Morgunblaðið - 17.01.1997, Blaðsíða 10
10 FÖSTUDAGUR 17. JANÚAR 1997
MORGUNBLAÐIÐ
FRÉTTIR
Mjólkursamsalan og Sorpa taka höndum saman um endurvinnslu á fernum
Sjö líf mjólk-
urfernunnar
Morgunblaðið/Ámi Sæberg
HRÖÐ og örugg handtök einkenndu sýnikennslu barnanna frá
leikskólanum Norðurbergi í ráðhúsinu í gær. Frá vinstri: Aron
Birgisson, Anna Laufey Stefánsdóttir og Guðni Guðmundsson.
DAGBLÖD; TiM/'S ikh /. JÍSKJR
otj pí%Btdai
ODDRÚN Lára Friðgeirsdóttir, Knútur Hreiðarsson og
Kristján Stefánsson tóku fyrir hönd félaga sinna í Norð-
urbergi við viðurkenningarskjali úr hendi Ingibjargar
Sólrúnar Gísladóttur borgarstjóra, sem kallaði yngstu
kynslóðina „umhverfislöggur heimilanna".
FERNUR undan mjólk og mjólkur-
vörum, ávaxtasafa og grautum er
nú hægt að senda í endurvinnslu
rétt eins og dagblöð, gler og gos-
dósir. Mjólkursamsalan og Sorpa
hafa gert með sér samning um
endurvinnslu á þessum umbúðum
og hleypa nú af stokkunum kynn-
ingarátaki undir kjörorðinu „Fern-
ur eiga framhaldslíf ... skilið!“
Átakið var kynnt á fundi í Ráð-
húsi Reykjavíkur í gær. Þar
greindu þeir Guðlaugur Björgvins-
son, forstjóri Mjólkursamsölunnar,
og Ögmundur Einarsson, fram-
kvæmdastjóri Sorpu, frá fram-
kvæmd þess og markmiðum. Einn-
ig sagði Gunnar Moen, tæknilegur
framkvæmdastjóri norska endur-
vinnslufyrirtækisins Returkartong
a/s, sem taka mun við femunum,
frá reynslu landa sinna af endur-
vinnslu pappaferna. Returkartong
er í eigu norskra mjólkurbúa, safa-
framleiðenda og umbúðaframleið-
enda, og er í samstarfi við pappírs-
verksmiðjuna Humm papirfabrik,
sem framleiðir pappírsvömr af
ýmsu tagi úr fernunum.
Á fundinum var ennfremur
frumsýnd kynningarmynd um
endurvinnsluna og börn úr leik-
skólanum Norðurbergi í Hafnar-
firði sýndu af mikilli röggsemi
hvemig brjóta á saman mjólkur-
femur og ganga frá þeim til endur-
vinnslu. Börnin hafa um tveggja
ára skeið flokkað allan úrgang sem
til hefur fallið á leikskólanum og
hafa frá því í haust tekið fernurn-
ar sérstaklega fyrir.
Skola, bijóta saman, setja í
poka og út í næsta gám
Mjólkursamsalan hefur gert
kynningar- og fræðsluáætlun sem
miðar að því að tryggja þátttöku
almennings og fyrirtækja í endur-
vinnslu pappafernanna og kostar
Mjólkursamsalan alfarið kynning-
arátakið. Það nær til átta sveitarfé-
laga á þjónustusvæði Sorpu eða
alls höfuðborgarsvæðisins.
Á næstu dögum og vikum verða
íbúarnir hvattir til þess að flokka
fernur frá öðrum heimilisúrgangi
og skila þeim í söfnunargáma til
endurvinnslu. Tómu fernumar þarf
að skola, fletja út og setja í hrein-
an plastpoka. Venjulegur inn-
kaupapoki rúmar auðveldlega
60-80 slíkar fernur. Þegar pokinn
er orðinn fullur er honum lokað
og skilað í næsta söfnunargám.
Gámarnir sem bæði taka við dag-
blöðum og fernum eru nú um 45
talsins, við verslanir og bensín-
stöðvar víðs vegar um höfuðborg-
arsvæðið. Auk þess má fara með
fernurnar í endurvinnslustöðvar
Sorpu, sem era sjö, og einnig er
tekið við þeim í móttökustöð Sorpu
í Gufunesi.
