Morgunblaðið - 04.06.1992, Blaðsíða 21

MORGUNBLAÐIÐ FIMMTUDAGUR 4. JUNI 1992
21
Formaður verkalýðsfé-
lagsins Vöku á Siglufirði:
Ekki líkt
hruni síldar-
stofnsins
„ÁSTANDIÐ á þorskstofninum
hefur verið mjög lélegt lengi
þannig að fréttir af tillögum um
40% skerðingu komu mér ekki á
óvart,“ segir Hafþór Rósmunds-
son, formaður verkalýðsfélags-
ins Vöku á Siglufirði. Ef af mikl-
um samdrætti verður í þorsk-
kvóta myndi hann hafa veruleg
áhrif á rekstur Þormóðs Ramma
og bæjarfélagsins í heild sinni.
Hafþór segir fjarri lagi að líkja
mögulegum samdrætti við hrun
síldarstofnsins. „Fyrirtæki hér
leggja ekki upp laupana þó að
þorskkvóti verði skertur. Hins vegar
var hér ekkert annað til að byggja
á þegar síldin brást. Ljósi punktur-
inn á Siglufirði nú er sá að skulda-
staða sveitarfélagsins er mjög góð.
Því á sveitarfélagið betra með að
mæta samdrætti en mörg önnur.“
Hátt á annað hundrað bæjarbúa
vinnur hjá Þormóði Ramma og
ýmsir aðrir vinna óbeint í kring um
þorskveiðarnar. Alls eru rúmlega
600 manns í verkalýðsfélaginu.
Oddvitinn á Raufarhöfn:
Ómögulegt að
skila hagnaði
LEIGA á kvóta leggst væntan-
lega af á Raufarhöfn ef af mikl-
um samdrætti á þorskkvóta verð-
ur. Jökull hf., sem er útgerðar-
fyrirtæki að 90% í eigu sveitafé-
lagsins, hefur verið nokkuð vel
sett með kvóta og hefur þvi get-
að leigt út kvóta til smáútgerðar-
manna. Angantýr Einarsson odd-
viti segir að ef um mikinn sam-
drátt verði að ræða komi sú leiga
til með að detta niður. Haraldur
Jónsson útgerðarstjóri hjá Jökli
hf. segir að þeir sem hafi góða
kvótastöðu komi til með að lifa
af mikinn samdrátt en aðrir ekki.
Mikill meirihluti bæjarbúa á
Raufarhöfn vinnur í tengslum við
þorskveiðar.
Haraldur Jónsson segir að 40%
samdráttur á þorskkvóta hafi í för
með sér að fyrirtækið missi 640
tonn af sínum kvóta. „Fréttir um
lélegt ástand þorskstofnsins eiga
ekki að koma á óvart þar sem fiski-
leysi hafi verið nánast allt síðasta
ár. Nú eru engir sjóðir til að taka
út fisk eða peninga. Kvótastaða
okkar er mjög góð í dag þannig að
ég sé engar sviptingar í bæjarlífinu
framundan. Við lifum örugglega af
þó að afkoma fyrirtækisins verði
ekki sú sama ef af samdrættinum
verður,“ segir Haraldur.
„ Undanfarin ár hafa Jökull og
Fiskiðjan skilað hagaði en sam-
dráttur upp á 40% yrði það mikil
tekjuminnkun að ég get ekki séð
fram á að þau skili hagnaði," segir
Angantýr.
„Nú eru að streyma unglingar
til sumarvinnu á Raufarhöfn en ef
af samdrætti verður sé ég ekki að
þau geti fengið vinnu.“
Formaður verkamannafé-
lagsins Árvakurs Eskifírði:
Launin
munu lækka
„EF tillögur fiskveiðiráðgjafar-
nefndar Alþjóðahafrannsóknar-
ráðsins verða samþykktar munu
laun lækka,“ segir Hrafnkell A.
Jónsson formaður Verkamanna-
félagsins Árvakurs á Eskifirði.
Hann segir að einnig verði at-
vinnuleysi töluvert. Hrafnkell tel-
ur mikilvægt að ráðamenn taki
ekki mikilvægar ákvarðanir á
allra næstu dögum þar sem mikil
óvissa ríki enn um þessi mál.
„Nauðsynlegt er að fara yfir það
hvort tillögurnar um að skera niður
afla um 40% byggi á raunhæfum
rannsóknum. Það er ábyrgðarlaust
að fara eftir þeim áður en nánara
mat er framkvæmt," segir Hrafn-
kell.
„Mjög stór hluti Eskfirðinga hefur
með einum eða öðrum hætti atvinnu
sína af þorskveiðum. Að vísu búum
við betur en ýmsar aðrar sjávarút-
vegsbyggðir með það að loðna og
síld eru hér stærri hluti í framleiðsl-
unni. Þær veiðar skapa hins vegar
ekki þá stöðugu vinnu sem afli á
togurum hefur gert. Því skiptir þors-
kveiðin atvinnu hér á Eskifirði mjög
miklu máli.“
Veiði- hrygningarstofn og
nýliðun þorsks 1952-92
2500- A
þús.tonn
tonn
2000-
1500
1000
500-
Veiðistofn
Hrygningarstofn
Nýiiðun
joús. tonn
miltj. fiska
1950
1960
1970
1980
1990
ÞORSKSTOFNINN hefur
minnkað hratt á síðustu 40
árum. Um 1950 var hann geysi-
stór, veiðistofninn var þá talinn
um 2,5 milljónir tonna, en er
nú um 850.000 tonn. Hrygning-
arstofninn hefur fallið í sam-
ræmi við veiðistofninn, úr um
1,4 milljónum tonna í 410.000
í upphafi þessa árs, en minnstur
varð hrygningarstofninn 1988,
undir 300.000 tonnum.Athygl-
^isvert er að nýliðunin er í litlu
samræmi við stærð hrygning-
arstofnsins. Hún er til dæmis
nánast sú sama þegar stofninn
er í 1,4 milljónum tonna og
þegar hann er undir 300.000
tonnum. f raun verður nýliðun
mest, þegar stofninn er hvað
minnstur.
Lokaður VW Transporter
Verð frá kr. 1.411.200 (m.vsk.)
VINNUBILAR
Jaá
VOLKSWAGEN
Kjörnir til hverskonar
vöruflutninga og fólksflutninga
□ Án vsk
□ Bensín- eða Dieselhreyfill
□ Aflstýri/Framhjóladrif
□ 5 gíra handskipting/sjálfskipting
□ Burðargeta 1 - 1,2 tonn
□ Farþegafjöldi ailt að 11 manns
□ Þriggja ára ábyrgö
6 manna VW Transporter með palli
Verð frá kr. 1.457.280 (m.vsk.)
3 manna VW Transporter meö palli
Verð frá kr. 1.407.360 (m.vsk.)
BÍLL FRÁ HEKLU BORGAR SIG
SC16 ■ vnsttíd