Goðasteinn - 01.09.1969, Side 20

Æviminningar
Klemenzar Kr.
Krist]ánssonar
Vinnumenska og
lýðsknlanám
Framhalcl frá síðasta hcfti.
Kle/nenz Kr. Kristjánsson zz ára.
Þegar ég var orðinn kaupamaður á Stóra-Hofi hjá þeim sæmdar-
hjónum Guðmundi Þorbjarnarsyni og Ragnhildi Jónsdóttur konu
hans, mátti vart segja, að ég væri fullgildur karlmaður til hey-
skaparstarfa. Ég var smávaxinn og kraftalítill, en hafði áhuga á
því að duga eftir beztu getu. Verst þótti mér þó, að ég var ekki
baggatækur. Fyrsta verk mitt var að rcka lömb á fjall, því að
þetta sumar var fært frá og var það í síðasta skipti, sem það
var þar gert. Ég undraðist gróðurleysi Rangárvallaafréttar cg mér
var efst í huga, að lítið væri fyrir marga munna þessara litlu
lamba, er grátandi fóru frá mæðrum sínum og áttu nú að lifa
það sem eftir var sumars móðurlaus.
Sumarið 1912 var allgott til heyskapar, og vann ég við hann
auk þess, sem ég smalaði kvíánum flesta daga. Um haustið var
ég atvinnulaus og að litlu að hverfa í Reykjavík. Varð það því
18
Goðasteinn