Morgunblaðið - 17.01.1997, Blaðsíða 16

16 FÖSTUDAGUR 17. JANÚAR 1997
MORGUNBLAÐIÐ
VIÐSKIPTI
Starfsmenn kaupa
5% hlut í Skýrr hf.
FYRSTA skrefíð í einkavæðingu
Skýrr hf. var stigið fyrir síðustu ára-
mót þegar ríki og Reykjavíkurborg
seldu starfsmönnum fýrirtækisins
5% af hlutafé þess. Mikill áhugi var
fyrir hlutabréfunum meðal um 150
manna starfsliðs fyrirtækisins því
um 130 manns keyptu bréf, Þau eru
alls að nafnvirði 10 milljónir króna
og voru seld á genginu 1,3 eða fyrir
um 13 milljónir.
Um helgina er síðan fyrirhugað
að auglýsa eftir tilboðum í 51% hluta-
flárins _sem ætlunin er að selja einum
aðila. Útboðsgögn munu liggja fyrir
á mánudag hjá Kaupþingi hf. sem
hefur umsjón með sölu bréfanna. í
kjölfarið fer í gang ákveðið ferli sem
skiptist í tvo hluta. Á fyrri hluta
útboðstímans, sem stendur frá 20.
janúar til 14. mars, verður kallað
eftir áhugasömum aðilum sem kynnu
að vilja kaupa meirihlutann í fyrir-
tækinu. Þeir verða beðnir að skila
inn bindandi verðtilboðum, við-
skiptaáætlun með upplýsingum um
framtíðarsýn og fjárhagslegum upp-
lýsingum um sjálfa sig.
Að því búnu verða valdir úr þrír
bjóðendur sem teknir verða til nán-
ari skoðunar á seinni hlutanum sem
stendur frá 24. mars til 16. maí.
Þeim gefst kostur á að kynna sér
nánar rekstur Skýrr og fá tækifæri
til að hækka tilboð sitt. Gert er ráð
fyrir að endanlega verði tilkynnt
hvaða tilboði verði tekið þann 23.
maí.
Búist er við að bæði innlendir og
erlendir aðilar muni sýna áhuga á
þessum hlut. Má þar nefna að
bandaríska fyrirtækið Computer
Science Corporation hefur þegar
gefið til kynna að það muni hugsan-
lega senda inn tilboð. Þetta fyrir-
tæki keypti 75% hlutafjár í Data-
centralen í Danmörku, systurfyrir-
tæki Skýrr, á síðasta ári og býr
yfir mikilli þekkingu á rekstri stórra
tölvukerfa. Þá er vitað um áhuga
einhverra aðila á Norðurlöndum,
samkvæmt upplýsingum Morgun-
blaðsins. í þessu sambandi má rifja
upp þá skoðun Jóns Þórs Þórhalls-
sonar, fyrrverandi forstjóra Skýrr,
að það sé mjög mikilvægt fyrir
Skýrr að fyrirtækið fái erlenda fjár-
festa sem geti lagt eitthvað af mörk-
um í formi nýrrar reynslu, nýrrar
þekkingar eða viðskiptasambanda.
Hins vegar þykir einnig líklegt
að stærri fyrirtæki á íslenska
tölvu-, fjarskipta- og fjölmiðla-
markaðnum muni sýna áhuga á
Skýrr, svo og öflugir fjárfestar á
hlutabréfamarkaði.
Tapið 60-65 milljónir
Að sögn Stefáns Kjærnested, nýr-
áðins forstjóra Skýrr hf., varð um
60-65 milljóna króna tap hjá fyrir-
tækinu á árinu 1996. Hann segir
tekjur fyrirtækisins hafa staðið í
stað meðan rekstrargjöldin hefðu
vaxið. Þar komi í fyrsta lagi til að
launakostnaður hafi aukist umfram
hækkanir á þjónustugjöldum. í öðru
lagi hafi fyrirtækið unnið að mörg-
um þróunarverkefnum, bæði innan-
lands og erlendis, sem ennþá séu
ekki farin að skila tækjum. I þriðja
lagi hafi ijármagnskostnaður aukist
í framhaldi af því að lífeyrisskuld-
bindingum var breytt í skuldabréfa-
lán.
Aðspurður sagði Stefán að upp-
sögn Jóns Þórs Þórhallssonar, frá-
farandi forstjóra Skýrr hf., tengdist
ekki afkomu félagsins á sl. ári.
