Morgunblaðið - 04.06.1992, Blaðsíða 37

MORGUNBLAÐIÐ FIMMTUDAGUR 4. JÚNÍ 1992
37
Tungnafells-
afréttur
Þórisvatn
Laugarvatn /y
------Afréttur
Fljótshverfinginoa-
Hveragerði
Síðumanna-
afréttur
Selfoss
Laufaleitir
Afréttur Rangvellinga
Hvolsvöllur
Hnífsdælingar óánægð-
ir með ákvörðun um-
hverfisráðherra
Sveitarstjórnarmenn lofa úrbótum
innan tveggja ára.
UMHVERFISRÁÐHERRA, Eiður
Guðnason, tilkynnti á almennum
borgarafundi í Hnísfdal í síðustu
viku, að hann hefði fallið frá fyrri
ákvörðun sinni frá í vetur um að
láta loka sorpbrennslustöðinni á
Skarfaskeri við utanverðan Hnífs-
dal í landi ísafjarðarkaupstaðar.
Miklar deilur hafa verið milli íbúa
í Hnífsdal og eigenda stöðvarinnar
sem eru sveitarfélögin á ísafirði,
Bolungarvík og Súðavík vegna
mengunar frá stöðinni. Ráðherra gaf
eigendum frest í fyrra þar til í febr-
úar í ár að fínna aðrar lausnir í sor-
peyðingarmálum, en á fundinum kom
fram að nánast ekkert hefur verið
gert til úrböta enn. Fimmtán íbúar
á Hnífdsal sem tjáðu sig um þessi
mál á fundinum áður en mælenda-
skrá var lokað lýstu ailir megnri
óánægju með aðgerðarleysið.
Fulitrúar sveitarstjórnanna lýstu
því yfir á fundinum að innan tveggja
ára yrðu þeir búnir að leysa þessi
mál, og sögðust nú þegar vera tilbún-
ir að minnka vandann til dæmis með
flokkun sorps, sem hefjast mun
næstu daga, þar með ítarlega flokk-
un á spilliefnum, en gert er ráð fyr-
ir að fulltrúi umhverfisráðherra á
staðnum muni skila áfangaskýrslu
um árangurinn fyrir 30. september
nk. Þá hefur verið ákveðinn fundur
með öllum sveitarstjórnum 20. júní,
á svæðinu sem félagsmálaráðherra
hefur ákveðið að reyna að sameina,
þar sem reyna á að ná samstöðu
strax um byggðasamlag um sorpeyð-
ingu. Áætlaður kostnaður við sorp-
eyðingarstöð er um 150 milljónir og
er litið til Norræna fjárfestingar-
bankans um lánafyrirgreiðslu.
Smári Haraldsson, bæjarstjóri á
ísafirði, sagði í viðtali við blaðið að
erfitt væri að fullyrða um mengunar-
hættuna af rekstri stöðvarinnar en
taldi hana ekki jafn alvarlega og
Hollustuvernd ríkisins léti í veðri
vaka. Hann sagði skiljanlegt að fólk
væri hrætt, sérstaklega um börn sín,
eftjr að hafa lesið slíkar skýrslur.
íbúar í Hnífsdal eru ekki jafn ró-
legir. Á heimili sem fréttaritari kom
á á mánudag voru gluggakistur sem
snúa á móti norðri litaðar af sóti
tveimur dögum eftir síðustu hrein-
gerningu, enda hafði stöðin verið í
fullum gangi daginn áður þrátt fyrir
að ryk og stórar sótflyksur legði yfir
bæinn. Húsmóðirin sagði það reynd-
ar ekki óalgengt ef vindátt breyttist
eftir að þvottur væri kominn á snúr-
ur og að hann færi beint í þvottavél-
ina aftur.
- Úlfar.
Atriði úr myndinni Myrkfælni.
Háskólabíó sýnir
myndina Myrkfælni
HÁSKÓLABÍÓ hefur hafið sýn-
ingar á myndinni Myrkfælni. Með
aðalhlutverk fara James Fox og
Fanny Ardant. Leikstjóri er Mark
Peploe.
Morðingi sem haldinn er kvala-
losta leggst á blint fólk. Lucas er
ellefu ára drengur. Hann hefur mikl-
ar áhyggur af blindri móður sinni
og Rose, blindri vinkonu hennar.
