Goðasteinn - 01.09.1969, Blaðsíða 55

Einar Sigurfinnsson:
Ingimundur hreppstjóri
Einn þeirra manna, sem mér hafa orðið minnisstæðir frá
bernsku og unglingsárum, er Ingimundur Eiríksson bóndi og
hreppstjóri á Rofabæ í Meðallandi. Skammt var milli bæja í
Meðallandi og náinn kunningsskapur milli granna.
Ærinn var aldursmunur okkar Ingimundar, því kominn var
hann á sjötugsaldur, þegar ég kunni mann að þekkja - og raunar
mun ég aidrei hafa þekkt Ingimund til fulls, því dáinn var hann
áður en ég náði tvítugsaldri (d. 1903).
Ingimundur var með hæstu mönnum, bcinvaxinn, útlimastór, all-
stórskorinn í andliti og svipmikill, enni hátt og hvelft. Hæggengur
var hann en skrefadrjúgur, talaði hægt, og var sem hvert orð væri
metið og vegið, áður en því var sleppt af vörum. Alisterkur var
hann talinn og handtakagóður. Slyngur vatnamaður, kunni vel að
velja vöð á straumvötnum og ódeigur að vaða, þótt djúpt væri.
Lagtækur var hann, og flest verk fóru honum vel úr hendi. Rit-
hönd hans var falleg og læsileg og stíll í bezta lagi. Fjöðurstafur-
inn lék í hendi hans, þótt fingur væru krepptir. Orð fór af, að
skýrslur frá honum og skjöl væru sérlega vel úr garði gerð. Hann
var að mörgu leyti málsvari sveitar sinnar og trúnaðarmaður i
margskonar störfum.
Hann varð hreppstjóri 1861, rúmlega þrítugur að aldri, og var
það til dauðadags, sýslunefndarmaður með mörgu fleiru. Blóð-
tökumaður var hann, skar einatt í ígerðir og graftarmein og bjó
Godasteinn
53