Vinnumiðlun
Reykjavíkurborgar
Styrkir til átaksverkefna
í atvinnumálum
Vinnumiðlun Reykjavíkurborgar vill hér með benda at-
vinnurekendum í Reykjavík á „Reglur um úthlutun styrkja
úr Atvinnuleysistryggingasjóði árið 1997 til átaksverk-
efna á vegum sveitarfélaga", nr. 68011996. Frestur til
að skila inn umsóknum til Atvinnu- og ferðamálastofu,
vegna fyrstu úthlutunar, rennur út 11. febrúar nk.
í ofangreindum reglum eru heimildir til aö styrkja sérstök
verkefni á ábyrgð sveitarfélaga til eflingar atvinnulífi,
þ.á.m. eftirfarandi:
Varanlea atvinnusköoun
Heimilt er að veita styrk til þess að aðstoða fyrirtæki við
að skapa ný störf vegna nýrrar framleiðslu, enda sé það
ekki talið fela í sér röskun á samkeppnisstöðu. Það er
forsenda styrkveitingar að atvinnulausir einstaklingar
séu ráðnir ótímabundið í störfin og styrkhafi skuldbindi
sig til þess að viðhalda störfunum, eftir að styrktímabil
rennur út, í a.m.k. jafnlangan tíma og styrkur náði til.
Stjórn Atvinnuleysistryggingasjóðs er heimilt að endur-
krefja styrkhafa um styrk, ef þessum skilyrðum er ekki
fullnægt.
Verkefni sem ella væru ekki framkvæmd
í launaðri vinnu
Heimilt er að veita íþróttaféiögum, líknarfélögum, skóg-
ræktarfélögum, góðgerðarstofnunum og öðrum sam-
bærilegum aðilum styrk til að ráða atvinnulausan ein-
stakling til starfa við verkefni, sem ella væri ekki fram-
kvæmt í launaðri vinnu.
Starfsþiálfun oq skiotistörf
Heimilt er að veita styrk til þess að ráða mann af
atvinnuleysisskrá í starfsþjálfun, þar sem fræðsla og
vinna er samþætt, enda feli ráðning hans í sér aukningu
á starfsmannafjölda. Ennfremur er heimilt að veita styrk
til þess að ráða mann af atvinnuleysisskrá til þess að
leysa af fastan starfsmann, sem fengið hefur launað leyfi
til endurmenntunar eða til þess að sinna nýsköpun fyrir
atvinnulífið, enda sé starfsmanni ekki tryggður réttur til
endurmenntunar í kjarasamningi.
Styrkjum Atvinnuleysistryggingasjóðs verður úthlutað
þrisvar á árinu 1997, í febrúar, maí og september. Sveit-
arfélög hafa milligöngu um að koma umsóknum á
framfæri við skrifstofu sjóðsins og verða umsóknir
vegna fyrstu úthlutunar að hafa borist til Atvinnu- og
ferðamálastofu Reykjavíkurborgar, Aðalstræti 6,101
Reykjavík, eigi síðar en 11. febrúar 1997.
Umsóknareyðublöð fást hjá Atvinnu- og ferðamálastofu
og Vinnumiðlun Reykjavíkurborgar.
Engjateigur 11 • Sími 5882580 • Fax 5882587
Morgunblaðið/Ámi Sæberg
FINNUR Ingólfsson, iðnaðar- og viðskiptaráðherra, afhenti Ólafi
Ragnarssyni, bókaútgefanda, markaðsverðlaun ÍMARKS, en auk
þeirra á myndinni er Bogi Siguroddsson, formaður samtakanna.
Vaka-Helgafell fær mark-
aðsverðlaun ÍMARKS
ÍMARK, sem er félag íslensks
markaðsfólks, veitti bókaútgáf-
unni Vöku-Helgafelli markaðs-
verðlaun sín í gær, en markmiðið
með veitingu verðlaunanna er
að vekja athygli á mikilvægi fag-
legs markaðsstarfs og veita verð-
skuldaða viðurkenningu á þessu
sviði.
Verðlaunin voru nú veitt í
sjötta sinn, en þijú fyrirtæki voru
tilnefnd til verðlaunanna að
þessu sinni, Vaka-Helgafell hf.,
Vátryggingafélag íslands hf., og
Vöruveltan 10-11 hf. Niðurstað-
an varð sú að Vaka-Helgafell
fengi verðlaunin og í frétt í til-
efni verðlaunanna segir að á
fimmtán árum hafi stofnandinn,
Ólafur Ragnarsson, og sam-
starfsfólk hans byggt upp fyrir-
tæki sem sé mótað af markaðs-
hugsun og markaðsvinnubrögð-
um sem verðskuldi sérstaka at-
hygli.
Ennfremur segir: „Vaka-
Helgafell hf. tekur fullan þátt í
baráttunni á hinum hefðbundna
bókamarkaði fyrir almennan
markað, en fáir gera sér grein
fyrir því að mun stærri hluti
starfseminnar liggur utan hefð-
bundinnar bókaúgáfu. Þessi
starfsemi grundvallast á hug-
myndafræði beinnar markaðs-
setningar og rekstri ýmiss konar
klúbba fyrir mismunandi hópa.
