Morgunblaðið - 24.06.1998, Blaðsíða 14

14 MIÐVIKUDAGUR 24. JÚNÍ 1998
AKUREYRI
MORGUNBLAÐIÐ
Gestir á sýningum LA
tæplega 12.500 á leikárinu
Fjölgaði um
eitt þúsund
milli ára
Morgunblaðið/Bjöm Gíslason
KYLFINGAR voru víð æfingar í gær á Jaðarsvelli, fyrir Arctic-open
miðnæturgolfmótið á meðan starfsmenn vallarins voru í óða önn að slá
völlinn. Grasspretta hefur tekið vel við sér eftir að fór að rigna í vik-
unni, eftir margra vikna þurrk.
Arctic-open miðnæturgolfmótið
Um 130 þátt-
takendur
mæta til leiks
GESTIR á sýningum Leikfélags
Akureyrar voru tæplega 12.500
talsins eða um 1.000 fleiri en leik-
árið á undan. Leikárinu lauk í byrj-
un þessa mánaðar, með vortónleik-
um Leikhússkórsins í Samkomu-
húsinu. Auk sýninga Leikfélagsins
vor þrjár gestasýningar í Sam-
komuhúsinu óg sýningargestir á
þeim 603.
Sýning LA á Söngvaseiði eftir þá
Richard Rodgers og Oscar
Hammerstein annan fékk lang
bestu aðsóknina á leikárinu. Alls
sáu 7.241 gestir sýninguna sem
sýnd var 39 sinnum og var sæta-
nýting með eindæmum góð, eða
95%. Samkomuhúsið var opnað
gestum eftir gagngerar endurbæt-
ur með frumsýningu á Söngvaseiði
hinn 6. mars sl.
Fyrsta frumsýning ársins á Hart
í bak eftir Jökul Jakobsson á
Renniverksstæðinu, var einnig
mjög vel sótt. Verkið var sýnt 25
sinnum, sýninguna sáu 3.222 gestir
og var sætanýting mjög góð, eða
um 90%. Önnur frumsýning leik-
ársins var á annan dag jóla á
Renniverkstæðinu. Þá var sýnt
leikritið Á ferð með Daisy eftir Al-
fred Uhry. Sýningar á verkinu
urðu 14 og sýningargestir alls
1.416.
í tilefni af því að hinn þekkti
ítalski leikritahöfundur Dario Fo
hlaut Nóbelsverðlaunin í bók-
menntum leiklas Guðbjörg
Thoroddsen einleikinn Kona ein-
sömul eftir Dario Fo og konu hans
Fröncu Rame. Guðbjörg leiklas
einleikinn alls þrisvar sinnum á
leikárinu og voru gestir samtals 55.
Síðasta frumsýning leikársins
var á Markúsarguðspjalli, einleik
Aðalsteins Bergdal á Renniverk-
stæðinu, á annan í páskum. Sýn-
ingar á Markúsarguðspjalli á
Renniverkstæðinu urðu 9 og gestir
á þær 315. Um hvítasunnuna voru
tvær sýningar á verkinu í Reykja-
vík og voru gestir þar 94 talsins.
Auk sýninga Leikfélags Akur-
eyrar setti Leikfélag Menntaskól-
ans á Akureyri upp Ferðina á
heimsenda eftir Olgu Guðrúnu
Ámadóttur og frumsýndi í Sam-
komuhúsinu 2. apríl sl. Verkið var
sýnt 6 sinnum fyrir 480 gesti.
Möguleikhúsið var með gestaleik í
Samkomuhúsinu í vor og sýndi
bamaleikritið Einar Áskel fyrir
163 gesti. Indverskir listamenn
vom með gestasýningu á vegum
menningarmálanefndar Akureyrar
í byrjun júní. Sýningin var nefnd
Seiður Indlands og sáu hana 60
gestir.
ARCTIC-OPEN miðnæturgolfmót
Golfklúbbs Akureyrar fer fram á
Jaðarsvelli aðfaranótt fimmtu-
dags og föstudags en formleg
setning mótsins fer fram í kvöld,
miðvikudag. Um 130 kylfingar
eru skráðir til leiks og þar af
rúmlega 30 erlendir spilarar.
