnasafn liggur eftir Orm, þótt
ég viti ekki til að neitt hafi hann gefið út
á prenti. Ágúst vék að mér öðrum brag
eftir föður sinn, sem víða fór og margir
þekkja, og þótti hið snjallasta hugverk.
„Lífsskoðun mín“ heitir ljóðið sem hér
fer eftir:
Ég vil allra götu greiða
grátinn þerra af votri brá.
Ég vil úr myrkri í ljósið leiða,
líkna þeim er sorgir þjá.
Ég vil hugga hrellda móður,
hörmung eyða sérhvers manns,
ég vil leiða blindan bróður,
brautir greiða sannleikans.
Ég vil döprum fögnuð færa,
fegurst rækta vonablóm,
ég vil meira um lífið læra,
leita að trúar helgidóm.
Sjúka mannsins byrði bera
breyta ef gæti líðan hans.
Ég vil flestra vinur vera,
verma gróður kærleikans.
Ég vil gleyma sorgum sárum,
syrgja fátt sem liðið er.
Ég vil fækka tregatárum,
treysta Guði og sjálfum mér.
Ég vil lífsins fegurð finna,
framar ekkert sælla kýs.
Þá mun veröld vona minna
verða jarðnesk Paradís.
Í einmuna blíðu undangenginna daga gefur
víða að líta léttfatað fólk lú garða sína og
sá til sumarblóma. Valdimar Benónýsson
orti í þeim anda:
Sólin hlær á himinboga,
hlýnar blær við árdagskinn.
Allt sem hrærist lífs af loga
lagið slær á strenginn sinn.
Margeir Jónsson skráði þessa listagjörð í
bók er hann færði Sigurlaugu Jónasdóttur
(Sveinssonar) sem bjó þá á Sigurhæðum
á Akureyri:
Væri ég mát af völdum harms,
vonin káta frá mér,
gastu látið lindir hvarms
leggja grátinn hjá sér.
Aðeins þekktist, og ef til vill enn, nokkuð
um áfengisdrykkju á útihátíðum. Haraldur
á Kambi bar nokkuð sterkar tilfinningar
til Bakkusar, og gat þess oftlega í vísum
sínum:
Eg er blankur yfirleitt,
alla jafna þyrstur.
Fer þó ekki fram á neitt
frekar en Jesús Kristur.
Umsjón:
Árni Geirhjörtur Jónsson
kotabyggd1@gmail.com
MÆLT AF
MUNNI FRAM
Landssamband hestamannafélaga (LH)
ásamt Horses of Iceland (HOI) stóðu fyrir
miðbæjarreið laugardaginn 3. júní sl.
Hestar og knapar frá hinum ýmsu
hestamannafélögum á höfuðborgarsvæðinu
og Suðurlandi lögðu leið sína í miðbæ
Reykjavíkur en áætlaður fjöldi hrossa sem tók
þátt í reiðinni var um 60 talsins. Fremst í flokki
riðu Áslaug Arna Sigurbjörnsdóttir háskóla-,
iðnaðar- og nýsköpunarráðherra, Guðni
Halldórsson, formaður LH, og Sigurbjörn
Bárðarson, landsliðseinvaldur í hestaíþróttum.
Reiðin hófst við Hallgrímskirkju þar sem
hestar og knapar hlýddu á ræður frá Áslaugu
Örnu og Guðna ásamt því að ljúfir tónar frá
Raddbandafélaginu voru spilaðir. Við þetta
tækifæri kynntu tvö stærstu hestamannafélög
landsins, Sprettur og Fákur, ákvörðun sína um
að halda Landsmót hestamanna sameiginlega
á félagssvæði Fáks árið 2024 og þar með var
því samstarfi formlega hleypt af stokkunum.
Knapar riðu sem leið lá frá Hallgrímskirkju
niður Skólavörðustíg og Bankastræti yfir
á Austurstræti, þar sem beygt var inn
Pósthússtræti að Austurvelli. Þaðan var riðið
áfram Vonarstræti og Tjarnargötu þar til komið
var á endastað við Hljómskálagarð.
