Morgunblaðið - 17.01.1997, Blaðsíða 60

MeWiiM
-setur brag á sérhvern dag!
$) BIJNAÐARBANKI ÍSI.ANDS
MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: KA UPVANGSSTRÆTI 1
FÖSTUDAGUR 17. JANÚAR 1997
VERÐ í LAUSASÖLU 125 KR. MEÐ VSK
Talsmaður Alumax
um álver á Keilisnesi
Athugun á
■O hagkvæmni
framhaldið
BANDARÍSKA álfyrirtækið Alu-
max ætlar að halda áfram athugun-
um á hagkvæmni þess að byggja
allt að 330 þúsund tonna álver á
Keilisnesi í samstarfí við álfyrirtæk-
in Gránges og Hoogovens, sem
mynda Atlantsálhópinn, að því er
Daniel Loh, talsmaður Alumax,
sagði í samtali við Morgunblaðið í
gær. Fulltrúar íslenskra stjórnvalda
áttu í gær fund með forsvarsmönn-
um Atlantsálfyrirtækjanna í New
York vegna verkefnisins.
Atlantsálfyrirtækin hófu á síð-
asta ári að endurmeta áætlanir sín-
ar frá árinu 1991 varðandi bygg-
ingu álvers á Keilisnesi en Daniel
Loh sagði í gær að álfyrirtækin
hefðu ekki enn komist að endan-
legri niðurstöðu um hvort óskað
yrði eftir að heíja samningaviðræð-
ur á ný. „Það er enn sem komið er
í athugun og við hyggjumst halda
áfram reglulegum fundum með að-
ilum málsins. Á þessari stundu er-
um við ekki reiðubúnir að taka end-
-anlegar ákvarðanir," sagði hann.
Gott útlit á álmarkaði
Þróunin á álmarkaði hefur farið
batnandi á seinustu mánuðum að
sögn Loh og hann sagði að stjóm-
endur Alumax væru vongóðir um
að almenn eftirspurn eftir áli færi
vaxandi á þessu ári. „Við teljum
að spár fyrir álframleiðslu á árinu
1997 og fyrir næstu ár þar á eftir
lofi góðu og ætlum okkur að vera
reiðubúnir að geta tekið þátt í þeirri
aukningu," sagði hann.
Aðspurður sagði Loh ekki unnt
að segja nákvæmlega fyrir hvenær
lokaákvörðunar væri að vænta
varðandi álver á Keilisnesi. Stefnt
— j^hefði verið að því að niðurstaða
lægi fyrir á fyrsta fjórðungi þessa
árs. „Á þessari stundu er ekki hægt
að gefa afdráttarlaust svar við þess-
ari spurningu,“ sagði hann.
Fyrsta
loðnan í
nýju húsi
Fyrsti áfangi í einkavæðingri Skýrr hf.
Um 5% hlutur seldur
130 starfsmönnum
FYRSTU loðnunni var pakkað
í gær í spánnýju og vel búnu
frystihúsi Síldarvinnslunnar í
Neskaupstað, aðeins þremur
mánuðum eftir að byggingar-
framkvæmdir hófust. Húsið og
tækjabúnaðurinn reyndist vel
og hér standa Svanbjörn Stef-
ánsson, framleiðslustjóri, og
Finnbogi Jónsson, fram-
kvæmdastjóri Síldarvinnslunn-
ar, hæstánægðir í miðjum nýja
vinnslusalnum.
■ Stórkostleg stund/6
RÍKI og Reykjavíkurborg hafa selt
starfsmönnum Skýrr hf. um 5%
hlut í fyrirtækinu. Mikill áhugi
reyndist vera meðal 150 manna
starfsliðs fyrirtækisins og keyptu
um 130 þeirra bréf. Þau eru alls
að nafnvirði 10 milljónir króna og
voru seld á genginu 1,3 eða fyrir
um 13 milljónir.
Um helgina hefst síðan annar
áfangi einkavæðingar fyrirtækisins
þegar auglýst verður eftir tilboðum
í 51% hlutafjárins sem ætlunin er
að selja einum aðila. Þá fer í gang
ákveðið ferli sem skiptist í tvo hluta.
Á fyrri hluta útboðstímans sem
stendur frá 20. janúar til 14. mars,
verður kallað eftir áhugasömum
aðilum sem kynnu að vilja kaupa
meirihlutann í fyrirtækinu. Þeir
verða beðnir að skila inn bindandi
verðtilboðum, viðskiptaáætlun með
upplýsingum um framtíðarsýn og
fjárhagslegum upplýsingum um
sjálfa sig. Að því búnu verða þrír
bjóðendur teknir til nánari skoðunar
á seinni hlutanum sem stendur frá
24. mars til 16. maí. Gert er ráð
fyrir að endanlega verði tilkynnt
um hvaða tilboði verði tekið þann
23. maí.
Um 60-65 milljóna króna tap
varð hjá fyrirtækinu á árinu 1996,
þar sem tekjur fyrirtækisins stóðu
í stað meðan rekstrargjöldin jukust
nokkuð.
■ Starfsmenn/16
4,3% mann-
fjöldans
fæddir er-
lendis
11.579 íbúar fæddir erlendis áttu
lögheimili hér á landi 1. desember
síðastliðinn, eða 4,3% af mann-
fjölda. Erlendir ríkisborgarar voru
5.148, eða 1,9% af mannfjölda.
Erlendir sendiráðsmenn og vam-
arliðsmenn hér á landi eiga ekki
lögheimili á íslandi og teljast ekki
með í ofangreindum tölum. Þetta
kemur fram í fréttatilkynningu frá
Hagstofu íslands.
