Bændablaðið - 08.06.2023, Blaðsíða 12

12 Bændablaðið | Fimmtudagur 8. júní 2023
FRÉTTIR
Vetrarsól er umboðsaðili
Sláttuvélar
& sláttuorf
Snjóblásarar
Askalind 4 | Kópavogi | Sími 564 1864 | vetrarsol.is
Gulltryggð gæði
40 ár
á Íslandi
Sláttutraktorar
Þrír handhafar
landgræðsluverðlauna
Handhafar landgræðsluverðlaunanna 2023 ásamt landgræðslustjóra og
matvælaráðherra. F.v.: Árni Bragason landgræðslustjóri, Hildur Guðbjörg
Kristjánsdóttir hjá Midgard, Þröstur Magnússon, formaður Skógræktarfélags
Kópavogs og Kristinn H. Þorsteinsson, framkvæmdastjóri Skógræktarfélags
Kópavogs, Októ Einarsson og Svandís Svavarsdóttir matvælaráðherra.
Mynd / Áskell Þórisson
Októ Einarsson, Skógræktar-
félag Kópavogs og ferðaþjónustu-
fyrirtækið Midgard eru handhafar
landgræðsluverðlaunanna 2023.
Á dögunum veitti Landgræðslan
árleg landgræðsluverðlaun en þau
hlutu þrír aðilar sem á ólíkan hátt
hafa stuðlað að landgræðslu.
Landeigandi jarðanna Heiðar-
lækjar og Heiðarbrekku á Rangár-
völlum, Októ Einarsson, hlaut
verðlaun með því að sýna mikið
frumkvæði og vera fyrirmynd
annarra landeigenda í landgræðslu
að því er fram kemur í umsögn
Landgræðslunnar. Októ hefur unnið
að því að græða jarðir sínar um
árabil en þær eru illa farnar sökum
jarðvegsrofs og hefur nú unnið á um
200 hektara svæði en markmið hans
er að koma í veg fyrir frekari eyðingu
gróðurs og jarðvegs, mynda sjálfbæra
gróðurþekju og síðar skóglendi.
Kristinn H. Þorsteinsson, fram-
kvæmdastjóra Skógræktarfélags
Kópavogs, voru afhent verðlaunin
fyrir hönd félagsins og verkefnis
um endurheimt birkivistkerfa,
sem snýr að söfnun og sáningu
birkifræja. Verkefnið hófst vorið
2020 og er markmið þess að efla
útbreiðslu birkiskóga með landsátaki
við söfnun og dreifingu fræja. Í
umsögn Landgræðslunnar segir að
Skógræktarfélag Kópavogs, með
Kristinn í fararbroddi, hafi borið
hitann og þungann af vinnu við
framkvæmd verkefnisins.
Þá hlaut ferðaþjónustufyrirtækið
Midgard í Rangárþingi eystra
verðlaun fyrir skýr umhverfismark-
mið í tengslum við nýtingu lands í
ferðaþjónustu og áherslu á umhverfis
fræðslu til starfsfólks og ferðamanna.
Í umsögn Landgræðslunnar segir
að ferðaþjónusta sé ein tegund
landnýtingar og í ljósi vaxandi
ferðamennsku á Íslandi sé mikilvægt
að gefa henni gaum. Í rekstri sínum
hefur Midgard lagt áherslu á um-
hverfismál, s.s. minni matarsóun,
fræðslu nemendahópa og eflingu
umhverfisvitundar starfsfólks.
/ghp
Alþingi:
Auknar fjárveitingar til viðhalds
varnarlína í Miðfjarðarhólfi
Fjárveitingar til viðhalds á tveimur
varnarlínum sauðfjársjúkdóma
milli Miðfjarðarhólfs og Vestur-
landshólfs hafa verið hækkaðar
en verður rúmum 40 milljónum
króna úthlutað til viðhalds varnar-
lína í ár.
Matvælaráðherra samþykkti
tillögur Matvælastofnunar um
hækkun á fjárveitingu til viðhalds á
Hvammsfjarðarlínu úr 3,5 millj. kr.
í 5,0 millj. kr. og á Tvídægrulínu úr
5,0 millj. kr. í 8,0 millj. kr. Kemur
það í kjölfar riðutilfella sem
komu upp í Miðfjarðarhólfi og er
fjármagninu ætlað að vera nýtt til að
skipta út verst förnu hlutum girðinga
á línunum og gera þær vel fjárheldar.
Kostnaðaráætlun vegna viðhalds
varnarlína í ár nemur 40.150.000
króna að því er fram kemur í svari
matvælaráðherra við fyrirspurn
Lilju Rannveigar Sigurgeirsdóttur,
þingmanns Framsóknarflokks, um
varnarlínu sauðfjársjúkdóma. Er
þeim kostnaði skipt niður á viðhald
þrettán varnarlína.
„Í kjölfar riðutilfella sem
komu upp í Miðfirðinum nú í
vetur skapaðist mikil umræða
um varnarlínur sauðfjársjúkdóma
og viðhald þeirra. Mér fannst
nauðsynlegt að fá svör við ýmsum
spurningum í tengslum við þessi
mál og sendi því fyrirspurn á
matvælaráðherra. Svar ráðherra
dregur fram með skýrum hætti hvaða
varnarlínur eru á viðhaldsáætlun.
