Bændablaðið - 06.07.2023, Side 8

8 Bændablaðið | Fimmtudagur 6. júlí 2023
FRÉTTIR
www.kofaroghus.is - Sími 553 1545
TIL Á LAGER
Ítarlegar upplýsingar og teikningar ásamt ýmsum öðrum fróðleik
STAPI - 14,98 fm
Tilboðsverð
779.000 kr.
25%
afsláttur
BREKKA 34 - 9 fm
Tilboðsverð
489.000 kr.
25%
afsláttur
NAUST - 14,44 fm
Tilboðsverð
539.000 kr.
30%
afsláttur
VANTAR
ÞIG PLÁSS?
Afar einfalt er að reisa
húsin okkar. Uppsetning
tekur aðeins einn dag
TILBOÐ Á GARÐHÚSUM!
Lögreglan fellir niður
blóðmerarannsókn
Rannsókn lögreglu á meðferð
hryssna við blóðtöku hefur verið
felld niður.
Matvælastofnun hafði áður
rannsakað þá meðferð sem kom fram í
myndbandi sem dýrverndarsamtökin
AWF og TBZ birtu á vefmiðlinum
Youtube í nóvember 2021.
Þá óskaði MAST eftir frekari
upplýsingum og óklipptu myndefni
frá dýraverndarsamtökunum en
fékk þau ekki afhent. Í yfirlýsingu
sem talsmenn AWF/TBS sendu frá
sér í desember 2021 sögðust þau
ekki ætla að afhenda MAST nein
óklippt myndbönd en væru viljug til
samstarfs ef opinber rannsókn færi
fram. Vísaði MAST því málinu til
lögreglu til frekari rannsókna í lok
janúar 2022.
Morgunblaðið hefur eftir
Sveini Kristjáni Rúnarssyni,
yfirlögregluþjóns á Suðurlandi,
að málinu hefði verið vísað frá ári
síðar, eða í lok janúar síðastliðinn
Lögreglan hafi ítrekað reynt
að komast yfir frekari gögn frá
dýraverndarsamtökunum en þau
hafi skýlt sér bak við þýsk lög sem
krefji þau ekki til þess að afhenda
frekari gögn.
Heimildin segir hins vegar
frá því að fulltrúar dýraverndar-
samtakanna hafi verið viljug til
að afhenda gögnin, en gegnum
réttarbeiðni í því skyni að tryggja
best sönnunargildi gagnanna. Slík
beiðni hefði hins vegar aldrei borist
frá Íslandi.
/ghp
Hryssa í blóðtökubás á Álftarhóli. Mynd /ghp
Minnir á girðingar
meðfram vegum
Vegagerðin minnir að vanda
bændur og búalið á að laga
girðingar sínar meðfram vegum.
Teknar verða út girðingar hjá
landeigendum sem tilkynna að
girðingar þeirra séu í lagi skv. 5
gr. reglugerðar nr. 930/2012, en
þar segir:
„Viðhaldskostnaður girðinga
með stofn- og tengivegum greiðist
að jöfnu af Vegagerðinni og
landeiganda. Þegar landeigandi
hefur lokið árlegu viðhaldi girðinga
með stofn- og tengivegum skal
hann tilkynna það til sveitarstjórnar
og viðkomandi þjónustustöðvar
Vegagerðarinnar og óska eftir
greiðslu á kostnaðarhlutdeild
veghaldara. Vegagerðin skal greiða
landeiganda sem svarar helmingi
af áætluðum viðhaldskostnaði
girðinga eins og hann er skilgreindur
í 3. mgr. Vegagerðinni er heimilt að
synja um greiðslu komi í ljós að
viðhaldi hefur ekki verið sinnt með
fullnægjandi hætti að mati Vega-
gerðarinnar.“
Húnabyggð hvetur þá land-
eigendur sem hafa uppfyllt skilyrði
reglugerðarinnar að tilkynna viðhald
sitt á girðingum til sveitarfélagsins
fyrir byrjun ágústmánaðar. /sá
Smass borgarar frá Stjörnugrís,
merktir íslenska fánanum,
eru brot á lögum samkvæmt
ákvörðun Neytendastofu sem
hefur bannað fyrirtækinu
að viðhafa slíkar merkingar.
Kjötið í hamborgurunum er að
stærstum hluta framleitt úr þýsku
nautakjöti.
Í lok júní birti Neytendastofa
ákvörðun sína sem hún byggir á lögum
um eftirlit með viðskiptaháttum og
markaðssetningu. Í þeim er sagt
að viðskiptahættir séu villandi
ef þeir eru líklegir til að blekkja
neytendur eða eru með þeim hætti
að neytendum eru veittar rangar
upplýsingar í þeim tilgangi að hafa
áhrif á ákvörðun þeirra um viðskipti.
Smass borgararnir frá Stjörnugrís
innihalda að stærstum hluta
innflutt nautakjöt og þar sem það
er einkennandi hluti vörunnar og
eðlislík búvöru sem framleidd er
hér á landi er því óheimilt, skv. 12.
grein laga um þjóðfánann, að merkja
hana með fánaröndinni.
