Morgunblaðið - 24.06.1998, Blaðsíða 21
MORGUNBLAÐIÐ
ERLENT
MIÐVIKUDAGUR 24. JÚNÍ 1998 21
Sjónvarpsviðtal BBC við bresku barnfóstruna Louise Woodward vekur hörð viðbrögð
London. The Daily Telegrapli.
SKOÐANIR breskra blaða eru mjög
skiptar á viðtali sem BBC-sjónvarpsstöð-
in átti við bresku barnfóstruna Louise
Woodward í fyrrakvöld. í viðtalinu ítr-
ekar Woodward sakleysi sitt en viður-
kennir engu að síður að hafa hrist barn-
ið, sem bandarískur dómstóll úrskurðaði
að hún hefði orðið að bana. Sami maður
tók viðtalið og ræddi við Díönu
prinsessu í frægu sjónvarpsviðtali árið
1995. Þykir margt líkt með viðtölunum
og hefur það verið harðlega gagnrýnt.
Fjölskylda barnsins og lögmenn foreldr-
anna hafa einnig ráðist harkalega á
Woodward og saka hana um að vilja
baða sig í sviðsljósinu.
Louise var dæmd fyrir að hafa orðið
átta mánaða gömlu barni, Matthew
Eappen, að bana af gáleysi er hún gætti
hans. I Panorama-þætti BBC kvaðst
Woodward hafa verið gerð að blóra-
böggli og túlkuðu sumir fjölmiðlar orð
hennar sem svo að hún ýjaði að því að
foreldrarnir hefðu sjálfir skaðað dreng-
inn. „Hugsunin er sú að einhver verði að
gjalda fyrir, það virtist vera vandinn.
Það, nú ef foreldrarnir gerðu það ekki,
hver þá? Og þá er bara ég eftir,“ sagði
Woodward í viðtalinu.
Hún viðurkenndi að hafa „ekki verið
eins mjúkhent og hún hefði getað“ við
drenginn. Kvaðst hún hafa hrist hann
blíðlega til að reyna að fá
fram viðbrögð frá honum
þar sem greinilegt hefði
verið að eitthvað væri að.
Woodward sagðist hins veg-
ar ekki hafa hrist bamið
harkalega.
Barnfóstran sagðist ekki
finna til neinnar hlýju í
garð fyrrverandi vinnu-
veitenda sinna, foreldra
Matthews litla, þar sem
þau hefðu reynt allt til
þess að koma sér í fang-
elsi. Hefði henni þótt „til-
gangslaust" að segja eitt-
hvað við þau að loknu rétt-
arhaldi.
Deilt um greiðslur til
foreldra barnfóstru
Woodward harmaði þau tilmæli
bandarískra dómara að henni yrði
framvegis meinað að starfa með börn-
um. Sagði hún það afar sársaukafullt.
„Mér finnst eiginlega eins
og ég hafi glatað réttinum
til þess að horfa á barn...
segja móður þess að barn-
ið hennar sé fallegt eða að
kjá framan í börn...“
I viðtalinu neitar Louise
Woodward því að hún eða
fjölskylda hennar hafi
þegið fé fyrir frásögn sína
og sá BBC ástæðu til að
lýsa því yfir að stúlkunni
yrði ekki greitt fyrir við-
talið. Fullyrðing hennar
stangast hins vegar á við
yfirlýsingar Daily Mail
sem kveðst hafa gert
samning við foreldra
hennar um að greiða þeim 40.000 pund,
um 4,8 milljónir ísl. kr., fyrir frásögn
fjölskyldunnar.
„Louise prinsessa“
Woodward var í dökkri dragt í viðtal-
inu, sem tekið var upp á hótelherbergi
eins og viðtalið við Díönu prinsessu. í
nokkrum síðdegisblöðum var Woodward
uppnefnd „Louise prinsessa" og í fyrir-
sögn The Mirror sagði: „Ekki fara með
þennan morðingja eins og kóngafólk."
Lögmaður Eappen-hjónanna sakaði
Woodward um að hafa „meiri áhuga á
því að vera fræg en sannleikanum" og
Daily Mail sagði barnfóstruna hafa „far-
ið fyrir rétt að nýju“ með því að veita
BBC viðtal.
The Daily Telegraph gagnrýnir hins
vegar sjónvarpsstöðina fyrir að taka við-
talið við Woodward og segir að nær
hefði verið að kanna betur þau gögn
sem fyrir voru um málið en að standa
fyrir „dómgreindarlausum fagnaðarlát-
um vegna þessarar umdeildu, ungu
konu“.
