Fróðskaparrit - 01.01.1962, Side 29

Grindadráp í Føroyum 1940—1962
35
árunum 1924 og 1927 doyði eingin grind, og í 1929 doyðu
bert 17 hvalir, so hetta vóru vánalig grindaár. 1931—39
vóru góð ár, best var 1939, tá 13 grindir komu — tilsamans
2716 hvalir. í 1931 doyðu 8 grindir (2376 hvalir) og í 1938
12 grindir (2072 Ivvalir).
Mesta av tilfarinum um grindir í 1940—62 hava vit fingið
beinleiðis frá sýslumonnunum, og skulu vit her nýta høvi
til at takka teimum hjartaliga. Nakað hava vit eisini fingið
frá landsskjalasavninum saman við eldri tilfari, sum vit eru
landsskjalavørðinum sera takksamir fyri.
1. talva vísir hvussu nógvar grindir og hvussu nógvir
hvalir eru deyðir í árunum 1940—62 hvørt ár og hvønn
mánað sær. Hesi 23 árini eru deyðar 251 grindir í Før*
oyum, tilsamans 39.573 hvalir. í meðal verður hetta 11
grindir og 1720 hvalir upp á árið. í árunum 1584—1883
(Gabels tíðin undantikin) doyðu í meðal 506 hvalir um
árið. Og í 1904—1939 doyðu 740 hvalir upp á árið. Tey
seinastu 23 árini hava sostatt verið stak góð grindaár, so
góð sum ongantíð áður. Best var 1941. Tá doyðu 21 grindir
ella 4214 hvalir. Hetta árið er samstundis besta grindaár,
vit vita um at hava verið nakrantíð í Føroyum. Næst
kemur 1843, tá vórðu 18 grindir við 3143 hvalum dripnar.
1. mynd vísir hvussu stórur partur (í°/o) av grindahvab
unum, ið deytt er í teimum ymisku mánaðunum í tíðar*
skeiðinum 1584—1883 og 1940—62. Sum heild síggja vit,
at grindirnar eru komnar fyrr á árinum í okkara tíð enn
í gomlum døgum. Nú er juli mánaður vorðin besti grinda*
mánaður, fyrr var tað august. Men enn sum áður er tað
á sumri og út á heystið, ið er besta árstíðin til grindir.
Heldur meira av grind er komið á hávetri nú enn fyrr,
serstakliga í desember, januar og februar. Mars hevur verið
slakasti grindamánaður í 1940—62. Bert tvær grindir eru
dripnar í hesum mánaði, og báðar komu tær í 1940 —
sama dag, 2. mars — onnur á Sandvík, hin á Hvalba. Tær
vórðu skiftar saman.
Grindirnar hava allar tíðir verið ógvuliga ymiskar til