Bændablaðið - 11.05.2023, Page 7

7Bændablaðið | Fimmtudagur 11. maí 2023
LÍF&STARF
Nú er loksins að lifna yfir öllu og öllum
landsmönnum, blessuð sólin breytir öllu,
og jafnvel kominn ylur í Ingólf Ómar
Ármannsson sem yrkir fyrstu vísu þessa
þáttar:
Vonir kvikna, vaknar þrá,
vetrarkyljur þagna.
Kvaka þrestir kvisti á
komu vorsins fagna.
Bjarni frá Gröf orti eftir að hafa horft
á ungt fólk í einhverjum sjónvarpsþætti:
Ósköp finnst mér æskan ljót,
út af heimsku troðin,
sýnir apans ættarmót
illa hirt og loðin.
En það er ögn glaðlegra yfir næstu vísu eftir
Pétur á Hallgilsstöðum, hverja hann orti
til svarfdælskrar stúlku:
Fallegt er í fjallasalnum,
finnst þar sunnan andi hlýr.
Fædd er hún í fagra dalnum,
-forsetinn áður rak þar kýr.
Haraldur á Jaðri orti þessa fagurgerðu
hringhendu til Sveins frá Elivogum:
Myndir risti á minnisspjald,
málveig kyssti glaður,
aldrei missti á orðum vald
óðsins listamaður.
Eftir Jón Örn Jónsson frá Steðja er næsta
hringhenda:
Finnast, kætast, kynning ná,
kveðjast, grætast, leynt að þrá,
angursbætur engar fá,
oft sú rætist nornaspá
Konráð Vilhjálmsson orti næstu heilræði:
Þeir, sem óska á annað borð
allra hylli að njóta,
sigurlaun og sæmdarorð
síðla munu hljóta.
Ludvík R. Kemp orti eftirfarandi grafskrift
eftir ónefndan lækni:
Sjaldan hlaut af lýðum lof,
lífs á brautum skeindist,
frægðar naut, en oft um of
innanblautur reyndist.
Þormóður Pálsson yrkir oddhent svo
leikandi létt:
Æskan dáir heiðið háa.
Hljóð og fáum kunn
siglir þráin silfurgljáa
svala, bláa unn.
Theódóra Thoroddsen orti tvær næstu
vísur:
Gleðisjóinn geyst ég fer,
þó gutli sorg und kili,
vonina læt ég ljúga að mér
og lifi á henni í bili.
Hleður snjá um holt og börð.
Hel er þá að veiðum.
Verður smá um veglaus skörð
vörnin á þeim leiðum.
Sr. Sigurbjörn Einarsson biskup kvað á
unga aldri:
Þá var stundum leikið af list,
leitað, beðið, fengið.
Oft var faðmað, oft var kysst,
oft var lengra gengið.
Kristján frá Djúpalæk hringdi eitt sinn í
skrifstofusíma Íslendings, en fékk ekkert
svar:
Enginn vaknar enda þótt
úti vorið syngi.
Enn er sofið sætt og rótt
suður á Íslendingi.
Umsjón:
Árni Geirhjörtur Jónsson
kotabyggd1@gmail.com
MÆLT AF
MUNNI FRAM
Bændablaðinu var boðið að skoða höfuðstöðvar JCB í Staffordskíri
á Englandi. JCB er stofnað á Bretlandi og er starfsemi fyrirtækisins
enn að miklu leyti þar. Starfsfólk JCB er stolt af sinni sögu, enda
myndarlegt safn í höfuðstöðvunum. /ÁL
Breskur vélaiðnaður
sem lifir enn
Joseph Cyril Bamford (JCB) var fyrstur til að framleiða glussadrifinn
sturtuvagn árið 1948.
JCB setti hraðamet á dísilknúnu farartæki, 563 km/klst.
Tvær traktorsgröfur hvor í sinni viðhafnarútgáfunni við innganginn.
Forfeður Bamford voru járnsmiðir og framleiddu vélar fyrir landbúnað.
Einn af fyrstu skotbómulyfturum sem framleiddir voru komu frá JCB.
JCB postulínbolli með bresku tei.
Ámoksturstæki á Ferguson voru vinsæl meðal bænda.
Fyrsta traktorsgrafa JCB var smíðuð árið 1953 og byggð á Fordson Major.
Myndir / ÁL
JCB 3 var fyrsta traktorsgrafan byggð á grunni JCB. Framleiðsla
hófst 1961.