Sama dag og viðtalið var sýnt barst
BBC tölvupóstur frá William Byrne,
rannsóknarlögreglumanninum sem
yfirheyrði Woodward eftir að hún var
handtekin vegna gruns um morð. Þar
segist Byrne vera algerlega sannfærður
um að Woodward sé sek um manndráp
og sakar hana um barnamisþyrmingu.
„Hvers vegna reynist svo mörgum
svona erfitt að gera sér grein fyrir því
að þetta er hreinræktuð barnamis-
þyrming. Slíkt á sér stað dag hvern
hér í Bandaríkjunum og í Englandi?“
spyr Byrne.
Sögð hafa meiri áhuga
á frægð en sannleika
Styttist í Kínaför Bandaríkjaforseta
Þrýstingur eykst
úr öllum áttum
Peking. Reuters.
HOPUR kínverskra andófsmanna
hefur sent Bill Clinton Bandan'kja-
forseta bréf þar sem hann er hvatt-
ur til þess að hitta Zhao Ziyang,
fyrrverandi formann kínverska
kommúnistaflokksins, í fyrirhugaðri
ferð sinni til Kína.
Ziyang, sem er 78 ára að aldri,
hefur verið í stofufangelsi frá því
harðlínumenn, sem töldu hann sýna
uppreisnarmönnum of mikla samúð,
hröktu hann frá völdum árið 1989.
Talsmaður Clintons segir að hann
muni ekki hitta neina andófsmenn í
ferðinni þar sem það geti komið
þeim í vandræði.
Mikil spenna hefur einkennt undir-
búning heimsóknarinnar, sem hefst á
fimmtudag og verður íyrsta heim-
sókn bandarísks þjóðarleiðtoga til
Kina frá því kínversk stjómvöld sig-
uðu hemum á óvopnaða námsmenn á
Torgi hins himneska friðar árið 1989.
Clinton hefur m.a verið harðlega
gagnrýndur fyrir að samþykkja að
vera við móttökuathöfn á torginu.
Clinton, sem fram að þessu hefur
reynt að sigla milli skers og bára í
þessari umræðu, hefur heitið því að
vekja máls á viðkvæmum málum svo
sem kjamorku- og mannréttinda-
málum í viðræðum við kínverska
ráðamenn. Ljóst þykir að hann muni
hins vegar einnig leggja sig fram um
að komast hjá því að reita kínversk
stjórnvöld til reiði enda miðar ferð
hans m.a. að því að ýta undir við-
skiptatengsl landanna. Til merkis
um þá miklu viðskiptahagsmuni sem
í húfi era undirrituðu tvö bandarísk
fjarskiptafyrirtæki sjö samstarfs-
og sölusamninga upp á 400 milljónir
Bandaríkjadala, að andvirði 28 millj-
aðra íslenskra króna, í Kína í gær.
Málefni Tævan mikilvægust
A sama tíma og bandarískir og
kínverskir hagsmunahópar leitast
við að koma sjónarmiðum sínum á
framfæri hafa kínversk stjórnvöld
sent Bandaríkjaforseta skýr skila-
boð um sjónarmið sín. Tang Guoqi-
ang, utanríldsráðherra Kína, sagði í
gær að þau litu svo á að málefni
Tævan væri mikilvægasta og jafn-
framt viðkvæmasta málefnið í sam-
skiptum þjóðanna og að meðan á
heimsókninni stæði hygðust þau
freista þess að knýja fram staðfest-
ingu á því að bandarísk stjórnvöld
myndu hvorki styðja sjálfstæðisþró-
un á Tævan né umsókn þarlendra
stjómvalda um aðild að Sameinuðu
þjóðunum.
H 0 D G MJN
jODLUR
—OGÞÉRLÍÐURVEL
IHVAÐA VEÐRl SEM ER
4Þ Mjög þægilegar
9 Einstaklega léttar
9 Frábærending
9 Dupont Supplex-ytrabyröi
9 Horco Tex-öndunarefni
9 100% vatnsheldar
9 Hleypa rakanum út (anda)
9 Hagstættverð
Mávahlíö 41, Rvík, sími 562 8383
OG SÖLUAÐILAR UM ALLT LAND..
SPORTVORU
GERÐINHF.
i
Nýjar ◄(
KRINGMN