Morgunblaðið - 17.01.1997, Blaðsíða 48

48 FÖSTUDAGUR 17. JANÚAR 1997
MORGUNBLAÐIÐ
BRÉF
HL BLAÐSENS
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Sínum augum
lítur hver á
tilveruna
Grettir
Frá Alberti Jensen:
Á NÝÁRSDAG kom til mín ung
stúlka. Vinar dóttir. Hún talaði um
jólin sem mannanna böl og hélt sig
afsíðis um helgidagana. Rök hennar
voru að þau væru afskræmd af
kaupæði og ofáti.
Þar sem jólin hafa alltaf verið
mér tilefni gleði og tilbreytingar
andmælti ég þeim hlutanum sem
snerti matarvenjur um gleðidaga.
Hversdagsleikanum er sjálfsagt að
svifta burt við hátíðleg tækifæri.
Þar í er matur stór hlutur og grútar-
skapur fjarlægur. Því miður er það
ekki á allra færi að veita sér vel.
Tveir áberandi áhrifamenn sönn-
uðu um áramótin hvað þeir líta
gang tilverunnar ólíkum augum.
Þeir sýndu um leið hvers vegna
þeir gátu ekki starfað saman í
stjórnmálum.
í áramótaræðu sinni sagði Davíð
Oddsson engar haldbærar sannanir
fyrir vaxandi fátækt í landinu. Hon-
um fannst, sem oft áður, allt á leið
til betri vegar, bjartsýnismanninum.
Öndvert við Davíð, fjallaði for-
seti íslands í sinni áramótaræðu um
smánarblett þann sem fátækt væri
orðin í samfélaginu. Hann lagði
áherslu á rétt manna til náms, vinnu
og reisnar.
Meðan Kristján Ragnarsson hef-
ur áhrifamikla stjórnmálamenn á
sínu bandi, gengur honum vel í
baráttunni gegn þjóðarhagsmun-
um, hvað varðar fiskveiðigjald og
kvótadreifíngu. Ég mótmæli því
gerræði að hægt skuli að fjarlægja
kvóta úr byggðarlögum og skilja
fólkið eftir bjargarlaust. Óréttlætið
óhugnanlega augljóst.
Utlendir athafnamenn, sem ekki
telja borga sig að reisa eiturspú-
andi verksmiðjur í heimalöndum
sínum vegna kostnaðar af ýmsu
tagi, leita nú í auknum mæli í lág-
launasvæðin með hógværu meng-
unarvarnarkröfurnar. Þeir hafa
gert sér ljóst hve íslenskir stjórn-
málamenn eru auðsveipir og auð-
blekktir ef erlendir eiga hlut að
málum. í sumum mikilvægum
samningum við útlenda hefur verið
hálfvitabragur af landans hálfu.
Dæmi: Veiðar Belga í íslenskri
landhelgi. Nokkuð sem ekki er
fylgst með né talað um. Samningur
vegna EES. Þijú þúsund tonn af
karfa sem EB-löndin fá að veiða í
landhelginni og það án nokkurs
teljandi eftirlits.
Svo eru það frumhlaup í fjárfest-
ingum vegna kjánabjartsýni.
Dæmi: Blönduvirkjun og jarðar-
kaup á Vatnsleysuströnd.
Nú standa yfir samningar ís-
lenskra stjórnvalda við útlenda at-
hafnamenn um ófyrirsjáanleg um-
hverfisspjöll í Hvalfirði. í augljósri
fáfræði sinni um afleiðingar álvers
við þennan fallega fjörð blæs ráð-
herrann Finnur Ingólfsson upp lítil-
mótlega kostina en hamast við að
leyna göllunum. Fjármagn í virkjan-
ir samfara öðrum kostnaði við álver
gefur færri störf og minni arð en
ferðamál. Þau eru auk þess engin
ávísun á mengun né hálendis- og
öræfaeyðileggingu. Því að byggja
álver sem gefur minna en til þess
er kostað? Fyrir utan alla eyðilegg-
inguna og óhollustuna. Hollustu-
vernd á að breyta nafni sínu. Ó
fyrir framan.
Þeir stjórnmálamenn, sem reisa
álver í Hvalfirði móti vilja lands-
manna og þvert á allar arðsemis-
spár og augljósa mengun, reisa um
leið sjálfum sér minnisvarða af-
glapa og skammsýni.
ALBERT JENSEN,
Háaleitisbraut 129.
Bæturnar
þurfa að hækka
Frá Eggerti E. Laxdal:
NÚ ERU raddir uppi, sem kveða
svo á, að til mála geti komið að
hækka greiðslur til aldraðra, ör-
yrkja og atvinnuleysingja um 2%.
Þetta gerir um 1.000 kr á mánuði,
eða jafnvel tæplega það. Allir sjá,
að þetta er ekki nema skítur á priki,
eftir að búið er að hafa 30.000 kr.
af þessu fólki mánaðarlega. Það er
ekki hægt að lifa af minni tekjum
en 80.000 þúsund kr. á mánuði og
það fá heimilin, sem vista þetta
fólk, þegar fokið er í öll skjól.
Það var meiningin að stuðla að
því að þessu fólki væri gert mögu-
legt að búa á heimilum sínum, sem
lengst, en nú á að svipta það eigin
húsnæði og flytja það í vistun á
stofnunum með 10.000 kr. í vasa-
peninga á mánuði, sem duga ekki
til eins eða neins og ættu að vera
minnst 16.000 kr. ásamt ríflegri
uppbót um jól og í sumarmánuðun-
um, til þess að gera því mögulegt
að fara með reisn í sumarfrí.
Jesús Kristur sagði: „Troðinn
bikar skekinn fleytifullur mun falla
yður í skaut,“ og „Eins og þér
mælið öðrum, svo mun yður mælt
verða“.
EGGERT E. LAXDAL,
rithöfundur,
Hveragerði.
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 569 1100. Augiýsingar:
569 1111. Áskriflir: 569 1122. SÍMBRÉE: Ritstjórn 569 1329, fréttir 569 1181, fþróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG:
MBL@CENTRUM.IS / Áskriftargjald 1.700 kr. á mánuði innanlands. í lausasölu 125 kr. eintakið.