Morgunblaðið - 22.08.1998, Blaðsíða 6
6 LAUGARDAGUR 22. ÁGÚST 1998
MORGUNBLAÐIÐ
FRÉTTIR
Samgönguráðherra ræddi Húsavíkurflugið á fundi ríkisstjórnar
33,5% FJÖLGUN var á farþegum
á Húsavíkurflugvelli fyrstu sex
mánuði þessa árs miðað við sama
tíma í fyrra. Flugfélagið Mýflug
ætlar að kanna möguleika á áætl-
unarflugi milli Reykjavíkur og
Húsavíkurflugvallar. Halldór
Blöndal samgönguráðherra segir
að ákvörðun Flugfélags Islands
um að hætta flugi til Húsavíkur
um næstu mánaðamót sé hörmu-
leg. Að sínu mati eigi þetta að vera
álitleg flugleið. „Eg vonast til þess
að annað flugfélag hlaupi í skarðið
og hefji flug milli Húsavíkur og
Reykjavíkur."
Samgönguráðherra fór yfír þessi
mál á ríkisstjórnarfundi í gær.
Hann kvaðst vera þeirrar skoðunar
að nauðsynlegt væri að rýmka um
samkeppnisskilyrði í innanlands-
fluginu þannig að Flugfélagi Is-
lands, Islandsflugi og öðrum flug-
rekstraraðilum sé frjálst að ræða
hvaða leiðir sé hægt að fara til þess
að auka hagræðingu í þessum
rekstri og halda uppi nauðsynlegri
þjónustu.
Flugfélögin taki
upp viðræður
„Það er varla hægt að tala um að
nægilegur fjöldi flugfarþega sé um
nokkum flugvöll, nema Akureyri
og Vestmannaeyjar, til þess að
unnt sé að segja að samkeppni sé
raunhæf. Við erum að mestum
hluta til að tala um minni flugvelli
með minni umferð sem ekki bjóða
upp á samkeppni. Ég held þess
vegna að nauðsynlegt sé að flugfé-
lögin taki upp viðræður sín á milli
til að reyna að skapa grundvöll fyr-
Rýmka þarf sam-
keppnisskilyrði
Farþegum fjölgaði um
33,5% til Húsavíkur
ir því að hægt sé að reka innan-
landsflugið með hagnaði. Við sjáum
öll hvar það endar ef halíinn á
þeirri þjónustu heldur áfram að
nema hundruðum milljóna króna.
Ég vonast því til þess að það sem
nú gerist á Húsavík verði okkur
áminning um að gera betur. Ég vil
líka ti'úa því í lengstu lög að annað
flugfélag hlaupi í skarðið."
Halldór setti sig í samband við
forsvarsmenn íslandsflugs og
Mýflugs og ræddi þessi mál við þá.
Hann segir að stjórnvöld hafí ekki
leyfi til þess að skipta flugleiðunum
upp á milli flugrekenda því í okkar
heimshluta sé flugið frjálst. „Ég tel
á hinn bóginn að flugrekstraraðil1
um eigi að vera frjálst að tala sam-
an og bera sig saman án þess að
samkeppnisyfirvöld hafí afskipti af
því vegna þess að markaðurinn er
svo lítill að hann býður ekki upp á
raunverulega samkeppni,“ sagði
Halldór.
Kristján Ásgeirsson, bæjarfull-
trúi á Húsavík, segir að ákvörðun
Flugfélags íslands komi mönnum
ákaflega á óvart. Bæjarráð fund-
aði um málið í gær og þar var
ákveðið að ski-ifa Flugfélagi Is-
lands bréf og sömuleiðis sam-
gönguráðherra. Þá var ákveðið að
kalla saman fund með aðilum í
ferðaþjónustu á Húsavík og var
hann haldinn í gærmorgunn.
Fundinn sat bæjarráð og aðilar í
ferðaþjónustu. Þar var tilkynning
Flugfélagsins rædd og hvert
stefna skyldi í málinu. Kosin var
fjögurra manna nefnd, tveir fyrir
hönd bæjarins og tveir fyrir hönd
ferðaþjónustunnar, til að vinna í
málinu. í gær var síðan fundur
með Ómari Benediktssyni, fram-
kvæmdastjóra Islandsflugs.
„Það hefði hörmuleg áhrif á
ferðaþjónustuna almennt ef flug til
Húsavíkur legðist alveg niður og
einnig yrðu mikil áhrif í atvinnu-
legu tilliti. Það er mjög alvarlegt að
málið skuli bera svona að. Flugfé-
lagið og Flugleiðir hafa þjónustað
Húsavík í áratugi og sífellt hefur
Farþegafjöldi með
flugi til Húsavíkur
1991-1997
91 92 93 94 95 96 97
Heimild: Flugmálastjóm
verið byggt upp og aðstaðan íyrir
flugið bætt,“ segir Kristján.