Lífgar upp á miðbæjarlífið
Guðni Halldórsson, formaður LH, sagði tilgang
miðbæjarreiðarinnar vera að vekja athygli á
hestaíþrótttinni og hestamennskunni í heild
sinni. „Þetta er skemmtileg hefð sem hefur
skapast, viðburðurinn lífgar upp á miðbæjarlífið
og með þessum viðburði viljum við tengja
hestamennskuna við lífið í landinu. Knapar úr
hinum ýmsu hestamannafélögum tóku þátt í ár
og höfðu mjög gaman af.“
Guðni sagði frá því í ræðu sinni að íslenski
hesturinn væri stór hluti af þjóðararfi okkar
Íslendinga og að þjóðin ætti að gera hestinum
mun hærra undir höfði í allri kynningu og
framsetningu á Íslandi. „Lundinn, víkingarnir,
eldfjöllin, jöklarnir og jarðhitinn er allt frábært
en þegar kemur að sérstöðu og stöðu meðal
þjóðarinnar þá stenst ekkert af þessu samjöfnuð
við íslenska hestinn.“ Guðni taldi það vera
skipulagsmistök að ekki væri reiðstígur úr
Víðidal og niður að Reykjavíkurtjörn. „Þar
væri kannski aðstaða til að sleppa hestum í hólf,
þetta væri passlegur reiðtúr, ríða í bæinn og fá
sér eitt ískalt sódavatn á meðan hestarnir kasta
mæðinni.“ Hann taldi þetta vera framtíðarsýn
sem vert væri að skoða og gæti orðið lyftistöng
fyrir annars fjölbreytt mannlíf miðbæjarins.
Góð auglýsing fyrir hestinn
Aðspurður sagði Guðni að reiðin hefði tekist
mjög vel, starfsfólk LH og HOI hefði unnið vel
að skipulagningu og þetta væri góð auglýsing
fyrir hestinn. „Miðbæjargestir, bæði innlendir
og erlendir, tóku okkur mjög vel og voru
duglegir að taka myndir og myndbönd og deila
því á hinum ýmsu samfélagsmiðlum sem fer
svo um allan heim. Þetta er gríðarlega góð
auglýsingin fyrir hestinn. Þetta er auðvitað
mikið áreiti fyrir hestinn að fara þarna um
bæinn, og t.d. var flugsýning í hámarki á
Reykjavíkurflugvelli meðan á reiðinni stóð
en hestarnir létu það ekki á sig fá.“
Miðbæjarreiðin var fyrst farin árið 2016 og
hefur verið haldin ár hvert, þó með hléum á
tímum heimsfaraldursins. /ÞAG
Kynning á íslenska hestinum
í miðbæ Reykjavíkur
Jónína Sif Eyþórsdóttir, starfsmaður kynningar-
mála Landssambands hestamannafélaga, Berglind
Karlsdóttir, framkvæmdastjóri Landssam-
bands hestamannafélaga, og Sverrir Einarsson,
formaður hestamannafélagsins Spretts, tóku þátt
í miðbæjarreiðinni.
Síðust en ekki síst fór Bettina Wunsch, hestakona úr Þykkvabænum, sem hafði spennt fjóra gæðinga fyrir vagninn sinn.
Hestamannafélögin Sprettur og Fákur munu
sameiginlega standa að Landsmóti hestamanna
árið 2024. Á myndinni má sjá fánabera
félaganna, þær Guðnýju Dís Jónsdóttur, Vilfríði
Fannberg Sæþórsdóttur og Þorbjörgu Helgu
Sveinbjörnsdóttur.
Hákon Hákonarson, formaður hestamanna-
félagsins Harðar, ásamt Fenri Frey Kolka
mættu prúðbúnir til miðbæjarrreiðarinnar
og höfðu gaman af.
Nýr lausapenni Umfangsmeira Bændablað
kallar á mannafla og er Þórdís Anna Gylfadóttir
nýr liðsfélagi blaðsins. Hún er með meistaragráðu
í verkefnastjórnun og menntaður reiðkennari og
hefur víðtæka reynslu í kynningarmálum á sviði
matvæla og landbúnaðar. Hún hefur m.a. unnið
sem verkefnastjóri hjá Íslandsstofu, Háskólanum
á Hólum og Landsmóti hestamanna. Þórdís
Anna bætist í hóp lausapenna blaðsins en
netfangið hennar er thordisannag@gmail.com.
Fremst í flokki riðu Guðni Halldórsson, formaður Landssambands hestamannafélaga, Áslaug Arna Sigurbjörnsdóttir háskóla-, iðnaðar- og nýsköpunarráðherra og Sigurbjörn Bárðarson landsliðseinvaldur í hestaíþróttum.