Flestir erlendu kylfingarnir
koma að þessu sinni frá Banda-
ríkjunum, en einnig frá Englandi,
Danmörku, Þýskalandi, Japan,
Finnlandi, Hollandi og Lúxem-
borg. Þá taka kylfingar víðs veg-
ar að af landinu þátt auk heima-
manna.
Keppni hefst um kl. 17.00 á
morgun fimmtudag og að sögn
Þórhalls Sigtryggssonar sem sæti
á í Arctic-nefnd GA, er reiknað
með að síðasta „hollið“ fari út um
kl. 23.00 og spili fram undir kl.
04.00. Sama fyrirkomulag verður
RÍKISLÖGREGLUSTJÓRI hefur
gefið út fyrirmæli til lögreglunnar
um vikmörk við hraðamælingar
sem gilda frá og með 1. júlí nk. í
hinum nýju reglum eru ökumönn-
um gefnir 13 km á klst. umfram há-
markshraða áður en sektum er
beitt, segir í tilkynningu frá lög-
reglunni á Akureyri.
Þetta þýðir að ökumenn geta
hraðast ekið á 63 km á klst. innan-
bæjar, þar sem hámarkshraði er 50
km á klst. og á 103 km hraða á veg-
um með 90 km hámarkshraða á
klst.
upp á teningnum á föstudag, en
mótinu lýkur með lokahófi og
verðlaunaafhendingu í golfskál-
anum að Jaðri á laugardags-
kvöld. Keppt er í tveimur flokk-
um, með og án forgjafar og leikn
ar 36 holur.
Fullt í fangi með
að slá völlinn
Þórhallur sagði að völlurinn
væri mjög góður, hann hafi kom-
ið vel undan vetri og verið
snemma til. „Við vorum að vísu
eins og aðrir bændur orðnir
nokkuð uggandi útaf þurrkinum
en hér hefur rignt tvær nætur í
röð, þannig að ástandið er mjög
gott núna. Við eigum því fullt í
fangi með að slá völlinn núna og
menn mega ekki standa lengi á
sama staðnum, þvflík er sprett-
an,“ sagði Þórhallur.
Nokkurt misræmi hefur verið í
því milli lögsagnarumdæma hvað
lögreglan hefur gefið ökumönnum
mikið svigrúm umfram löglegan
hámarkshraða áður en sektum er
beitt og réttilega verið bent á að
jafnræðis þyrfti að gæta í þeim
efnum. Með nýjum reglunum ætti
misræmi milli umdæma að vera úr
msögunni og vonandi að þær leiði
til þess að umferðarhraðinn færist
nær löglegum hámarkshraða og
leiði til fækkunar umferðarslysa,
segir ennfremur í tilkynningu lög-
reglunnar á Akureyri.
Bæjaryfírvöld í við-
ræðum við kennara
Ekki gerð-
ur nýr
kjara-
samningur
KRISTJÁN Þór Júlíusson, bæjar-
stjóri á Akureyri, sagði á fundi
bæjarstjórnar í gær, að stefnt væri
að því að leysa málefni grunnskóla-
kennara heima í héraði án þess þó
að gerður yrði nýr kjarasamningur
við kennara.
Jakob Björnsson, fráfarandi
bæjarstjóri, spurði Kristján Þór
um stöðu mála varðandi grunn-
skólakennara en eins og komið hef-
ur fram hafa um 90 grunnskóla-
kennarar á Akureyri sagt upp
störfum. Ki-istján Þór og Ásgeir
Magnússon, formaður bæjarráðs,
hittu fulltrúa launanefndar sveitar-
félaga í Reykjavík í fyrradag og
áttu í kjölfarið fund með fulltrúum
kennara á Akureyri.
Til stóð að halda annan fund með
kennurum seinni partinn í gær.
Kristján Þór sagði málið á við-
kvæmu stigi en að rætt væri um
ýmsar mögulegar útfærslur. Hann
ítrekaði að ekki yrði um að ræða
gerð nýs kjarasamnings, enda yrði
þá að draga umboðið til baka frá
launanefnd sveitarfélaga.
Fundur bæjarstjórnar í gær var
með allra stysta móti og tók aðeins
um 15 mínútur að tæma dagskrá
hans.
