Bókasafnið - mar. 2024, Side 50

50 Gunnhildur Kristín Björnsdóttir | Minning : Arndís Sigríður Árnadóttir
Grunnur að nútíma bókasafnsþjónustu hér á landi, var lagður eftir miðja síðustu öld þegar
sérmenntuðum bókasafnsfræðingum tók að fjölga og frumkvöðlar hófu með elju og dugnaði
að breyta bókasöfnum í lifandi þekkingarmiðstöðvar. Þessir bókasafnsfræðingar urðu
fyrirmyndir okkar sem á eftir komu og ein þeirra var Arndís Sigríður Árnadóttir.
Arndís S. Árnadóttir var fædd 12. nóvember 1940. Hún varð bráðkvödd í París 8. september
síðastliðinn. Arndís lauk stúdentsprófi frá Menntaskólanum í Reykjavík 1960. Hún stundaði
nám í listasögu við Hollins College í Roanoke í Viginíu í Bandaríkjunum 1960­1961. Hún
flutti síðan aftur til Bandaríkjanna og bjó þar á árunum 1964­1974. Hún lauk þá prófi í
innanhússhönnun við Maryland Institute College of Art 1972 og sótti auk þess námskeið í
ýmsum listgreinum við Towson University.
Eftir að heim til Íslands kom lauk Arndís BA­prófi í bókasafns­ og upplýsingafræði frá
Háskóla Íslands 1980 og síðar MA­prófi í hönnunarsögu frá De Montfort University í Leices­
ter í Bretlandi 1997. Árið 2011 varði Arndís doktorsritgerðina Nútímaheimilið í mótun:
fagurbætur, funksjónalismi og norræn áhrif á íslenska hönnun 1900-1970, í sagnfræði við
Háskóla Íslands og fjallar ritgerðin um þær breytingar sem urðu á híbýlaháttum Íslendinga
á þessu tímabili. Ritverk þetta sem var algjört brautryðjendaverk, er mikilvægt framlag til
Arndís Sigríður Árnadóttir 1940 - 2023
Mynd 1: arndís við doktorsvÖrnina í HátíðarsaL Hí 19. ágúst 2011. LJósMynd: kristinn ingvarsson
Minning
Höfundur: Gunnhildur Kristín Björnsdóttir