Morgunblaðið - 04.06.1992, Blaðsíða 4
4
MORGUNBLAÐIÐ FIMMTUDAGUR 4. JÚNÍ 1992
Morgunblaðið/Aki H. Guðmundsson
Búrhvalur dreginn
úr fjörunni á Bakkafirði
Björgunarsveitinni Erni á Bakkafirði var falið að sjá um að fjar-
lægja eitt búrhvalshræið úr fjörum Bakkafjarðar og draga það á
haf út svo það grotnaði ekki niður rétt við þæjardyr þorpsbúa. Feng-
inn var til þess 9 tonna bátur, hræið dregið út á kvöldflóði 27. maí
si. og gekk það verk mjög vel. Á myndinni má sjá björgunarsveitar-
menninga ofan á hvalnum, þá Ólaf B. Sveirisson, Geir Vilhjálmsson
og Marinó Jónsson.
Húsnæðisstofnun ríkisins:
Útboð á skuldabréfum
fyrir allt að 3 milljarða
Bréfin seld með uppboðsfyrirkomulagi í mánaðarlegum áföngum
HÚSNÆÐISSTOFNUN hefur samið við Verðbréfamarkað íslands-
banka um að annast útboð á skuldabréfum stofnunarinnar á almenn-
um markaði að fjárhæð allt að 3 milljarðar króna. Skuldabréfin
verða seld með uppboðsfyrirkomulagi á þessu ári í sjö mánaðarleg-
um áföngum, í fyrsta sinn 23. júní.
Húsnæðisstofnun gerði fyrr á
þessu ári samkomulag við lífeyris-
sjóðina um að stefnt verði að því
að lántökur stofnunarinnar verði í
formi almenns útboðs á verðbréfa-
markaði. Á þessu og næsta ári mun
stofnunin bæði afla fjár með útboð-
um og samningum við lífeyrissjóðina
en á árinu 1994 er gert ráð fyrir
að öll lántaka fari fram með útboð-
um. Þannig verði um fjórðungi
lánsfjárins aflað með almennu út-
boði skuldabréfa á þessu ári, um
helmingi á árinu 1993 og á árinu
1994 verði öll lántakan boðin út.
Samkvæmt samkomulagi lífeyr-
VEÐUR
/ DAG kl. 12.00
HdmlkJ: Veöur$toIa ístands
(Byggt ó veöurspá kl. 16.15 í gœr)
VEÐUR VIÐA
kl. 12.00 ígær
UMHEIM
að ísl. tíma
hitl veður
Akureyri 10 skýjað
Reykjavik 8 skúrir
Bergen 24 léttskýjað
Helslnki 17 skýjað
Kaupmannahöfn 24 heiðskfrt
Narssaresuaq 2 alskýjað
Nuuk +1 skýjað
Óstö 25 léttskýjað
Stokkhólmur 21 heiðskírt
Þórshöfn 10 skýjað
Algarve 20 léttskýjað
Amsterdam 19 skýjað
Barcelona 26 léttskýjað
Berlín 25 skýjað
Chicago 14 heiðskirt
Feneyjar 24 þokumóða
Frankfurt 20 skýjað
Glasgow 16 skýjað
Hamborg 18 skýjað
London 18 skýjað
Los Angeles 17 þokumóða
Lúxemborg vantar
Madríd 20 hálfskýjað
Maiaga 25 skýjað
Mallorca 22 skýjað
Montreal 15 skýjað
New York 18 léttskýjað
Orlando 23 rigning
Parls 17 rignlng
Madeira 20 hálfskýjað
Róm 24 skýjað
Vín 18 þrumuveður
Washington 17 þokumóða
Winnipeg 17 hálfskýjað
issjóðanna við Húsnæðisstofnun frá
því í apríl er gert ráð fyrir að sjóð-
irnir semji um kaup á skuldabréfum
af stofnuninni fyrir 5,3 milljarða á
þessu ári. Ef þeir samningar ganga
eftir þyrfti útboðið að vera um 2
milljarðar. Vegna óvissu um hvort
allir sjóðirnir vilji ganga til samn-
inga við stofnunina svo og væntan-
legra affalla af bréfunum við sölu
var útboðsfjárhæðin því ákveðin 3
milljarðar.
Vali á tilboðum verður þannig
háttað að eftir að tilboðsfrestur
rennur út fer Húsnæðisstofnun yfir
þau og tekur ákvörðun um hvaða
ávöxtunarkröfu verður miðað við í
útboðinu, þ.e. lokaávöxtun. Öllum
tilboðum sem miðast við hærri
ávöxtun en lokaávöxtun verður
hafnað. Allir þeir sem buðu loka-
ávöxtun eða lægri ávöxtun fá þau
skuldabréf sem þeir óskuðu eftir
miðað við lokaávöxtun. Þannig fá
allir sem gerðu tilboð sem gengið
verður að, skuldabréfin miðað við
sömu ávöxtunarkröfu í hveiju út-
boði. Jafnframt verður heimilt að
gera bindandi tilboð fyrir ijárhæð
undir 5 milljónum króna án þess að
tilgreina ávöxtunarkröfu og munu
viðkomandi fá þau skuldabréf sem
þeir óska eftir miðað við lokaávöxt-
un.
