Bókasafnið - Mar 2024, Qupperneq 70

70 Árdís Ármannsdóttir og Tinna Lind Guðjónsdóttir
Landsfundur Upplýsingar 2023 var haldinn í Haukaheimilinu Ásvöllum í Hafnarfirði dagana
21. og 22. september 2023. Yfirskrift fundarins var: Get ég aðstoðað? Þjónusta og uppbygging
bókasafna í nútímasamfélagi og voru gestir um tvö hundrað talsins víðsvegar að af landinu.
Lykilfyrirlesarar landsfundar voru þeir Jan Holmquist og Kenneth Korstad Langås. Dagskrá
og framkvæmd fundarins voru í höndum Bókasafns Hafnarfjarðar og Bókasafns Garðabæjar.
Nefndina skipuðu Sigrún Guðnadóttir formaður, Margrét Sigurgeirsdóttir, Hugrún Margrét,
Þorbjörg Bergmann, Unnur Möller, Gunnhildur Ægisdóttir og Sigríður Júlíana Sighvatsdóttir.
Bókasafnsþjónusta er hverju samfélagi mikilvæg
Erindin sem flutt voru á fundinum voru fjölbreytt og fróðleg. Jan Holmquist fjallaði um
aðlögun að breytingum og umbreytingu bókasafnsþjónustu fyrir nútímasamfélag. Kenneth
Korstad Langås ræddi mikilvægi bókasafna í erindi sínu og hvernig þau eru ákveðið bjargráð
nærsamfélagsins. Hjónin Agnes og Elias Våhlund, barnabókahöfundur og teiknari, stigu
einnig á svið og fjölluðu um bókaröðina sína Handbók fyrir ofurhetjur sem nær sannað er að
hafa breytt lífi barna. Þau ræddu hugmyndir sínar og ferlið bak við bókaskrifin, en bókaröðin
er mjög vinsæl á Íslandi.
Get ég aðstoðað?
Landsfundur Upplýsingar 2023
Mynd 1: Landsfundarnefnd 2023
Höfundar: Árdís Ármannsdóttir og Tinna Lind Guðjónsdóttir