Ferna verður að umslagi -
sem verður að eggjabakka
Mikilvægt er að fernurnar séu
settar í plastpoka og þeim lokað
áður en þeir fara í gámana, svo
auðvelt sé að flokka þær frá dag-
blöðum og öðrum pappír. Auk
pappírs er í fernunum plastefni og
stundum ál, sem er skilið frá papp-
írnum við endurvinnslu. Hún fer
fram hjá Returkartong í Noregi.
Þar er plastið notað til orkufram-
leiðslu en álið endurnýtt. Pappírinn
úr fernunum verður að öðrum
pappírsvörum af margvíslegu tagi,
svo sem eggjabökkum, umslögum
og öðrum skrifstofuvörum. Á fund-
inum kom fram að fernurnar mætti
endurnýta allt að sjö sinnum, þann-
ig að mjólkurferna sem væri send
í endurvinnslu í Reykjavík á morg-
un gæti allt eins borist sendandan-
um að nokkrum mánuðum liðnum
í formi umslags utan um sendibréf
frá Noregi. Það mætti síðan aftur
senda í endurvinnslu og þá yrði
það kannski að eggjabakka og
þannig mætti áfram telja. Þannig
væri jafnvel hægt að segja að fern-
urnar hefðu sjö líf.
í máli Ögmundar Einarssonar,
framkvæmdastjóri Sorpu, kom
fram að þar á bæ legðu menn
mikla áherslu á að ekkert í ferlinu
leiddi til aukins kostnaðar. Þess
vegna lægi beint við að nota það
söfnunarkerfi sem þegar væri fyrir
hendi með dagblöðin. Hann sagði
að mikið hefði verið spurt um það
á undanfömum áram hvenær ætti
að fara endurvinna mjólkurumbúð-
ir og nú væri loks komið að þeim
merku tímamótum í umhverfísmál-
um á íslandi.
Þegar bömin frá Norðurbergi
höfðu sýnt viðstöddum frágang og
pökkun mjólkurferna og sett fyrsta
fernupokann í þar til gerðan gám
afhenti Ingibjörg Sólrún Gísladótt-
ir borgarstjóri þeim viðurkenn-
ingarskjal fyrir framtak þeirra í
umhverfismálum. Guðlaugur
Björgvinsson afhenti þeim ávísun
frá Mjólkursamsölunni, sem fram-
lag í ferðasjóð leikskólans, og
Gunnar Moen gaf þeim marglitar
teikniblokkir úr endurunnum papp-
ír — að sjálfsögðu.
Háskóli íslands
39 lækna-
nemar
áfram
HÁSKÓLARÁÐ samþykkti
samhljóða á fundi sínum í
gær þá tillögu deildarráðs
læknadeildar Háskóla Islands
að hækka fjöldatakmörkun
læknadeildar úr 30 í 39,
vegna mistaka í tímavörslu í
samkeppnisprófi í desember
síðastliðnum. Að sögn Einars
Stefánssonar forseta lækna-
deildar gekk afgreiðsla tillög-
unnar auðveldlega fyrir sig
og voru menn almennt sam-
mála henni. „Þessi niðurstaða
tekur af allan vafa um að
nokkur nemandi hafi verið
órétti beittur,“ sagði hann í
samtali við Morgunblaðið í
gær þegar afgreiðsla málsins
lá fyrir.
Atvinnu- og
ferðamálanefnd
Styrkir til
nýsköpunar
og þróunar
BORGARRÁÐ hefur sam-
þykkt tillögu atvinnu- og
ferðamálanefndar um að aug-
lýsa styrki að upphæð sam-
tals 8 milljónir til nýsköpunar
og þróunar í atvinnu- og
ferðamálum í Reykjavík.
Jafnframt hafa verið sam-
þykktar tillögur um að veita
tvo útgáfustyrki til kynningar
á Reykjavík, samtals 500 þús.
Útgáfustyrkirnir eru
vegna útgáfu Ferðakorta hf.