Frestur til þátttöku í fyrsta útboð-
inu rennur út á hádegi þriðjudaginn
23. maí en uppboð verða síðan næst
síðasta þriðjudag hvers mánaðar
mð sem eftir er ársins. Daginn eft-
ir að tilboðsfrestur rennur út verður
tilkynnt hvaða ávöxtunarkröfu
gengið verður að í útboðinu.
Greiðslu þarf að inna af hendi eigi
síðar en innan þriggja daga frá
þeirri tilkynningu. Skuldabréfin
verða skráð á Verðbréfaþingi ís-
lands. Þau eru til 20 ára með jöfnum
greiðslum tvisvar á ári bundin vexti.
Skuldabréfin verða í 1 milljón og
10 milljóna króna einingum.
Yngvi Örn Kristinsson, formaður
stjórnar Húsnæðisstofnunar, sagði
að óformleg verðkönnun hefði verið
gerð hjá verðbréfafyrirtækjunum á
gjaldtöku þeirra. „Okkur leist ekki
á þær tölur því þar var um að ræða
prósentur af heildarfjárhæð útboðs-
ins sem leiða til hárra upphæða.
Við völdum þann kostinn að ganga
beint til samninga við eitt ákveðið
fyrirtæki. Ég held að hiðurstaðan
af því sé mjög ásættanleg fyrir
stofnunina. í verðbréfaviðskiptum
eru báðar leiðir jafngildar, þ.e. ann-
aðhvort að velja traustan samstarfs-
aðila eða bjóða út. Mín skoðun var
sú að ef valið færi fram með opnum
tilboðum myndu fyrirtækin ekki
hreyfa sig langt frá sínum opinberu
verðskrám. Einnig skiptir það máli
að útboðið er á tilraunagrundvelli á
þessu ári og á tiltölulega lágri fjár-
hæð miðað við okkar þarfir. í ljósi
þess kostnaðar sem af þessu leiðir
mun Húsnæðisstofnun leggja kapp
á að gera þetta sjálf á næsta ári.
Þama er um tímabundna ráðstöfun
að ræða og útboð meðal verðbréfa-
fyrirtækjanna hefði tekið tíma og
tafíð framgang málsins. Að mínu
mati er þetta hagkvæmasta leiðin
fyrir okkur.“
Minjar og saga:
Áhugi á að gefa Þjóð-
minjasafninu myndina
af biskupshjónunum
FÉLAGIÐ Minjar og saga hyggst bjóða í málverk frá því um
1700 af biskupshjónum í Skálholti á uppboði á Hótel Sögu í kvöld,
en hér er um að ræða elsta málverk, sem boðið hefur verið upp
hér á landi. Félagið hefur hug á að gefa Þjóðmiiyasafninu verk-
ið ef því verður slegið það. Gallerí Borg greiddi tæpa hálfa millj-
ón íslenskra króna fyrir verkið á uppboði í Kaupmannahöfn í
byrjun maí en býður það nú upp á uppboði, sem fyrirtækið heldur
i samvinnu við Listmunauppboð Sigurðar Benediktssonar.
Málverkið er af Þórði Þorláks-
syni (Thorlacius) Skálholtsbiskupi
og konu hans Guðríði Gísladóttur.
Það er talið málað af séra Hjalta
Þórarinssyni í Vatnsfirði, en hann
var uppi 1665 til 1750. Þjóðminja-
safn Islands var meðal þeirra sem
buðu í verkið á uppboðinu í Kaup-
mannahöfn og sagði Lilja Áma-
dóttir safnstjóri þá, að afar sárt
væri fyrir safnið að hafa ekki
fengið það, því þar ætti það fyrst
og fremst heima.
Sverrir Kristinsson, formaður
félagsins Minja og sögu, sagði í
samtali við Morgunblaðið í gær,
að félagið hygðist bjóða í verkið
á uppboðinu í kvöld. „Minjar og
saga er félag áhugamanna um
minjar og sögu og einskonar vina-
félag Þjóðminjasafnsins,“ sagði
Sverrir. „Það er 4 ára gamalt og
félagsmenn eru um 250. í stjóm
þess sitja, auk formanns, þau
Guðjón Friðriksson, Guðrún Þor-
bergsdóttir, Katrín Fjeldsted,
Ólafur Ragnarsson, Sigríður Th.
Erlendsdóttir og Sverrir Scheving
Thorsteinsson. Félagið hefur með-
al annars staðið fyrir fyrirlestrum
um fomleifafræði og sagnfræði,
efnt til ferðalaga til sögufrægra
Málverk af biskupshjónum í
Skálholti, sem boðið verður upp
á Hótel Sögu í kvöld.
staða og safnaferða. Það hefur
einnig það markmið að styrkja
Þjóðminjasafnið og hefur nú hug
á að kaupa þetta málverk og gefa
það safninu."
Sverrir sagði að stjóm félagsins
hefði nú leitað eftir stuðningi
meðal fyrirtækja og stofnána til
að fjármagna kaup á málverkinu
og einnig myndi hún leita til
félagsmanna umstuðning. Minjar
og saga ætli að reyna að kaupa
það, en þó verði tilboð félagsins
innan hóflegra marka.