Mannfjöldi 1. desember sl. var
269.735.
Lagareglum um ríkisfang var
breytt í viðamiklum greinum 1952
og 1982. Fyrir 1952 fengu konur
ríkisfang eiginmanns síns við gift-
ingu en eftir það hefur hjónavígsla
ekki áhrif á ríkisfang. Ifyrir 1982
fékk barn fætt í hjónabandi ævin-
lega ríkisfang föður síns en síðan
þá fær það íslenskt ríkisfang ef
annað hjóna er íslenskt.
Morgunblaðið/Golli
Seðlabanki Islands hækkar vexti á innistæðubréfum um 0,8-0,9 prósentustig
Tilgangurinn að viðhalda
aðhaldi í peningamálum
Vextir á peningamarkaði 3 prósentu-
stigum hærri hér á landi en í ná-
grannalöndunum
SEÐLABANKI íslands hækkaði í
gær vexti af svokölluðum inni-
stæðubréfum sínum um 0,8-0,9
prósentustig í 6,6-6,7% eftir bindi-
tíma. Þetta er gert til þess að gera
bréfin samkeppnishæfari, en þar
sem dregið hefur úr framboði á rík-
isvíxlum að undanfömu hefur skort
fjárfestingarkosti á peningamark-
aði. Eftir hækkun eru vextirnir ívið
iægri en á ríkisvíxlum. Yngvi Örn
Kristinsson, framkvæmdastjóri
peningamálasviðs bankans, segir
að þetta sé gert til að halda vaxta-
stiginu óbreyttu hérlendis og
stemma þannig stigu við þenslu í
samræmi við stefnumörkun bank-
ans frá síðastliðnu hausti, en vextir
á peningamarkaði hér á landi eru
nú um þremur prósentustigum
„ hæmi en í nágrannalöndunum.
Ákvörðun bankans kemur í fram-
haldi af útboði ríkisvíxla í gær, en
þar tók ríkissjóður tilboðum í víxla
að upphæð 2.215 milljónir króna,
en tilboð bárust í víxla að upphæð
3.580 milljónir króna. Meðalávöxt-
un tekinna tilboða í þriggja mánaða
víxla var 7,11%. Að óbreyttu hefði
meiri eftirspurn en framboð eftir
skammtímafjárfestingu orðið til
þess að vextir lækkuðu.
Innistæðubréf geta bankar og
sparisjóðir keypt af Seðlabankanum
og er binditíminn ýmist til 45 eða
90 daga. í tilkynningu bankans af
þessu tilefni segir að tilgangur
breytinganna sé að viðhalda því
aðhaldi í peningamálum sem ríkt
hafi frá því í september síðastliðn-
um er Seðlabankinn hækkaði
skammtímavexti og lausafjárskyldu
viðskiptabanka og sparisjóða. Þær
feli ekki í sér aukið aðhald.
Vantar verðbréf
Yngvi Örn sagði að ástæðan fyr-
ir þessum aðgerðum væri að það
vantaði verðbréf á peningamarkað-
inn. Fjárþörf ríkissjóðs hefði minnk-
að, bæði vegna batnandi stöðu og
eins vegna þess að velta ríkisvíxla
væri komin í þá stærð sem talin
væri nægjanleg til að mæta sveifl-
um. Jafnframt væri eftirspurn eftir
verðbréfum til skamms tíma vax-
andi af ýmsum ástæðum, meðal
annars vegna betri lausafjárstýr-
ingar stofnanafjárfesta, uppbygg-
ingar peningamarkaðssjóða og
eignarskattsfijálsra verðbréfasjóða.
Yngvi Örn sagði að niðurstaða
ríkisvíxlaútboðsins í gær sýndi að
eftirspurnin væri meiri en framboð-
ið og Seðlabankinn væri með þessu
að bregðast við þeirri stöðu. Að
öðrum kosti hefði þessi umframeft-
irspurn sett þrýsting á að vextir á
peningamarkaði lækkuðu, sem
Seðlabankinn teldi ekki æskilegt
vegna hættunnar á þenslu.
Yngvi Örn sagði aðspurður að
þetta sýndi að peningamarkaðurinn
væri stöðugt að verða virkari sem
stjórntæki í efnahagsmálum.
Sjúkrabíl
fyrir
dúkkuna
LÍTIL stúlka hringdi fyrir
nokkru í Neyðarlínuna 112 og
heimtaði sjúkrabíl, því að haus-
inn væri dottinn af dúkkunni
hennar. Sá sem varð fyrir svör-
um reyndi að útskýra að þetta
væri nú bara dúkka og þyrfti
því ekki aðstoð Neyðarlínunnar.
„Telpan þráaðist hins vegar
við og taldi mjög mikilvægt að
fá lækni á staðinn. Eftir nokk-
urn tíma sagði hún eitthvað á
þessa leið: „Heyrðu, hann Nonni
bróðir er búinn að setja hausinn
aftur á dúkkuna, svo þetta er
allt í lagi.“ Og þar með kvaddi
hún,“ segir Eiríkur Þorbjörns-
son, framkvæmdastjóri Neyðar-
línunnar.
Eiríkur segir gott að biýna
fyrir bömum hvenær nauðsyn-
legt sé að hringja í Neyðarlínuna
og hvenær ekki. Annars geti þau
átt í erfiðleikum með að meta
það hvenær um raunverulega
neyð sé að ræða.
■ Hátt í fimm hundruð/12