Fróðskaparrit - 01.01.1962, Síða 94

Louis Zachariasen.
* 21. januar 1890. f 30. august 1960.
Louis Zachariasen varð føddur á Kirkju í Fugloy 21. januar 1890.
Foreldrini vóru Simon Michael Zachariasen, lærari, og Malena Frede-
rikka Z., fødd Simonsen.
í 1908 fór Louis Zachariasen á læraraskúlan í Havn og tók prógv
haðani í 1911. f 1913 varð hann settur lærari í Kirkjubøar sókn. Lærara-
tíðin hjá honum var tó heldur stutt — í 1917 fór hann at lesa til student
á Døckers kursus í Keypmannahavn og tók prógv sum matematiskur
studentur í 1918. Hetta sama ár fór hann undir at lesa á Polyteknisk
Læreanstalt í Keypmannahavn, har hann veturin 1923—24 tók prógv
sum el-verkfrøðingur. Árið eftir varð hann settur sum verkfrøðingur
við Telefonverk Føroya Løgtings, hvørs stjóri hann gjørdist í 1936.
Hetta starv røkti hann til 1952, tá ið hann fór frá vegna sjúku.
Nógv álitisstørv fullu L. Z. í lut umframt, almenn eins og felagslig.
Umsjónarmaður fyri sArbejds- og Fabrikstilsynet pá Færøerne« var
hann 1936—50. Formaður fyri føroyska studentafelagnum í Keypmanna-