Bókasafnið - Mar 2024, Page 66

66 Bókasafn Reykjanesbæjar
Áður en við fórum frá Majorstuen hittum við fyrir tvo aðra bókasafnsfræðinga á safninu.
Þeir kynntu fyrir okkur meginstarfsemi safnsins, þar á meðal mjög spennandi fræsafn þar
sem hægt er að næla sé í fræ til gróðursetningar heimavið.
Á vorin og fram á haust nýta starfsmenn safnsins einnig sólríkt svæði við innganginn til þess
að vera með gróðurrækt í safninu. Gróðurinn sem samanstendur af hinum ýmsu kryddjurtum
er lánþegum safnsins velkomið að nýta.
27. apríl 2023
Ferðalangarnir mættu eldhressir fyrir utan hótelið
klukkan 8 að morgni og tóku strætó til Nittedal
sem er sveitarfélag með rúmlega 20.000 íbúa.
Bókasafnið er hátt til lofts og mjög opið og þar
eru miklir og stórir gluggar með frábæru útsýni
yfir bæinn og náttúruna. Þar tóku á móti okkur
tveir bókasafnsfræðingar sem fóru almennt yfir
starfsemi safnsins og fjölluðu sérstaklega um
sumarlesturinn í Noregi, sem safnið sinnir af alúð.
Sumarlesturinn þar er stafrænn og leikjavæddur
og hefur notið mikilla vinsælda og vaxið ört á
síðustu árum. Við í Bókasafni Reykjanesbæjar
höfum hug á því að koma á sambærilegum sumarlestri hér heima og er það í vinnslu. Hægt
er að lesa sér meira til um norska sumarlestrarverkefnið á vefsíðunni www.sommerles.no.
Vert er að benda á að aðal síða verkefnisins liggur þó niðri yfir vetrartímann.
Mynd 3: fræsafn Mynd 4: gróðurrækt á bókasafninu
Mynd 5: í nittedaL