Fróðskaparrit - 01.01.1968, Page 7

Eitt dømi um saltfisk, ið varð mislittur av kopari
15
Sjálvt um hesi hitastig máld í vatnskorpuni ikki siga so nógv
um hitan, sum kann hava verið á dekkinum t. d. dagar, tá ið
sólin hevur skinið, kunnu tey kanska kortini nýtast sum met,
tá ið ætlað verður um, hvussu líkindini fyri sjálvsundurloysing
í fiskinum hava verið, áðrenn hann kom í salt. Sjálvsundur-
loysingin man neyvan hava verið so stór, at hon kann hava
verið atvold í, at fiskurin fekk ringan lit. Eitt sum styðjar hesa
hugsan er, at eitt skip, sum hevði fiskað um somu tíð og á
somu leiðum sum skipið, ið viðgjørt verður í hesi ritgerð, hevði
javnan og góðan fisk.
Saltið
Áðrenn báturin fór úr Føroyum, tók hann 96 t av Ibizasalti.
Av tí at hetta var ov lítið til allan fiskin (báturin landaði 166
t av saltfiski), vórðu fingin 30 t av Ibizasalti afturat í Før-
oyingahavnini. 28 t av hesum salti vórðu nýtt, soleiðis at tey
166 t av saltaðum fiski hava tilsamans fingið 124 t av salti.
Salt roknað upp á vekt av saltaðum fiski verður so statt 75%,
sum skuldi verið ivaleyst eftir vanligum føroyskum meti.
Útgerðarfelagið lat salt, sum tikið varð í Grønlandi og salt
av goymslu í Føroyum kanna fyri innihald av Cu + . (Sí
kanningarúrslit undir brotinum: Cu + ~ innihald í salti og
saltaðum fiski.)
Kanning av lastarúmi
Tá ið saltfiskurin og tað, ið eftir var av salti, vórðu landað,
var høvi at kanna sjálvt lastarúmið. Undantikið eitt sindur
av salti, sum sløddist eftir, var rúmið reint og nossligt. Av tí
at vrakieftirlitsmaðurin, sum hevði havt eftirlit við fiskinum,
tá ið hann varð landaður, hevði ansað eftir, at summir fiskar
í botninum á lastini høvdu blágrønar blettir á skræðuni, hevði
hann fingið illtanka til, at kopar var komið at fiskinum. Lasta-
rúmið varð tí serstakliga kannað viðvíkjandi koparlutum, sum
møguliga høvdu sveittað eirdømi av sær, sum kundi verða
komið upp í fiskin ella í saltið.