Einnig kemur fram að framlög til
viðhalds þessara varnarlína hafa
lækkað á undanförnum árum. Það
er hins vegar mikilvægt að nú hefur
verið ákveðið að hækka fjárveitingu
til viðhalds á Hvammsfjarðarlínu og
Tvídægrulínu,“ segir Lilja Rannveig.
Hvammsfjarðarlína nær úr
Hvammsfirði milli Þorbergsstaða
og Hrútsstaða um Laxárdalsheiði
í Hrútafjörð sunnan Fjarðarhorns
en Tvídægrulína liggur úr
Hvammsfjarðarlínu við Skeggöxl
um Kvíslavötn og Arnarvatn stóra í
Langjökul við Jökulstalla.
Í svari matvælaráðherra við
fyrirspurn Lilju Rannveigar kemur
fram hver kostnaður hefur verið fyrir
viðhald varnarlína frá árinu 2018–
2022 eftir einstökum varnarlínum
og heildarraunkostnaður við viðhald
þeirra. Sést þar að raunkostnaður
var ávallt hærri en áætlanir gerðu
ráð fyrir.
Einnig má í svari matvælaráðherra
finna heildaryfirlit yfir línubrjóta
árið 2022 eftir varnarlínum, aldri
og kyni línubrjóta. Þeir voru 271
talsins. Þar sést að í fyrra voru
flestir línubrjótar skráðir við Hvítár-
línu, 38 talsins, en næstflestir við Mið-
fjarðarlínu, 23 talsins. Alls voru 17
línubrjótar skráðir við Tvídægrulínu
og 15 við Hvammsfjarðarlínu.
/ghp
Alls var 271 línubrjótur skráður árið 2022 að því er fram kemur í svari
matvælaráðherra við fyrirspurn um varnarlínu sauðfjársjúkdóma.
Lilja Rannveig Sigurgeirsdóttir,
þingmaður Framsóknarflokks.
Ný stjórn Hampfélagsins var
kjörin á aðalfundi þess 28. maí sl.
Í henni sitja Andri Karel Ásgeirs-
son, Anna Karlsdóttir, Gunnar Dan
Wiium, Gunnar Guttormur Kjeld,
Sigríður Árdal, Sigríður Hrönn
Sigurðardóttir og Þórun Þórs
Jónsdóttir.
Sigurður Jóhannsson, fráfarandi
formaður, Oddný Anna Björnsdóttir
og Logi Unnarsson Jónsson gáfu
ekki kost á sér til áframhaldandi
stjórnarsetu en í tilkynningu frá
félaginu segir að mikilvægt sé að nýtt
fólk með nýjar hugmyndir og eldmóð
komist að og taki næstu skref í starfi
Hampfélagsins.
Hampfélagið eru samtök stofnuð
til að fræða og miðla þeim ávinningi
sem hlýst af nýtingu hamps fyrir betri
og sjálfbærari framtíð að því er fram
kemur á vefsíðu þess. Það var stofnað
í september árið 2019. /ghp
Ný forysta Hampfélagsins
Fólksbílaflotinn ber ábyrgð á
64% losun og hópferðabílar 6%
Ríkisstjórn Íslands hefur sett lofts-
lagsmál í forgang og kynnt sérstaka
aðgerðaáætlun þar að lútandi.
Stjórnvöld hafa sett sér
markmið um að draga úr losun
gróðurhúsalofttegunda um 55%
eða meira til 2030 og stefnt er að
kolefnishlutleysi árið 2040 með
markvissum aðgerðum.
Sigurður Ingi Jóhannsson,
innviðaráðherra segir að til þess
að ná þessu marki þurfi samhent
átak stjórnvalda og stofnana með
þátttöku allra í samfélaginu, ekki
síst öflugra fyrirtækja.
Einstaklingar taka einnig þátt
í verkefninu með ýmsum hætti
en gera einnig skýrar kröfur um
að tekið verði fast á málum. Með
auknum umsvifum á síðustu árum,
ekki síst í ferðaþjónustu, hefur
bílafloti hópferðafyrirtækja stækkað.
„Samkvæmt ökutækjaskrá
hjá Samgöngustofu eru alls 3.148
hópbifreiðar í landinu en undir þann
ökutækjaflokk falla raunar bæði
rútur og allir almenningsvagnar.
Við vitum líka að nær allur
hópbifreiðaflotinn hefur verið
knúinn með dísel, eða 2.996
ökutæki, en 120 eru bensínbílar.
Nokkrar rútur eru knúnar með metan
eða lífdísil og fimmtán strætisvagnar
eru rafknúnir eftir því sem ég veit
best,“ segir Sigurður Ingi.
Hann segir að heildarlosun
gróðurhúsalofttegunda frá vega-
samgöngum hafi verið metin og árið
2021 báru hópferðabílar ábyrgð á
6% af heildarlosuninni.
Flutningabílar bera ábyrgð á
19% og sendibílar 11% en býsna
stór fólksbílafloti landsmanna ber
ábyrgð á 64% af heildarlosuninni.
/mhh
Innviðaráðherra kom nýlega við hjá hópferðafyrirtæki Guðmundar Tyrfingssonar (GTS) á Selfossi og vígði þar nýja
49 manna rafmagnsrútu með því að taka smá rúnt á henni. GTS ætlar sér að rafmagnsvæða allar rútur fyrirtækisins,
sem eru um 40 talsins, á næstu fimm árum. Myndir /MHH
Sigurður Ingi Jóhannsson.