á „What’s on in Reykjavík"
árið 1997, 250 þús. krónur,
og vegna útgáfu Nesútgáf-
unnar á „Around Reykjavík",
250 þús. krónur.
Stofnfundur Grósku haldinn á laugardag
Árni Benediktsson hættir formennsku í VMS
Vilja þjóð-
aratkvæði
um aðildar-
viðræður
við ESB
Morgunblaðið/Árni Sæberg
HRANNAR B. Arnarsson, Flosi Eiríksson, Hólmfríður Karlsdótt-
ir og Þóra Amórsdóttir úr undirbúningshópi að stofnun Grósku.
í DRÖGUM að stefnu Grósku,
samtökum jafnaðarmanna og
félagshyggjufólks, segir að efna
skuli til þjóðaratkvæðagreiðslu
um hvort hefja eigi viðræður
um aðild að Evrópusambandinu.
Einnig segir að samtökin séu
andvíg því að örfáir einstakling-
ar nýti afraksturinn af auðlind-
um landsins, og er þá ekki að-
eins átt við sjávarafurðir heldur
einnig aðrar náttúrulegar auð-
lindir landsins. Um afstöðu til
NATO eru skiptar skoðanir hjá
undirbúningshópi Grósku og er
því í raun „samkomulag um að
vera ósammála."
Þetta kom fram á blaða-
mannafundi sem haldinn var í
gær til kynningar á stofnfund-
inum en hann verður haldinn á
morgun, laugardag. Þar verða
samþykkt lög félagsins og kosin
sljórn. Undirbúningur að stofn-
un Grósku hófst í nóvember en
fjölmargir undirbúningsfundir
hafa verið haldnir síðan. Um
70-100 manns hafa sótt þá.
Sérhæð óskast
Vantar 100-150 fm sérhæð í Reykjavík.
Allir staðir koma til greina. Sterkar greiðslur í boði.
Valhöll, fasteignasala,
sími 588 4477.
Spáir verðbólgu
eftir samninga
ÁRNI BENEDIKTS-
SON hefur látið af störf-
um sem formaður
Vinnumálasambandsins
vegna óánægju með
horfur í kjarasamning-
um. Hann segir einsýnt
að nú stefni í tuga pró-
senta launahækkanir og
í kjölfarið fylgi verðbólga
og stöðnun í atvinnulíf-
inu. „Ég var að vona að
það yrði haldið áfram þar
sem frá var horfið árið
1990. Þá var gjörbreytt
um áherslur í kjara-
samningum og stöðug-
leika komið á í efnahags-
Árni
Benediktsson
lífinu. Annar þáttur var eftir, en það
var hvemig staðið yrði að gerð kjara-
samninga í framtíðinni. Að mínu viti
var mikil þörf á breytingu í þá átt að
fyrst og fremst yrði rætt um fram-
leiðni. Eg hef orðið fyrir vonbrigðum
með það og ég sé ekki betur en að
verið sé að hverfa frá slíku og fara í
sama farið og fyrir 1990, að betja
fram óraunhæfar launahækkanir með
þeim afleiðingum að hér verði verð-
bólga, jafnvel óðaverðbólga, sem hefur
í för með_ stöðnun í at-
vinnulífí. Ég er ekki sátt-
ur við að taka þátt í þeim
leik aftur.“
Ámi segir að enginn
einn beri sök á því hvert
stefni í kjaraviðræðun-
um. „Það er ljóst að
margir innan verkalýðs-
hreyfingarinnar telja að
það þurfi að gera veru-
legar breytingar á því
hvemig staðið er að
kjarasamningum. Þeir
era ekki endilega sam-
mála okkur um hvemig
það eigi að gerast, en í
heild held ég að hug-
myndimar séu ekki mjög óskyldar.
Þess vegna var ég að vona að kjara-
samningar myndu þróast í það að
hægt yrði að vinna á þessum nótum.
Ég tel ekki að neinn sérstakur beri
sök í þessum efnum, menn eru einfald-
lega ekki tilbúnir. Ég vona að það
verði áður en langt um líður.“
Árni tekur ekki fyrir að hann
muni starfa fyrir Vinnumálasam-
bandið í framtíðinni, þó hann hafí
nú látið af störfum sem formaður.