Goðasteinn - 01.09.1993, Qupperneq 303

Guðjón að Efri-Steinsmýri í Meðallandi en þar bjuggu þau í fjög-
ur ár eða til 1934. Þá fluttust þau að Sandaseli en þar varð dvöl
þeirra um áratuga skeið eða til 1944. Það ár flytjast þau vestur í
Rangárvallasýslu og tóku sér bólfestu að Galtarholti í Rangár-
vallahreppi sem þá var einn af Bakkabæjunum svonefndu. Arið
1948 fluttust Kristín og Guðjón svo ásamt börnum sínum að Uxa-
hrygg 2 en það varð svo heimili þeirra til æviloka beggja, en Guð-
jón lést síðla árs 1986.
Bæði Kristín og Guðjón urðu að þola verulegan heilsubrest, frá
því um hálfsextugt var hann t.d. lítt fær til útivinnu. Og frá 1975
var hún nær alveg bundin við hjólastól. En þau báru það hlutskipti
með hetjulund.
Þau Kristín og Guðjón eignuðust alls fimm börn. Þau eru: Vil-
borg, gift Sigurgeiri Valmundssyni, Sveinn, kvæntur Elínu An-
tonsdóttur, Bjarni, kvæntur Aðalbjörgu Aðalbjörnsdóttur, Óskar
og Gróa.
Kristín Sveinsdóttir lést á Sjúkrahúsi Suðurlands, Selfossi 17.
apríl 1991. Útför hennar var gerð frá Oddakirkju 27. apríl 1991.
Vilborg Helgadóttir
Móeiðarhvoli 1, Hvolhreppi
Vilborg Helgadóttir var fædd 5. janúar 1894 að Grímsstöðum
í Vestur-Landeyjum. Foreldrar Vilborgar voru Helgi Árnason
bóndi á Grímsstöðum og seinni kona hans, Guðrún Hildibrands-
dóttir. Var þeim alls fjögurra barna auðið og var Vilborg næstelst
þeirra. Eru þau nú öll látin.
Vilborg missti föður sinn á barnsaldri. Eftir það var hún áfram
hjá móður sinni og síðar hjá föðursystur sinni Önnu Árnadóttur
og manni hennar Guðmundi Ólafssyni er þá voru búendur að
Syðra-Langholti í Hrunamannahreppi. Þá var Vilborg aftur hjá
móður sinni og síðari manni hennar Einari Sigurðssyni er búsett
voru í Fróðholtshjáleigu.
Árið 1917 (14. júlQ giftist Vilborg Valmundi Pálssyni frá Galtar-
Goðasteinn
301