Morgunblaðið - 17.01.1997, Blaðsíða 39
MORGUNBLAÐIÐ
MINNINGAR
FÖSTUDAGUR 17. JANÚAR 1997 39
kirkju og minnist ég hans jafnan
af þeim vettvangi. Eftir að ég
hafði stofnað fjölskyldu og var
farinn að huga að íbúðarkaupum
bauðst Sigurður til þess að hjálpa
mér í þeim erfiðu viðskiptum sem
framundan voru. Þar reyndist
hann ómetanlegur og miðlaði af
reynslu sinni og þekkingu á þessu
sviði. Hvað eftir annað fylgdi hann
mér á vettvang og lagði mat á það
húsnæði sem í boði var. Slíkur
maður var Sigurður að hann gaf
hvergi í skyn að fyrirhöfnin væri
of mikil. Alltaf sýndi hann sömu
velvildina og gilti þar einu þótt
kvöld og helgar færu í flakk um
íbúðarhverfi og samræður við okk-
ur hjónin um ýmsa þætti í íbúðar-
kaupum.
Með þakklæti vil ég auðsýna fjöl-
skyldu Sigurðar alla mína samúð.
Megi Guð vera með ykkur í sorg-
inni.
Skúli.
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn síðsta blund.
(V. Briem.)
Vinirnir kveðja, vininn sinn
látna. Sigurður B. Magnússon eða
Boggi eins og við kölluðum hann
var einn af okkar bestu vinum.
Við kynntumst Bogga þegar hann
kynntist eftirlifandi eiginkonu
sinni, Sesselju G. Ásgeirsdóttur
eða Sellu. Hjónin Sella og Boggi
hafa alla tíð verið mjög samhent,
samrýnd og yndisleg hjón. Þau
voru svo samtvinnuð að í hugsun-
inni og minningunni eru þau sem
eitt. Þau voru mjög kærleiksríkir
foreldrar og traustir og góðir vin-
ir. Þau geisluðu bæði af góðvild
og glaðværð. Það var alla tíð mjög
gaman að heimsækja þau en heim-
ili þeirra stóð svo sannarlega opið
fyrir öllum vinum fjölskyldunnar.
Þau hjónin voru höfðingjar heim
að sækja og þar var alltaf kátt á
hjalla og mikið spjallað.
Boggi var einstaklega hlýr og
góður maður og mikill fjölskyldu-
maður. Hann var mjög traustur
og ákaflega greiðvikinn og bón-
góður. Hann hafði lag á því að
leggja öllum gott til, þannig var
Boggi. Hann var einnig mikill
gleðigjafi og gerði oft að gamni
sínu og var hnyttinn í svörum og
spaugsamur. Bæði hjónin höfðu
fallega söngrödd en Boggi söng
lengi í kirkjukór Bústaðakirkju.
Þeirrar kirkju sem hann er nú
kvaddur frá í hinsta sinn.
Þau hjónin eignuðust fimm
mannvænleg börn og fjölskyldan
hefur farið stækkandi, þegar
tengdabörn og barnabörnin bætt-
ust í fjölskylduna. Kærleikur og
góður andi einkenndi fjölskyldu
Bogga og Sellu. Samstaða fjöl-
skyldunnar kom svo vel fram þeg-
ar Boggi veiktist. Fjölskyldan stóð
saman sem ein heild og hver studdi
annan. Síðasta heimsókn okkar til
þeirra heiðurshjóna og fjölskyldu
þeirra var á sjúkrahúsið. Þetta var
daginn áður en hann kvaddi þenn-
an heim. Við erum einstaklega
þakklát fyrir að hafa þá getað
kvatt okkar besta vin eins og seg-
ir í sálminum, vinaskilnaðar við-
kvæm stund.
