Bændablaðið - 08.06.2023, Blaðsíða 44

44 Bændablaðið | Fimmtudagur 8. júní 2023
LESENDARÝNI
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Sextug er hún og
líka þúsund ára
Í sumar eru liðin sextíu ár frá því
Skálholtsdómkirkja var vígð og
hefur verið unnið að afmælisárinu
árum saman.
Það verður
ekki sagt að
vígsluafmælið
beri brátt að.
Núna þegar
viðgerðum er
óðum að ljúka
með endurnýjun
á öllu ytra byrði
guðshússins og
innandyra stendur kirkjan öllum
opin til að koma og njóta. Það á
sérstaklega við um helgihaldið en
það má einnig leggja áherslu á að
kirkjuverðir opna kirkjuna alla daga
og taka á móti fólki yfir daginn,
einstaklingum og hópum. Hægt er
að panta fyrir hópa og einnig að fá
veitingar á nýja veitingastaðnum
Hvönn og gistingu á Hótel
Skálholti sem er hvort tveggja í
húsinu sem lengi hefur verið kallað
Skálholtsskóli. Þótt sagan sé mikil og
gömul er þjónustan ljúf og aðstaðan
nútímaleg. Endurnýjunin er að innan
sem utan og má segja að nýjasta
skeiðið hafi byrjað með gjörbreyttu
skipulagi og nýju rekstrarformi rétt
fyrir Covid. Ekkert kom af sjálfu sér
en margar hendur vinna létt verk ef
þær vinna saman. Og þær hendur
bjóða núna alla velkomna til að
skoða, rifja upp og njóta.
Dómkirkja okkar tíma er sextug
en hún stendur á sama grunni og
fyrri kirkjur. Kirkja á staðnum er
meira en þúsund ára því Gissur hvíti
reisti þá fyrstu árið þúsund sumarið
sem allir íbúar Íslands tóku kristna
trú eftir ákvörðun Alþingis og með
úrskurði Þorgeirs Ljósvetningagoða.
Er sonur hans, Ísleifur, varð biskup
1056 og þau Dalla Þorvaldsdóttir
settust hér að varð kirkja Gissurar að
dómkirkju biskupsins sem þjónaði
þá bæði Íslandi og Grænlandi.
Tíminn fram að afmælinu hefur
verið vel nýttur til að safna fyrir og
gera upp mikla dýrgripi kirkjunnar.
Listgluggar Gerðar Helgadóttur
voru að skemmast og sprungur
voru komnar í mósaíkmynd Nínu
Tryggvadóttur. Þeim viðgerðum lauk
árið 2018 og hafði Verndarsjóður
Skálholtsdómkirkju þá safnað á
fjórða tug milljóna í verkið. En
næstu verkefni biðu því kirkjan hélt
áfram að leka og klukkurnar voru
að þagna hver af annarri. Danska
klukkan hafði fallið niður og brotnað
og mótorar annarra hættir að virka.
Bókasafnið í turni kirkjunnar var í
hættu og niðri gerðu kórfélagar grein
fyrir ástandi kirkjunnar með því að
tenórinn þyrfti að hafa með sér
regnhlíf á æfingar. Hann sat næstur
bununni niður vegginn. Margir
lögðust hér á eitt og var ákveðið að
endurnýja alveg þakið með nýjum
steinskífum og nýjum þakrennum,
gera við veggina og laga drenið en
að lokum að mála kirkjuna. Lauk
því í fyrra langt á undan áætlun.
Næsta stóra ákvörðunin var að taka
allt í gegn að innan og lauk því í
maí. Bókhlaðan gæti farið í nýtt
húsnæði Gestastofunnar á þessu
ári með Prentsögusetri Íslands.
Sr. Kristján
Björnsson.
Íslenskt grænmeti – við
vitum hvaðan það kemur
Í leikskólanum Álfheimum á
Selfossi var nýverið unnið með
þemað íslenskt grænmeti.
Áður en farið var að skoða
íslenskt grænmeti fengu krakkarnir,
sem eru fæddir 2019, fræðslu um
loftslagsbreytingar. Rætt var um
hvernig t.d. mengun frá bílum hefur
áhrif á hitastig jarðar og veldur því
að ísinn á norðurpólnum bráðnar.
Og hvað verður þá um ísbirnina?
Velt var upp hugmyndum um
hvað við gætum gert til að minnka
umhverfisáhrif okkar. Eitt af því var
að borða íslenskt grænmeti í staðinn
fyrir influtt grænmeti sem þarf að
fara langar leiðir með skipum eða
flugvélum til Íslands.
Börnin kynntu sér framboð á
íslensku grænmeti, máluðu gúrkur,
paprikur, gulrætur og fleira og
merktu það með límmiðum frá
Sölufélagi garðyrkjumanna. Þau
smökkuðu alls konar grænmeti og
lærðu að þekkja íslenskt grænmeti
á umbúðum í verslunum.
Í leikskólanum Álfheimum á
Selfossi eru umhverfismál stór þáttur
í daglegu starfi. Lögð er áhersla á
að kenna börnum frá unga aldri
að bera virðingu fyrir umhverfinu.
Rusl er flokkað á öllum deildum
og reynt er að endurnýta alls konar
efni fyrir listsköpun. Lífrænn
úrgangur fer í moltutunnu þar sem
moltuormar búa til kraftmikinn
áburð. Á útikennslusvæðinu
eru fjórir gróðurkassar þar sem
börnin spreyta sig í grænmetis- og
blómaræktun. Draumurinn væri að fá
gróðurhús á leikskólalóðina svo hægt
væri að rækta kryddjurtir og fleiri
grænmetistegundir með börnunum.
Um þessar mundir er leikskólinn
að leita styrkja til að láta drauminn
verða að veruleika. Þó kominn sé smá
upphæð í sjóðinn vonast starfsfólk og
börnin á Leikskólanum Álfheimum
að fleiri styrktaraðilar sýni áhuga á
að styðja þetta verkefni. Það er hagur
okkar allra að fræða börn um ræktun
og sýna þeim að grænmeti sem er
ræktað í okkar heimalandi er best því
við vitum hvaðan það kemur.
Brigitte Bjarnason,
leiðbeinandi í leikskólanum
Álfheimum á Selfossi.
Börnin spreyta sig í grænmetis- og blómaræktun á útikennslusvæði leikskólans Álfheima. Myndir / Aðsendar
Börnin máluðu gúrkur, paprikur og gulrætur og merktu það með límmiðum
frá Sölufélagi garðyrkjumanna.
Frá veitingastaðnum Hvönn.
Þessi fallegi útskurður er
eftirmynd af styttu sem
finna má í Brussel í Belgíu
en þar stendur hún sem
lögreglumaður í dulargervi
sem gömul kona sem var
raunin á tíma í borginni
þegar lögreglan réðst í
aðgerðir gegn vasaþjófum.
Dagana 11.–12. maí var haldin
vegleg og skemmtileg menningar-
og handverkshátíð að Árskógum
í Seljahverfi í Breiðholti þar sem
hannyrða- og smíðalistaverk eldri
borgara voru til sýnis. Fjölmargir lögðu
leið sína til að líta á herlegheitin en
til viðbótar við sýninguna var einnig
menningardagskrá í boði fyrir gesti og
gangandi. /ehg
Ómar Arason gerði þetta glæsi- lega skjaldarmerki.
Líf og fjör á handverks-
hátíð í Árskógum