Af þeim sökum bannaði
Neytendastofa Stjörnugrísi hf. að
viðhafa slíkar merkingar. Hún taldi
hins vegar ekki tilefni til að grípa til
sektarúrræðis þar sem Stjörnugrís
segist hafa breytt umbúðum þannig
að límdur hefur verið þýskur fáni
yfir íslensku fánamerkinguna.
Takmarkaðar fjárheimildir
Neytendastofu
Í svari menningar- og viðskipta-
ráðherra við fyrirspurn frá Bjarkey
Olsen Gunnarsdóttur þingmanns
um notkun íslenska fánans og
fánalitanna við merkingar á
matvælum kemur fram að mál
sem Neytendastofa hafði til
meðferðar vegna notkunar þjóðfána
Íslendinga á matvöru væri fyrsta
sinnar tegundar eftir gildistöku
fyrrnefndrar 12. greinar.
„Þess má geta að stofnuninni
hafa borist óljósar ábendingar um að
ýmsir aðilar merki innflutta matvöru
með þjóðfána Íslendinga. Þrátt fyrir
ítrekaðar beiðnir stofnunarinnar
hafa henni ekki borist skýrari
upplýsingar um það hvaða vörur
er þar átt við. Vegna takmarkaðra
fjárheimilda stofnunarinnar og
fjölda lögbundinna verkefna hefur
stofnunin til þessa ekki haft svigrúm
til að fara í almenna heildarskoðun
á þessum málum,“ segir jafnframt í
svari ráðherra. /ghp
Merking matvæla:
Ólögmæt notkun á
þjóðfánanum
Stjörnugrís er óheimilt að merkja smass borgara sína með íslenska fánanum.
Þýskur fánalímmiði hefur verið settur yfir fánaröndina. Mynd /ghp
Vestur-Húnavatnssýsla:
Ný sæðingastöð
Ingunn Reynisdóttir dýralæknir
og Pálmi G. Ríkharðsson, kennari
og hrossabóndi, hafa opnað
sæðingastöð fyrir hross á Syðri-
Völlum rétt við Hvammstanga.
Þau segjast leitast við að bjóða
upp á sæði úr sem flestum og bestu
hestum landsins ár hvert. Einnig
eru þau með stóðhesta á staðnum
í sæðingum. Stöðin er opin í júní
og júlí.
Ingunn og Pálmi stunda
hrossarækt og vissu að eftirspurn
væri eftir slíkri þjónustu á
Norðurlandi. „Við höfum verið
að fækka okkar hrossum og erum
með mikið land sem við vildum
nýta betur. Til að komast í að
halda undir bestu og vinsælustu
hestana voru sæðingar auðveldasta
leiðin. Einnig vorum við að hugsa
til framtíðar þar sem alltaf er að
verða algengara að vinsælir, góðir
stóðhestar séu í sæðingum og vildum
við því geta boðið upp á þjónustu
við hryssur og stóðhesta. Við erum
með kjöraðstæður, með mikla og
góða haga með rennandi fersku
vatni í öllum hólfum. Dýralæknir
er á staðnum allan sólarhringinn
og mikið og gott eftirlit er með
hrossunum,“ segir Ingunn.
Ingunn sér um allt sem við kemur
sónarskoðunum, sæðingum og
vinnslu á sæðinu en Pálmi sér um allt
umstang með merar og stóðhesta.
„Fyrir hryssueigendur viljum við
leitast við að geta boðið upp á að fá
sent sæði úr sem flestum og bestu
hestum landsins ár hvert, sem verið
er að taka sæði úr hverju sinni. Mikið
og gott eftirlit er með aðbúnaði mera
og folalda. Stóðhesteigendum getum
við boðið upp á að vera með hesta
hér í sæðingum og einnig að sæða
með þeirra hestum með aðsendu
kældu sæði,“ segir Ingunn.
Þekktir stóðhestar
Hægt verður að fá sæði úr nokkrum
þekktum stóðhestum hjá Ingunni
og Pálma í ár.
„Þeir sem standa til boða eru
Álfaklettur frá Syðri-Gegnishólum,
Fróði frá Flugumýri, Hrannar frá
Flugumýri og Skýr frá Skálakoti.
Okkar stóðhestur, Brynjar frá
Syðri-Völlum, stendur einnig
til boða. Þeir hestar sem verða
staðsettir hér á Syðri-Völlum
verða kynntir síðar,“ segir Pálmi
og bætir við:
„Sumarið leggst mjög vel í
okkur og erum við spennt að geta
boði hryssueigendum upp á þann
möguleika að geta nýtt sér þessa
þjónustu hjá okkur. Pantanir fara
vel af stað þó svo að við höfum enn
þá ekki verið mikið að auglýsa.“
/mhh
Ingunn Reynisdóttir dýralæknir og Pálmi G. Ríkharðsson, kennari
og hrossabóndi, sem hafa opnað sæðingastöð á Syðri-Völlum rétt við
Hvammstanga. Starfsemin fer vel af stað. Myndir / Aðsendar
Allar merar þarf að ómskoða oft
til að tímasetja egglos sem og
staðfesta fang.