Mýflug kannar
áætlunarflug
Flugfélagið Mýflug í Mývatns-
sveit kannar möguleika á áætlun-
arflugi milli Reykjavíkur og Húsa-
víkurflugvallar. Framkvæmda-
stjóri félagsins er að athuga mögu-
leikana á að útvega 19 sæta flugvél
í verkefnið.
Mýflug er með áætlunarflug á
sumrin milli Mývatns og Reykja-
víkur og Mývatns og Hafnar í
Hornafirði. „Ef farþegum til nýs
rekstraraðila á Húsavík fækkar
ekki verulega frá því sem nú er
ætti þetta að geta gengið," segir
Leifur Hallgrímsson framkvæmda-
stjóri Mýflugs. Farþegafjöldinn
hefur verið um 15-16 þúsund.
„Þettá er hins vegar nokkuð á valdi
Húsvíkinga sjálfra. Ef þeir hætta
að nota þessa þjónustu og keyra til
Akureyrar í stórum stíl brestur
auðvitað grundvöllurinn."
Innanlandsflugið hefur verið
rekið með tapi hjá báðum stóru
flugfélögunum. Leifur sagði að það
sama gilti um flug Mýflugs. Innan-
landsfargjöldin væru of lág. Telur
hann víst að fargjöldin milli
Reykjavíkur og Húsavíkur myndu
hækka eitthvað ef Mýflug tæki
flugið að sér.
Samkvæmt upplýsingum frá
flugmálastjórn varð 33,5% aukning
á farþegafjölda um Húsavíkurflug-
völl fyrstu sex mánuði þessa árs
miðað við sama tíma í fyrra. Árið
1991 voru farþegar 18.941, 17.782
árið 1992, 16.366 árið 1993, 16.732
árið 1994, 17.376 árið 1995, 17.077
árið 1996 og 17.733 árið 1997.
Fyrstu sex mánuði þessa árs voru
farþegar 9.584 en 7.181 á sama
tímabili í fyrra. Aukningin milli
tímabilanna er því 33,5%. Hlutur
Húsavíkurflugvallar af öllum inn-
anlandsflugvöllum, að Keflavíkur-
flugvelli undanskildum, er 2,22%.
RÆST verður í maraþoni, hálfmaraþoni og 10 km hlaupi á morgun kl. 10 í Lækjargötu. 3 km og 7 km
skemmtiskokk verður síðan ræst kl. 12.30.
morgun
FIMMTÁNDA alþjóðlega Reykjavík-
urmaraþonið hefst á morgun, sunnu-
dag, í Lækjargötu þar sem ræst verð-
ur í fimm vegalengdum. í dag, laugar-
dag, milli kl. 11 og 17 sækja þátttak-
endur keppnisgögn sín í Laugardals-
höll, þar sem einnig verður boðið til
pastaveislu milli kl. 14 og 18.
Keppt verður á morgun í maraþoni,
hálfmaraþoni og 10 km hlaupi og ræst
kl. 10 í Lækjargötu. Kl. 12.30 verður
ræst í 3 km og 7 km skemmtiskokki.
Allir sem ljúka viðkomandi vegalengd
hljóta verðlaunapening og veitt verða
verðlaun fyrir furðulegasta hlaupa-
búninginn. Veitt verða sérverðlaun
fyrir þijú fyrstu sætin í kvenna- og
karlaflokki í maraþoni og hálfmara-
þoni og fyrsti karl og fyrsta kona í 10
km hljóta sérverðlaun. Verðlaunaaf-
hending fer fram í Broadway - Hótel
Islandi annað kvöld, sunnudagskvöld,
kl. 21 og diskótek verður frá kl. 22.
Búist er við á fjórða þúsund þátt-
takendum í hlaupinu, en þeim hefur
fjölgað mikið síðastiiðin ár. Fjöldi
þátttakenda hefur ekki farið yfir
4.000 en næst fór fjöldinn þeirri tölu
árið 1995, þegar þátttakendur voru
um 3.700.
Þorbergur Atlason varaformaður
Starfsmannafélags Flugleiða
Ahyggjur af
erfíðum rekstri
„VIÐ höfum auðvitað áhyggj-
ur af tapi og erfiðum rekstri
og því að segja þurfi upp
starfsfólki í New York og
Lúxemborg en á fundi for-
stjórans með starfsmönnum
var upplýst að reksturinn
gæti orðið í járnum í ár og
hugsanlega hagnaður á næsta
ári,“ sagði Þorbergur Atla-
son, varaformaður Starfs-
mannafélags Flugleiða, í sam-
tali við Morgunblaðið í gær.
Tveir fundir með
starfsmönnum
Þorbergur sagði að sumar-
ið kæmi vel út en spurning
væri hvemig síðasti hluti árs-
ins yrði. Haldnir voru tveir
fundir með starfsmönnum
Flugleiða í Reykjavík í gær-
morgun og einn með starfs-
mönnum í Keflavík eftir há-
degi í gær.
