Goðasteinn - 01.09.1993, Qupperneq 162

haföi farið yfir vötnin og svaraði hann því greiðlega, sagði þau lít-
inn farartálma fyrir sig þegar hann væri á þeim kúfótta því hann
fór yfir þar sem þeir komu að.
Sagt var að Benidikt hafi eitt sinn brugðið sér austur í Skaftár-
tungu á Kúf sínum, þetta var á sunnudegi, fór hann þá heiman frá
sér í Fljótsdal um morgun, inn Grænafjall og Emstrur og svo
Fjallabaksleið niður í Skaftártungu og náði í messu í Gröf. Leið
þessi er talin um tuttugu tíma lestaferð með klyfjar milli Rauð-
nefnsstaða á Rangárvöllum og Ljótarstaða í Skaftártungu. Sjálf-
sagt er sú leið, sem Benidikt fór allmiklu styttri.
Eftir fárra ára sambúð missti Benidikt konu sína Sigríði, hélt
hann þó áfram að búa í Fljótsdal með aðstoð Ragnhildar dóttur
sinnar, en að stuttum tíma liðnum kvæntist hann konu þeirri er
Þórunn hét Sigurðardóttir frá Steig í Mýrdal, fædd þar 18. apríl
1812, var til þessa ráðhags stofnað að tilhlutan Þorsteins garð-
yrkjumanns í Vatnsdal í Fljótshlíð, hálfbróður Þórunnar og var
hún heldur ófús að giftast Benidikt því hún lagði ástarhug á Eikík
Jónsson í Hlíð í Skaftártungu, en hann var bróðir Þorláks í Gröf,
sem úti varð á Fjallabakleið haustið 1868 og þeir fjórir saman.
En forlögin eru stundum hörð því þrem dögum eftir að Þórunn
kom að Fljótsdal bar gest að garði í Steig, var það Eikíkur í Hlíð
og kom þeirra erinda að biðja Þórunnar sér fyrir konu. Tók hún
sér þetta mjög nærri sem von var er hún missti þar þann mann,
sem hún bar mestan ástarhug til og heföi helst kosið að lífsföru-
nauti, en hún leit svo á að þetta væri reynsla, sem Guð heföi sent
henni til æfingar í undirgefni undir hans vilja. Þessi trú hjálpaði
henni þá, og síðar þegar ástvinamissir og áföll sóttu að ásetti hún
sér að reynast manni sínum þess betur.
Þau Þórunn og Benidikt bjuggu í Fljótsdal um nokkur ár við
batnandi efnahag. Þau eignuðust tvo syni og verður þeirra getið
að nokkru síðar.
Benidikt var mikill veiðimaður ekki síður en hesta og ferða-
maður. Þann sið haföi hann að fara hvert sumar til fuglaveiða inn
um fjöll. I ágústmánuði árið 1838 fór Benidikt eina slíka ferð og
haföi með sér Ragnhildi dóttur sína, sem þá var unglingsstelpa,
sennilega tápmikil, aðeins sextán ára. Kom hún úr þeirri ferð
160
Goðasteinn