í hugum okkar er ofarlega
minningin um síðustu veisluna sem
þau hjónin héldu vinum sínum og
vandamönnum þegar Sella átti
stórafmæli nú í nóvember sl. Boggi
var mjög mikið veikur, átti erfitt
með mál og var kominn í hjóla-
stól. Hann flutti okkur yndislega
falleg orð þar sem hann þakkaði
henni Sellu sinni og fjölskyldu fyr-
ir samverustundirnar og rifjaði
upp lífshlaupið í stórum dráttum.
Við kynntumst því hvernig það
er að eiga góða vini í gleði og
sorg. Elsku Sella, við þökkum ykk-
ur fyrir allt það sem þið gerðuð
fyrir okkur. Við þökkum fyrir það,
að fá að vera vinir ykkar og njóta
HLÖÐVER SINDRI
AÐALSTEINSSON
þess að verða samferða ykkur í
gegnum lífið.
Elsku Sella okkar. Guð veri með
þér og fjölskyldu þinni í sorginni.
Guð styrki ykkur og breiði sína
kærleiksvængi yfir ykkur og leiði
ykkur í l,ósið.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem.)
Guð blessi minningu Bogga vinar
okkar um alla eilífið og megi Guð
þerra tregatárin stríð.
Ykkar vinir,
Sesselja, Guðmundur
og Sigríður.
+ Hlöðver Sindri Aðalsteins-
son fæddist í Hafnarfirði
1. október 1941. Hann lést 29.
desember síðastliðinn og fór
útför hans fram í kyrrþey.
Kæri frændi. Sunnudaginn 29.
desember sl. hringdi Helgi afi í
okkur og tilkynnti okkur að þú
hafir verið tekinn frá okkur langt
fyrir þinn tíma. Okkur leið alveg
hræðilega illa allan daginn og
spurðum okkur sömu spurningar-
innar aftur og aftur: Hver gat ver-
ið svona grimmur? Við vonum alla-
vega að sá sem gerði þetta finnist
og fái sinn dóm. Það sem okkur
er minnisstæt er það að þegar við,
ásamt mömmu, komum í heimsókn
til þín, Árna frænda og langömmu
og alltaf þegar við komum komuð
þið Pollý að taka á móti okkur og
þú fylgdir okkur til langömmu þar
sem hún sat inni í herberginu sínu.
Það er eitt sem við munum sér-
staklega eftir og okkur þótti alveg
rosalega flott að þú sagðir alltaf
við Pollý: „Náðu í inniskóna mína.“
Og alltaf kom hún með þá, það
var sama hvað þú sagðir við hana,
hún hlýddi þér alltaf. En þegar
Pollý fór frá okkur vorum við alveg
rosalega leiðar því okkur þótti svo
vænt um hana. Það sem okkur
þótti verst var að þegar langamma
dó árið 1990 voru heimsóknimar
ekki eins margar og við hefðum
viljað, en stundunum sem við átt-
um munum við aldrei gleyma, við
munum geyma þær í hjarta okkar.
Við vitum að langamma og Pollý
munu taka vel á móti þér þarna
uppi og þér á örugglega eftir að
líða mun betur hjá þeim heldur en
hér. Við viljum biðja góðan Guð
um að styrkja Árna frænda, Helga
afa og Dúdú frænku og aðra að-
standendur í gegnum þennan
harmleik og við viljum votta ykkur
dýpstu samúð okkar.
Þínar frænkur
Helena Björk og Helga Rut.
<
(O
\
\
\
\
/
Utsala
á
20-60% afsláttur
/
/
^ Útsala á sjkíðafatnaði frá 17. til 25. janúar.
Nú bjóðum við toþpmerkin í skíðafatnaði
- á verði sem enginn stenst.
Skíðasamfestingar, skíðaúlpur,
\ skíðapúðabuxur og snjóbrettafatnaður.
Eitthvað fyrir alla fjölskylduna..
\
SKATABUÐIN
-SMMR fRAMÚR
Snorrabraut 60 • Reykjaví. k • Sími 561 2045