Úrval - 01.04.1971, Blaðsíða 109

GÍSL í PEKING
107
leysi einstaklingsins, sem stendur
einn og óstuddur. Og' ég hef snúið
mér til Guðs í ríkara mæli en
nokkru sinni fyrr. Ég bið hann Jiess
tvisvar á dag, að ég megi losna frá
þessum hörmungum.
f kvöld hef ég verið heltekinn
örvæntingu. Ég hef stunið upphátt
„Þetta er helvíti á jörðu“ og „lif-
andi dauði“. Það virðist sem ég
ætli aldrei að losna úr þessu hræði-
lega fangelsi. Stundum finnst mér
sem ég sé að verða vitskertur. Ó,
Guð, hvað verður um mig?
Loks tók fangavistin í þessum
pínulitla klefa enda. Þ. 3. nóvem-
ber var ég fluttur inn í skrifstofu
fyrrverandi þýðanda míns, en hún
var við hliðina á'litla klefanum. Ég
var enn í stofufangelsi, en þetta
nýja íveruherbergi mitt var um 12
ferfet á stærð, á því voru tveir
gluggar, og sneri annar þeirra út
að garðinum. Veggirnir voru subbu-
legir, allir útataðir í vígorðum
ásamt litmyndum af Mao. En nú
hafði ég nýtt rúm, sem flutt hafði
verið niður af efri hæðinni, og
borð, sem ég átti að fá að borða
við.
Og þ. 14. nóvember steig ég svo
út í garðinn, í fyrsta skipti eftir að
Rauðu varðliðarnir ruddust inn í
hús mitt. Útiloftið var dásamlega
ferskt. Mér var leyft að ganga þar
fram og aftur í 30 mínútur. Ég gat
skrefað endilangan garðinn í 22
skrefum.
En samt voru dagarnir þrungn-
ir tómleika. Þegar ég borðaði mat-
inn minn einn á kvöldin, horfði ég
upp í gluggakistuna og ímyndaði
mér, að á henni væri röð af bók-
um. Ég var heltekinn af lestrar-
löngun, svo heltekinn, að hvert
bréfsnifsi með letri á var mér sem
dýrmæt auðæfi. Þegar ég var inni
í baðherberginu síðdegis einn dag-
inn, tók ég eftir því, að utan um
flösku, sem innihélt sótthreinsun-
arefni, var vafið gúmteygju. Það
var nýbúið að koma með flösku
þessa ofan af lofti. Og á bakhlið
flöskunnar var lítill notkunarbækl-
ingur. Fyrsta viðbragð mitt var
áköf löngun til þess að lesa leið-
beiningar þessar tafarlaust. En svo
hélt ég aftur af sjálfum mér og
ákvað að geyma mér þennan mun-
að þangað til eftir kvöldmatinn.
Og um kvöldið drakk ég í mig af
geysilegum ákafa hinn bókmennta-
lega glæsileika setninga sem þess-
ara:
Inflúensa: Notið kvölds og morgna
í varúðarskyni, þegar faraldur geis-
ar.
MUNNSKOLUN: Notið daglega,
blandað í um 6 lítra vatns.
Þetta var minnisverð máltíð fyrir
mig, sannkölluð veizlumáltíð!
ZHIVAGOHERFERÐIN
I byrjun desember fékk ég af-
hentan eina pakkann, sem komst
í mínar hendur allan þann tíma,
sem ég sat í stofufangelsi. Hann
hafði að geyma bækur, vindla og
sælgæti. Og í tíu daga samfleytt
sveif ég um í sæluvímu vegna áhrif-
anna af lestrinum. En þegar kom-
ið var fram í miðjan janúarmánuð
árið 1968, var ég aftur orðinn ör-
væntingarfullur. Og nú snerust all-