Faðir hans reynir allt sem honum
er unnt til að sefa ótta hans en með
litlum sem engum árangri. Lucas
reynir allt hvað hann getur til að
vernda móður sína og vinkonu henn-
ar og tortyggir því alla. Ógnvaldur-
inn getur verið hver sem er. Ótti
Lucas vex stöðugt og bilið milli skelf-
ilegra dagdrauma hans og raunveru-
leikans verður sífellt minna.
Opið hús 1
VERSLUNARSKÓLI íslands var
með opið hús síðasta laugardag
fyrir nýútskrifaða grunnskóla-
nemendur og aðstandendur
þeirra. Gunnar Sigurðsson kerf-
isfræðingur skólans sem hafði
yfirumsjón með þessari kynn-
ingu áætlar að um 600 gestir
hafi litið inn.
Að sögn Gunnars Sigurðssonar
er ráðgert að taka inn 260 nýnema
í haust og var tilgangur þessarar
kynningar að fræða áhugasama og
væntanlega nemendur, þ.e.a.s. ný-
útskrifaða grunnskólanemendur, og
aðstandendur þeirra um námið í
skólanum. Skólinn var opinn og
áttu gestkomandi þess kost að
kynna sér húsakynni og námsað-
stöðu alla. Kennarar skólans voru
til viðtals og einnig voru 50 eldri
nemendur á staðnum til að upplýsa
um félagslíf nemenda og skólalífið
almennt. Gunnar áætlar að um 600
manns hafi komið í skólann. Höfðu
áhugasamir nemendur og þeirra
aðstandendur margs að spyija.
Gunnar treysti sér ekki til að
segja til um hvort áhugi gestanna
hefði beinst að einhverjum sérstök-
um námsbrautum öðrum fremur.
Hann sagði þó að undanfarin ár
hefði eftirspurn eftir sértækasta
verslunar- og viðskiptanámi dvínað
V erslunarskólanum
Morgunblaðið/J6n Svavarsson
Nemendur kynntust tölvubúnaði Verslunarskólans.
nokkuð og hefði skólinn brugðist
við því og legði m.a. áherslu á að
búa nemendur undir sérhæft há-
skólanám með því að veita góða
almenna menntun og boðið væri
upp á málabraut og einnig stærð-
fræðibraut.
Verslunarskólinn er sjálfseignar-
stofnun og tekur við nemendum
óháð búsetu en hins vegar eru
skólagjöld nokkur, 39 þúsund krón-
ur yfir veturinn, þar af renna 3.700
krónur til nemendafélagsins.
Afrettir i Arnes
Rangárvalla og
V-Skaftafells-
sýslum /
VATN A-
J ÖKU LL
Landgræðsla nkisins hefur sett
það að tnarkmiði að friða alla
afréttí á Suður- og Suðvesturlandi.
50 km
—i
Friðun afrétta á Suður- og Suðvesturlandi
Eins og greint var frá í Morgunblaðinu nýlega hefur Landgræðsla ríkisins í samvinnu við landbúnaðarráðu-
neytið sett fram markmið um friðun allra afrétta á Suður- og Suðvesturlandi. Á síðustu mánuðum hefur
Landgræðslan átt viðræður við allar sveitarstjórnir sem nýta afrétt í Árnes-,- Rangárvallar- og Vestur-
skaftafellssýslu, en á síðustu tveimur árum hefur verið samið við bændur og sveitarfélög í V-Eyjafjalla-
og Hvolshreppi um friðun þeirra afrétta. Á kortinu gefur að líta þá afrétti sem um er að ræða, en þær
sveitarstjómir sem málið varðar hafa tilnefnt fulltrúa í samráðsnefndir, sem á næstunni munu vinna að
upplýsingaöflun með starfsmönnum Landgræðslunnar um stöðu afréttarmálanna í hverju sveitarfélagi.
ÚTIVIST
Hallveigarstíg 1, sfmi 614330.
Ferðir um hvítasunnu
1. Öræfajökull, gengin veröur
Sandfellsleiö og stefnan tekin á
Hvannadalshnjúk.
2. Skaftafell-Öræfasveit.
Skipulagöar göngu- og skoðun-
arferöir. Gist í tjöldum í Skafta-
felli.
3. Fimmvörðuháls, gengiö frá
Básum, gist eina nótt í Fimm-
vöröuskála. Upplagt aö hafa
gönguskíðin með í för.
4. Básar, skipulagöar göngu-
feröir um Þórsmörkina og Goða-
landiö. Brottför i ferðirnar kl. 20.
Nánari upplýsingar og miöasala
á skrifstofu Útivistar.
Sjáumst.
Útivist.
Hvítasunnukirkjan
Völvufelli
Samkoma í kvöld kl. 20.30.
