Morgunblaðið - 04.06.1992, Blaðsíða 29

MORGUNBLAÐIÐ FIMMTUDAGUR 4. JÚNÍ 1992
29
EB fer með flota sinn af Miklabanka:
Fagnað í hófí á Nýfimdnalandi
„MENN dansa ekki beinlínis á götum úti af hrifningu yfir því að EB
skuli hafa dregið fiskveiðiflota sinn út af umdeildu fiskimiðunum á
Miklabanka. Þarna er tæpast um stefnubreytingu að ræða, enda er
okkur kunnugt um, að skipin voru á leið burt hvort eð er, þar sem
aflinn var orðinn svo lítill, að veiðar borguðu sig ekki lengur," segir
Cabot Martin, framkvæmdastjóri Samtaka sjómanna á grunnsævi,
(NIFA), í John’s á Nýfundnalandi, í samtali við Morgunblaðið.
Hemaðar-
íhlutun
möguleg
CAVACO Silva forsætisráð-
herra Portúgals og forseti
framkvæmdastjórnar Evrópu-
bandalagsins sagði á þriðjudag,
að óhjákvæmilegt kynni að
reynast að beita hervaldi, til
að koma á friði í Júgóslavíu,
ef refsiaðgerðir bæru ekki
árangur. Víða var barist í Bosn-
íu í gær og létust að minnsta
kosti fjórir menn í sprengjuá-
rásum Serba á íbúðahverfí í
Sarajevo. í gær óskaði stjóm
Króatíu eftir tafarlausri hern-
aðaríhlutun NATO eða hins
nýstofnaða Evrópustórfylkis
Breta og Frakka til þess að
koma á friði í Júgóslavíu.
STASI rak
sérstakan
glæpaflokk
STASI, leyniþjónusta austur-
þýska kommúnistaflokksins,
gerði út sérstakan glæpaflokk
í Vestur-Berlín og Vestur-
Þýskalandi fram til 1989 og
borgaði félögum hans fyrir
glæpaverkin, allt frá innbrotum
til morða. Alexander von Stahl,
ríkissaksóknari í Þýskalandi,
skýrði frá þessu í gær en vitað
er um 500 einstök glæpaverk,
þar á meðal um morðið á
austur-þýsku knattspyrnuhetj-
unni Lutz Eigendorf eftir að
hann hafði flúið vestur. Fund-
ust upplýsingar um glæpa-
flokkinn í leyniskjölum STASI
og í framhaldi af því vom 11
manns handteknir í Þýskalandi
í gær.
Sprenging í
kafbáti
FORINGI í rússneska sjóhern-
um og fimm hásetar létu lífíð
þegar sprenging varð i kjarn-
orkukafbáti í höfninni í Severo-
morsk skammt frá Múrmansk
á föstudag í síðustu viku. Segir
talsmaður sjóhersins, að
sprengingin hafi orðið í þjöppu
en ekki valdið neinum skaða á
kjarnakijúfnum.
Svíar endur-
greiða gullið
SÆNSKA þingið samþykkti á
þriðjudag að greiða Eistum og
Litháum 2,75 milljarða ÍSK í
bætur fyrir gull, sem þessar
þjóðir áttu í Svíþjóð en var af-
hent sovétstjórninni árið 1940.
Verða teknar upp viðræður við
stjórnvöld í Eystrasaltsríkjun-
um tveimur um hvernig staðið
skuli að bótagreiðslunni en
Eistar vilja fá hana í gulli.
Samkyn-
hneigð
leyfð í hernum
TVÆR konur í norska hernum
ákváðu nýlega að skýra yfir-
mönnum sínum frá því að þær
væru lesbískar og ættu í ástar-
sambandi eftir að hafa frétt af
lesbíu sem var rekin úr banda-
ríska hernum vegna kyn-
hneigðar sinnar. Konurnar
vildu fá úr því skorið hvort þær
hefðu brotið reglur hersins.
Yfirstjórn hersins lýsti því svo
yfir í gær að hún sæi ekkert
athugavert við að samkyn-
hneigt fólk væri í ástarsam-
bandi innan hersins.
Mikill styr hefur staðið um veiðar
skipa frá Evrópubandalaginu á
Miklabanka við Nýfundnaland, en
miðin eru rétt utan 200 mílna mark-
anna. Fiskveiðinefnd Norðvestur-
Atlantshafsins hefur bannað þorsk-
veiðar á þessum slóðum en EB hefur
á hinn bóginn einhliða úthlutað sér
27.000 tonna kvóta á bannsvæðinu.
Síðastliðinn mánudag var því svo
lýst yfir af hálfu EB að öllum þors-
kveiðum yrði þegar hætt og veiðum
á öðrum fisktegundum svo sem flat-
fiski síðar í mánuðinum.
Cabot Martin segir, að menn telji
ekki að veiðar EB séu aðalvandinn
hvað varðar hrun norðurslóðar-
þorsksins, heldur eigin ofveiði Ný-
fundlendinga. Veiðar EB séu þó
vandi, sem verði að leysa. Staðan í
dag sé í raun hörmuleg. Enginn af
stærri togurunum sé á þorskveiðum,
stóru frystihúsin séu lokuð, trollbátar
á grunnslóð hafí ekkert fengið og
sömu sögu sé að segja að netaveið-
inni. Veiði í gildrur sé rétt að hefjast
og byiji hún afar illa. Aðalveiðitíminn
byiji ekki fyrr en eftir tvær til þijár
vikur. „Það er ýmislegt einkennilegt
að gerast hér við Nýfundnaland. Nú
sézt ekkert af hrygningarloðnu, en
töluvert er af smáloðnu á ferðinni.
Hvalurinn hagar sér öðru vísi en
áður og sjófuglinn sömuleiðis og
mikið af seí er á ferðinni. Staðan er
raunar svo slæm, að hér finnst eng-
inn hrygningarfiskur. Fiskifræðing-
arnir fóru á dögunum í ieiðangur til
að rannsaka áhrif togveiða á þorsk
við hrygningu. Leiðangurinn mis-
tókst algjörlega, því þeir fundu eng-
an hrygningarfisk, aðeins ókyn-
þroska undirmálsfisk," segir Cabot
Martin.