Goðasteinn - 01.09.2007, Síða 32

Goðasteinn 2007
bóndi í sveit. Ónei. Hann hafði alltaf ætlað sér að fara iít í heim og verða ríkur og
frægur. Hann sem var alltaf svo duglegur að læra og foreldrar hans höfðu alltaf
leyft honurn að gera allt sem hann vildi. Hann var einkabarn foreldra sinna og
mamma hans hafði alltaf sagt að það yrði eitthvað mikið úr honum. Hún varð því
ekki hrifin af því þegar hann sagði henni að hann ætti von á barni með
sveitastelpu og að hann ætlaði að flytja til hennar og gerast bóndi. Hún hafði sagt
honum að gleyma stelpunni, hún gæti bara farið í fóstureyðingu, það væri mjög
algengt nú á tímum. Jóhannes hafði aldrei þorað að minnast á þetta við Björgu.
Honum t'annst svo undurvænt um hana þá. En honum fannst Björg alltaf vera að
breytast. Kannski var þetta svona með konur. Þær breytast með aldrinum, þar að
auki virðast þær bæta á sig nokkrum aukakílóum við hvern kiakka. Eða voru það
bara sveitakonurnar sem gerðu það? Hann hafði ekki spáð mikið í það en svona
þegar hann hugsaði um það þá fannst honum að það gæti alveg verið. Hann mundi
óljóst eftir þorrablótinu síðasta en hann hafði víst skvett aðeins of mikið í sig þá.
Hann rámaði þó í að hafa dansað kannski einum of mikið við vinnukonuna á
Fjalli. Mikið hafði hún verið lífleg og fjörug og það var ekki honum að kenna þó
að hún hafi endilega viljað kyssa hann. Kannski hann hafi verið óþarflega fljótur á
sér að fara með henni út, en menn þurfa einstaka sinnum að fá sér ferskt loft og
honum fannst allt í lagi að nota tækifærið þegar hún stakk upp á því að þau færu
saman út. Að vísu skildi hann ekki allt sem hún sagði enda talaði hún ekki
íslensku þar sem hún var víst frá Litháen eða Finnlandi eða einhverju álíka landi.
Honum fannst að það ætti að skylda alla útlendinga sem koma hingað í leit að
vinnu til að fara á íslenskunámskeið. Það myndi trúlega fyrirbyggja margan
misskilninginn. Björg var víst ekki sérlega hrifin af þessu uppátæki hans þarna á
þorrablótinu. En af hverju mátti hún þá daðra við aðra karlmenn? Var það ekki
hún sem var að fikta í hárinu á honum Þrándi á Bakka og hann sá ekki betur en að
hún hefði verið að hvísla einhverju leyndarmáli í eyrað á honum. Þau voru
jafnaldrar og hann hafði heyrt að Þrándur hefði alltaf ætlað sér að eiga Björgu
fyrir konu þegar þau voru yngri en þá hafði hann komið og ruglað öllum áformum
hans. Þrándur varð víst fyrir svo miklum vonbrigðum að hann hafði heitið því að
fyrst hann fékk ekki að eiga Björgu þá myndi hann ekki vilja eiga neina aðra enda
hafði maðurinn víst aldrei verið við kvenmann kenndur. Ekki gat Jóhannes borið
ábyrgð á því. Þrándur átti líka þennan fína nýtískulega pallbíl alveg eins og
Jóhannes hafði alltaf langað svo mikið í. Þrándur var líka alltaf tilbúinn að keyra
Björgu þegar hún þurfti á því að halda. Hann var víst með meirapróf og átti
vörubíl og gröfu. Aldrei hafði Jóhannes unnið á gröfu eða keyrt vörubíl þó að
hann efaðist ekki um að hann gæti það vel. Hann var reyndar ekki með bílpróf,
það hafði verið tekið af honum þegar hann velti Land-Rovernum ofan í skurð.
Ekki var það honum að kenna að bíldruslan hafði ekki tollað á veginum enda
30