Goðasteinn - 01.09.1969, Side 82

Þórður Tómasson:
Minning Jóns
á Lækjarbotnum
Jón Árnason óðalsbóndi á Lækjarbotnum í Landsvcit gekk á hina
ókunnu götu allra lýða 27. des. 1968. Um hann á við hið gamal-
kveðna: „Eftir lifir minning mæt, þó maðurinn deyi.“ Ritið Goða-
steinn hcfur sérstaka ástæðu til að minnast Jóns, svo oft gladdi
hann það með góðu efni. Jón var fæddur í Osgröf á Landi 20.
júlí 1881, sonur Árna Kollins Jónssonar og konu hans, Þórunnar
Guðlaugsdóttur frá Hellum, er síðar bjuggu að Látalæti (nú Múla)
til dauðadags. Árni var sonur stórbóndans Jóns Árnasonar i
Skarði og konu hans, Guðrúnar Kolbeinsdóttur, sem átti að afa
merkisbóndann hagorða, Eirík Vigfússon á Reykjum á Skeiðum.
Synir Árna og Þórunnar voru öllum Sunnlendingum að góðu
kunnir. Nú er aðeins einn þeirra á lífi, Ingvar bóndi á Bjalla í
Landsveit.
Jón á Lækjarbotnum átti sína glöðu æskudaga hjá umhyggju-
80
Goðasteinn