Þorbergur sagði að stjóm
starfsmannafélagsins hefði
ekki rætt aðgerðimar sem
stjóm fyrirtækisins hefur
ákveðið að grípa til og segja
mætti að þær hefðu ekki áhrif
á félaga starfsmannafélagsins
þar sem engum þeirra hefði
verið sagt upp.
„Hér er ekki um samdrátt
að ræða þar sem jafnmargar
flugvélar eru í rekstri áfram
og aðeins hægt á ferðinni og
ekki fjölgað vélum,“ sagði
Þorbergur ennfremur.
Hann sagði Sigurð Helga-
son forstjóra hafa útskýrt að-
gerðimar vel og rækilega og
sagði fundinn hafa verið góð-
an og upplýsandi og lýsti
ánægju sinni með hann. Þor-
bergur sagði aðgerðirnar
hafa komið á óvart en þó hefði
verið í deiglunni um tíma að
endurskoða flugið til Lúxem-
borgar sem orðið væri óhag-
stætt.
Reykjavíkur-
maraþonið
hefst á
Þjóðarpúls Gallups
Háskólinn nýtur
mikils trausts
85% þjóðarinnar
AF ÞEIM sex stofnunum sem
spurt var um þegar Gallup kannaði
traust fólks til stofnana nýverið
reyndist Háskóli íslands njóta
hvað mests trausts, en samkvæmt
Þjóðarpúlsi Gallups treysta nú 85%
þjóðarinnar Háskólanum vel. Að-
eins tæplega 35% aðspurðra bera
hins vegar mikið traust til dóms-
kerfisins.
Heldur fleiri bera nú mikið
traust til Alþingis en þegar síðast
var spurt, eða rúmlega 39%. Það er
svipað hlutfall og sagðist bera mik-
ið traust til Alþingis í ágúst 1993
en nokkru minna en í júní 1995,
þegar næstum helmingur að-
spurðra kvaðst bera mikið traust
til Alþingis. Fleiri karlar en konur
treysta Alþingi vel, eða rúmlega
42%, en rösk 36% kvenna. Yngra
fólk ber meira traust til Alþingis
en þeir sem eldri eru og fleiri kjós-
endur stjórnarflokkanna en kjós-
endur stjómarandstöðunnar.
Háskólinn hefur nú náð sama
trausti og hann naut meðal þjóðar-
innar í júní 1995 og í ágúst 1993,
eða rúmlega 85%. I júní á síðasta
ári báru hins vegar rúmlega 75%
mikið traust til Háskólans.
Svipað hlutfall ber mikið traust
til lögreglunnar nú og fyrir ári, eða
tæplega 65%. í næstu tveimur
mælingum þar á undan hafði traust
til lögreglunnar farið minnkandi.
Örlitlu færri bera mikið traust til
heilbrigðiskerfisins nú en fyrir ári,
eða 61% á móti tæplega 63% þá.
Hærra hlutfall karla en kvenna
treystir vel heilbrigðiskerfinu, eða
rösklega 67% á móti tæpum 54%
kvenna.
Fleiri treysta þjóðkirkjunni
nú en fyrir ári
Talsvert fleiri bera nú mikið
traust til þjóðkirkjunnar en fyrir
ári, eða rúmlega 56%. Kirkjan á þó
töluvert í land með að ná fyrra
trausti, sem var tæplega 67% árið
1995 og rúm 70% 1993. Heldur
fleiri konur en karlar bera mikið
traust til kirkjunnar. Mikill munur
er á afstöðu fólks eftir aldri.
Þannig bera 45% þeirra sem eru á
aldrinum 18-24 ára mikið traust til
þjóðkirkjunnar en rúm 72% aldurs-
hópsins 55-75 ára.
Fleiri bera mikið traust til dóms-
kerfisins nú en fyrir ári, eða tæp
35%, en í júní á síðasta ári voru
þeir 25%. Karlar treysta dómskerf-
inu frekar en konur, tæplega 38%
karla en 31% kvenna. Einungis
tæplega 19% þeirra sem eru á aldr-
inum 18-24 ára bera mikið traust
til dómskerfisins en rúmlega 41%
fólks í aldurshópunum 35-44 ára
og 55-75 ára.
Sendiráð Bandaríkjanna
Öryggisgæsla endurskoðuð
ÖRYGGISGÆSLA við sendiráð
Bandaríkjanna á íslandi við Lauf-
ásveg hefur verið endurskoðuð í
kjölfar atburða síðustu daga, að
sögn Walter Douglas, blaðafulltrúa
sendiráðsins.
Aðspurður vildi hann ekki tjá sig
um hvaða breytingar hefðu átt sér
stað, sagði einungis að viðeigandi
öryggisráðstafanir hefðu verið
gerðar og að samráð hefði verið
haft við íslensk yfírvöld.
1
I
l
I
i
I
r
r
i
t
i
l
■ þ
\