Velgengni í markaðsmálum
byggist á því að fyrirtækin not-
færi sér öll tæki og tól markaðs-
fræðinnar. Oft er misbrestur á
þessu og færa má rök að því að
aðferðarfræði beinnar markaðs-
setningar hefur verulega verið
vannýtt sem tæki við markaðs-
setningu á Islandi. Þetta á ekki
við um Vöku Helgafell hf., en
fyrirtækið hefur byggt upp
þekkingu, reynslu og aðstöðu til
að beita beinni markaðssetningu
sem ekki er sambærileg hjá öðr-
um fyrirtækjum hér á Iandi.“
Exo hús-
gögn á nýj-
umstað
EXO húsgögn flytja um næstu
mánaðamót í Fákafen 9 þar sem
Vedes leikföng hafa verið til húsa.
Að sögn Inga Þórs Jakobsonar,
innanhússarkitekts og eins af eig-
endum Exo húsgagna, fer verslun-
in úr 400 fermetra húsnæði í 600
fermetra. Með því verði hægt að
auka vöruúrvalið í versluninni og
þá helst í ljósum. „Verslunin Exo
húsgögn hefur allt frá upphafi
boðið upp á íslensk húsgögn ásamt
því að vera með mikið af spænsk-
um húsgögnum. Við opnuðum
verslunina hér í bláu húsunum við
Suðurlandsbraut fyrir tæpum
fimm árum og á síðustu tveimur
árum hefur orðið umtalsverð auk-
ing í veltu. Á síðasta ári jókst hún
um rúmlega 30% og árið þar á
undan um 40%.“
----» ♦ ----
Murdoch
og Packer
semja frið
Sydney. Reuter.
RUPERT MURDOCH og keppi-
nautur hans í ástralska fjölmiðla-
geiranum, Kerry Packer, hafa
leyst alla hagsmunaárekstra sína
og þar með afstýrt hörðum mála-
ferlum um kvikmynda- og sjón-
varpsréttindi.
Lachlan Murdoch, sem stjórnar
umsvifum föður síns í Ástralíu,
segir að samkomulag hafi náðst
um allar gagnkvæmar kröfur fyr-
irtækis Packers, Nine Network
Australia, og News Ltd, Ástralíu-
deildar News Corp fyrirtækis
Murdochs. Engartölur voru nefnd-
ar.
Ný tengibygging milli Kringlunnar og Borgarkringlunnar
Eigendafundur ífebrúar
STEFNT er að því að boða til eig-
endafundar hjá Húsfélagi Kringl-
unnar í fyrri hluta febrúarmánað-
ar, þar sem kynntar verða niður-
stöður frumathugana á möguleik-
um þess að reisa tengibyggingu
milli suður- og norðurhluta húss-
ins. Á fundinum verður tekin
ákvörðun um hvort ráðast eigi í
viðamikla úttekt á slíkri fram-
kvæmd á næstu 3-4 mánuðum,
t.d. á því hvaða byggingarmögu-
leikar séu fyrir hendi.
Að sögn Einars I. Halldórsson-
ar, framkvæmdastjóra verkefnis-
stjórnar Kringlunnar, hefur málið
verið kynnt borgaryfirvöldum.
Hann segir að fyrst þurfi að skoða
nánar ýmsa valkosti varðandi
bygginguna og gera kostnaðar-
og fjármögnunaráætlun ásamt
könnun á leigumarkaði. Hann seg-
ir því undirbúninginn á byrjunar-
stigi og málið ekki komið jafnlangt
á veg og látið hafi verið í veðri
vaka í frétt Morgunblaðsins í gær.
Umrædd bygging myndi tengja
saman þessa tvo hluta húsanna
með göngugötu, en einnig eru
möguleikar á að setja þar upp
verslanir, veitingahús og aðra af-
þreyingu. Einar sagði að rekstur
í hinum nýja hluta Kringlunnar,
þar sem Borgarkringlan var áður
til húsa, hefði gengið vel.
Eins og fram kom í Morgun-
blaðinu á síðasta ári hafa einnig
verið gerðar áætlanir um verulega
stækkun Kringlunnar til norðurs
í átt að Miklubraut og sagði Einar
að þær hugmyndir væru ennþá
uppi á borðinu. „Mér sýnist að það
yrði rökrænna að ráðast fyrst í
framkvæmdir við tengibygging-
una til að fullkomna tenginguna
milli húsanna, en að stækkun til
norðurs yrði látin bíða nýrrar ald-
ar.“