--------------
Bygging 16 íbúða í
Snægili á Akureyri
Hyrna átti
lægsta
tilboðið
BYGGINGARFÉLAGIÐ Hyma
ehf. átti lægsta tilboð í byggingu 16
íbúða í Snægili 30-36 á Akureyri en
tilboðin voru opnuð í gær. Tilboð
fyrirtækisins hljóðaði upp á 120,5
milljónir króna, sem er 85,7% af
kostnaðaráætlun, sem hljóðaði upp
á tæpar 140,7 milljónir króna.
Húsnæðisnefnd Akureyrar sam-
þykkti á fundi í lok apríl sl. að taka
upp viðræður við Hymu um bygg-
ingu á 16 íbúðum við lokaáfanga
við Snægil 30-36, í framhaldi af út-
boði á 36 'íbúðum í Snægili í apríl
1996. Þá átti Hyma einnig lægsta
tilboðið. Bæjarstjórn hafnaði því
og samþykkti að bygging þessara
16 íbúða yrði boðin út.
Fimm íyrirtæki buðu í verkið nú
en tilboð Hyrnu, sem var lægst,
var nokkm hærra en þegar verkið
var boðið út fyrir tveimur árum.
SJS verktakar ehf. buðust til að
vinna verkið fyrir tæpa 131 milljón
króna, eða 93,1% af kostnaðaráætl-
un, Trésmiðjan Fjölnir ehf. bauð
um 136,5 milljónir króna, eða 97%
af kostnaðaráætlun, SS Byggir ehf.
bauð tæpar 138 milljónir króna,
eða 98,1% af kostnaðaráætlun og
Páll Alfreðsson ehf. bauð 156 millj-
ónir króna, eða 110,9% af kostnað-
aráætlun.
Áætlað er að framkvæmdir við
lokaáfangann í Snægili hefjist í
næsta mánuði og að íbúðirnar verði
afhentar kaupendum í byrjun sept-
ember á næsta ári.
AKSJÓN
Miðvikudagiir 24. júní
21.00 ►Sumarlandið Þáttur
ætlaður ferðafólki á Akureyri og
Akureyringum í ferðahug.
VINVEITINGAHUS
TIL LEIGU EÐA SÖLU
Á Akureyri er til leigu eða sölu veitingastaður
frá og með 1. sept. '98.
Staðurinn skiptist í tvo samliggjandi sali, annars vegar 35 manna og
hins vegar 60 manna. Góð vinnuaðstaða er í eldhúsi á staðnum sem er
í dag rekið frá kl. 9.00 að morgni til kl. 1 og til kl. 3 um helgar.
Upplýsingar veitir Bernharð í síma 461 1833.
Akureyrarbær:
Deiliskipulag á Eyrarlandsholti
Með vísan til 25. greinar skipulagslaga nr. 73/1997 með síðari
breytingum auglýsir Akureyrarbær tillögu að deiliskipulagi íbúðar-
hverfis á Eyrarlandsholti. Skipulagsvæðið afmarkast af Mímis-
braut, Þórunnarstræti, væntanlegri tengibraut, opnu svæði sunnan
Hörpulundar og lóð Verkmenntaskólans á Akureyri.
í skipulagstillögunni er gert ráð fyrir 23 einbýlishúsalóðum, þrem
skipulagsreitum fyrir fjöleignarhús auk lóðar fyrir raðhús og
tveggja lóða þar sem unnt er að reisa stærri byggingar svo sem
fjölbýlishús fyrir aldraða og heimavist/sumarhótel.
Skipulagsuppdráttur ásamt skýringarmyndum og greinargerð
liggur frammi almenningi til sýnis á Skipulagsdeild Akureyrar-
bæjar, Geislagötu 9, 3. hæð, næstu 6 vikur frá birtingu þessarar
auglýsingar, þ.e. til miðvikudagsins 5. ágúst 1998, þannig að þeir
sem þess óska geti kynnt sér tillöguna og gert við hana
athugasemdir. Athugasemdafrestur er til kl. 16.00 5. ágúst 1998
og skal athugasemdum skilað til Skipulagsdeildar Akureyrarbæjar.
Þeim sem telja sig verða fyrir bótaskyldu tjóni vegna skipulags-
gerðarinnar er bent á að gera athugasemdir við tillöguna innan
tilgreinds frests ella teljast þeir samþykkir henni.
Skipulagsstjóri Akureyrar.
Samræmd vikmörk
við hraðamælingar