Allir hjartanlega velkomnir.
Orð lífsins,
Grensásvegi8
Almenn samkoma í kvöld
kl. 20.30.
Allir hjartanlega velkomnir.
Aðalfundur
Aðalfundur skíöadeildar KR og
uppskeruhátfð verður haldin í
félagsheimili KR við Frostaskjól
fimmtudaginn 11. júnl kl. 20.
fífflhjnlp
I kvöld kl. 20.30 er almenn sam-
koma í Þríbúöum. Mikill söngur.
Samhjálparvinir gefa vitnisburði
mánaðarins. Kaffi aö lokinni
samkomu. Allir velkomnir.
Ath.: Opið hús laugardaginn
6. júní.
Samhjálp.
FERÐAFÉLAG
® ÍSLANDS
MÖRKINNI 6 - SÍMI 682533
Ferðir um hvítasunnu
5.-8. júní:
1. Snæfellsnes-Snæfells-
jökull. Við mlnnumst þess I ár
að fyrir 60 árum skipulagði
Ferðafélagið sína fyrstu ferö tll
Snæfellsness og á jökulinn. Gist
aö Göröum í Staöarsveit. Tak-
markaö pláss.
2. Öræfajökull-Kristínar-
tindar-Morsárdalur. Gengið
á Hvannadalshnúk (2119 m).
Svefnpokapláss á Hofi eöa tjöld.
3. Skaftafell-Öræfasveit.
Svefnpokapláss á Hofi. Göngu-
ferðir um þjóðgarðinn og víðar.
4. Þórsmörk. Gönguferðir um
Mörkina. Gist f Skagfjörðs-
skála/Langadal. Tveir mögu-
leikar: Hægt að koma til baka
úr Mörkinni á sunnudegi eöa
mánudegi. Elnsdagsferð á
hvftasunnudag kl. 08.
Brottför i allar ferðirnar kl.
20.00, 5. júní.
Tryggið ykkur far í tlma.
Sumarleyfisferðir í júní:
18. -21. júní: Skaga-
fjörður-Málmey-Drangey.
Gist ein nótt á Húnavöllum og
tvær nætur að bænum Lónkoti
i Sléttuhlíð, Siglt í Málmey, ekið
fyrir Skaga, Kálfshamarsvík og
Ketubjörg skoðuð.
19. -21. júní (ath. breytta
dags.): Sólstööuferö til
Grimseyjar.
Brottför kl. 17.00 á föstudag
með flugi til Akureyrar og áfram
með flugi til Grímseyjar. Að
kvöldi laugardags verður siglt
með Grfmseyiarferjunni til Hrís-
eyjar og gist. I þessari ferð gefst
gott tækifæri til að skoða tvær
af athyglisverðustu eyjum við
landið og upplifa miðnætursól-
ina. Hægt verður aö koma I ferð-
ina á Akureyri.
26. -28. júní: Hlöðuvellir-
Hagavatn.
Bakpokaferð I tilefni 50 ára af-
mælis Hagavatnsskála.
27. júní-1. júlf: Breiðafjaröar-
eyjar-Látrabjarg-Barða-
strönd-Dalir. Silgt með Eyja-
ferðum um Breiðafjörð og áfram
að Brjánslæk. Gist að Birkimel
(félagsheimili). Gist tvær nætur
í Breiðuvík. Skoðunarferðir á
Látrabjarg, Sjöundá og Skor. Til
baka verður ekið um Austur-
Barðastrandasýslu og gist I
Króksfirði. Á 5. degi verður ekið
heimleiðis fyrir Kíofning með við-
komu í Dagverðarnesi og víöar.
Pantið tímanlega í sumarleyfis-
ferðirnar: Nýr sfmi 682533.
Ferðafélag (slands.
§Hjálpræðis-
herinn
y Kirkjustræti 2
í kvöld kl. 20.30: Almenn
samkoma. Kapteinarnir Ann
Merethe og Erlingur Níelsson
stjórna og tala.
Föstudag kl. 13.00: Brottför frá
Herkastalanum á hvítasunnu-
mótið á Löngumýri, Skagafirði.
Athugið, engin samkoma á
hvítasunnudag.
Annan í hvítasunnu kl. 20.30
hefst samkomuherferð þar sem
kapteinarnir Magna og Jostein
Níelsen eru aðalræðumenn.
Gleðilega hétíð.
Vélritunarkennsla
Vornámskeið byrja 4. júnl.
Vélritunarskólinn, s. 28040.