Bókasafnið - mar. 2024, Qupperneq 30

30 Gróa Finnsdóttir
Þegar þetta er skrifað er ég búin að prjóna heilmikið, taka til, elda góðan mat, sinna fólkinu
mínu, lesa og skrifa enn meira. Og nú er sagan mín loksins komin í hendur ritstjóra út gefanda
sem er býsna ánægður með afraksturinn og verður bókin tilbúin til útgáfu innan fárra mánaða.
Það er kitlandi tilfinning. Þegar fyrri skáldsagan mín kom út, rétt fyrir sjötugsafmælið mitt,
fannst fólki réttilega, að hún greindi frá svo hryllilegum atburðum að ég yrði að skrifa um
eitthvað fallegra næst. Mér var ljúft og skylt að verða við þeirri ósk. Ég náði góðu samkomu­
lagi við væntanlegar persónur bókarinnar sem samþykktu að þetta yrði ástarsaga. Svo þegar
allir lausu minnispunktarnir úr rauða kassanum voru komnir í eitt skipulegt handrit að bók
sýndist mér bara að þarna væri komin hin ljúfasta ástarsaga ýmissa skemmtilegra persóna.
Meðal annars sjötugrar konu.