Goðasteinn - 01.09.1993, Side 20

Hans er fyrst getið sem prests í Reykholti, sem þá var mjög gott
prestakall. Styður það fyrri staðhæfingu um, að hann hafi notið
sérstakrar hylli Stefáns biskups.
Næsti prestur í Reykholti á undan síra Jóni var síra Þórður Jóns-
son, sem fékk staðinn 1503. Ovíst er nú, hve lengi hann hélt Reyk-
holt. I nafnaskrá Fornbéfasafns er hann talinn lifandi 1513. Það er
þó engan veginn öruggt, því að sá Þórður Jónsson, sem getið er
það ár, gæti eins verið síra Þórður Jónsson í Hruna. sem deyr
1514. Er því vel hugsanlegt að síra Jón Einarsson verði einmitt
prestur í Reykholti 1510. Þar er hann a.m.k. prestur 1518, en það
ár tekur síra Olafur Gilsson við prestsskap af honum þar. A þess-
um árum er síra Jón Einarsson viðriðinn marga gjörninga. Getur
það vel staðizt, þótt hann hafi verið prestur í Reykholti allan þann
tíma.
Síra Jón Einarsson fer frá Reykholti 1518, sama ár og Stefán
biskup Jónsson andast. Er líklegt, að Ögmundur biskupsefni
Pálsson hefi þá þegar kallað hann í þjónustu sína, því að Ögmund-
ur nefnir hann um þetta leyti hvað eftir annað í dóm í Skálholti.
Er síra Jón þar einatt nefndur fyrstur klerka. Einnig er hann við-
riðinn undirbúning að utanför Ögmundar til vígslu 1519.
Augljóst er, að síra Jón er einn með mestu virðingarmönnum
Ögmundar og dvelst með honum langdvölum í Skálholti, þótt
ekki sé vitað nú, hvort hann hefur gegnt þar sérstöku embætti um
þetta leyti. Meðan Ögmundur dvelst ytra í vígsluför 1520—2, fer
síra Jón með officalisvöld á Vestfjörðum, jafnvel einnig í öllu
Skálholtsbiskupsdæmi. Ögmundur biskup Pálsson hefur því þeg-
ar í upphafi biskupsdóms síns metið síra Jón Einarsson einna
mest allra sinna klerka.
III
Eftir að Ögmundur biskup kemur heim frá vígslu, bendir ýmis-
legt til þess, að síra Jón hafi áfram dvalizt með biskupi í Skálholti,
enda líður skammur tími, þar til deilur hefjast við síra Jón Arason
og Norðlendinga um eftirmann Gottskálks biskups Nikulássonar
á Hólastóli. í þeim deilum kemur síra Jón nokkuð við sögu eins
og hér mun stuttlega rakið.
18
Godasteinn