Morgunblaðið - 22.08.1998, Blaðsíða 49
MORGUNBLAÐIÐ
FRETTIR
LAUGARDAGUR 22. ÁGÚST 1998 49
Heimsklúbburinn -
ný sérþjónusta stofn-
ar nýja félagadeild
MORGUNBLAÐINU hefur borist
eftirfarandi frá Heimsklúbbi Ing-
ólfs:
„Umsvif Heimsklúbbsins hafa
aukist til muna á yfirstandandi ári.
Auk glæsilegra heimsferða í fjar-
lægar álfur, sem hann er þekktastur
fyrir, býður hann fjölbreytta þjón-
ustu í styttri ferðum, bæði fyrir
hópa og einstaklinga. Til hagræð-
ingar og til að fullnægja eftirspurn í
slíkar ferðir hefur Heimsklúbburinn
& Príma stofnað nýja deild fyrir sér-
ferðir, sem verða stöðugt algengari
og vinsælli.
Félagsdeildin er nafn hinnar nýju
deildar. Eftir reynslu fyrri ára vek-
ur Heimsklúbburinn & Príma at-
hygli á fjölbreytni starfseminnar og
hæfileikum starfsfólksins til að finna
bestu lausnir fyrir alla, hvort sem
um er að ræða hópa eða einstak-
linga. Alla þjónustu Flugleiða er
hægt að kaupa hjá Ferðaskrifstof-
unni Príma á sama verði og á skrif-
stofum Flugleiða. Vegna sérsamn-
inga við erlend flugfélög fást flug-
farseðlar og önnur ferðaþjónusta í
fjarlægum löndum á mun lægra
verði hjá Heimsklúbbnum en annars
staðar. Vegna þróunar í gengismál-
um, einkum í Austuriöndum, fóst
ferðirnar nú á miklu lægra verði en
áður, en samt er þjónusta í háum
gæðaflokki, og miklu hærri en
tíðkast á Vesturlöndum.
Margir sérhópar undirbúa nú
ferðir næsta árs með Heimsklúbbn-
um, t.d. kórar í söngferðir til Italíu,
Mið-Evrópu og jafnvel vestur um
haf. Flestir helstu kórar landsins
hafa nú snúið sér til Heimsklúbbsins
með ferðir sínar, sem hafa þótt
takast með ágætum að sögn þátttak-
enda og stjórnenda, t.d. Kór
Menntaskólans við Hamrahlíð, Kór
Islensku óperunnar og Mótettukór
Hallgn'mskirkju, en nýir bætast við
hver af öðrum. Vina- og félagahópar
sameinast um ferðir í siglingar á
sérkjörum og er nýr samningur við
stærsta skipafélag heimsins á loka-
stigi. Golfhópar leita til Malasíu,
Thailands og Bali til að leika á bestu
golfvöllum heims við frábær skilyrði
að vetrarlagi. Kennara- og skóla-
stjórahópar hafa farið rómaðar
námsferðir til Austurlanda, svo að
dæmi séu nefnd, en einnig hafa hóp-
ar hámenntaðs fagfólks tekið sig
saman um að sækja mót og keppnir
á fjarlægum stöðum, allt til Ástralíu.
Heimsklúbburinn hefur forgöngu
um útvegun námskeiða af ýmsu tagi
og margir útskriftarhópar úr Há-
skóla Islands, menntaskólum og sér-
skólum halda upp á tímamót í sér-
skipulagðri ferð með Heimsklúbbn-
um, að ógleymdum ráðstefnuferðum
og sértækifærum s.s. brúðkaupum
og afmælum.
Með hinni nýju félagadeild sinni
stendur Heimsklúbburinn & Príma
betur að vígi að veita sem fullkomn-
asta þjónustu með sérhæfðu starfs-
fólki í stækkuðu húsnæði í Austur-
stræti 17.
Heimsklúbburinn hefur gefið út
nýja áætlun til kynningar á starf-
semi sinni, sem dreift verður til
kaupenda Morgunblaðsins á morg-
un, sunnudag 23. ágúst.“
Sementsverk-
smiðjan hf. 40 ára
OPIÐ hús verður hjá Sementsverk-
smiðjunni hf. á Akranesi sunnudag-
inn 23. ágúst milli kl. 13 og 17 af til-
efni þess að hún hefur verið starf-
rækt í 40 ár.
Sementsverksmiðjan hf. á Akra-
nesi tók til starfa árið 1958 og hét þá
Sementsverksmiðja ríkisins. Það
var ekki tilviljun að verksmiðjunni
var valinn staður á Akranesi, þaðan
var stutt að sækja hráefni til fram-
leiðslunnar og markaðurinn í ná-
lægð, segir í fréttatilkynningu.
Dyggur stuðningur þingmanna
Vestlendinga með Pétur heitinn
Ottesen í fararbroddi skipti einnig
sköpum á þessum árum.
„Rekstur Sementsverksmiðjunn-
ar hefur endurspeglað hagvöxt í
landinu þar sem Islendingar hafa í
langan tíma vai’ið drjúgum hluta
þjóðartekna í steinsteypt mannvirki.
Undanfarið hefur reksturinn verið
stöðugt upp á við og afkoman verið
góð. Einkaleyfi verksmiðjunnar til
sögu og dreifingar á sementi var
afnumið árið 1971 og sú staðreynd
að ekki hefur verið lagt í að flytja
inn sement í stórum stíl er ákveðin
viðurkenning á því starfi sem unnið
hefur verið á Akranesi. Sements-
verksmiðjan hf. er með vottað gæða-
kerfi og framleiðir sement undir
ströngu eftirliti og stöðugt er unnið
að þróun framleiðslunnar,“ segir í
fréttatilkynningu.
Sementsverksmiðjan hf. hefur
látið til sín taka á fleiri sviðum en
við framleiðslu sements. Fyrirtækið
var einn af stofnendum Spalar hf.
sem á og rekur Hvalfjarðargöngin,
þá á verksmiðjan hlut í Steinvegg
ehf. sem tekið hefur í notkun nýja
aðferð til að leggja steinsteypu á
götur með öflugum vélbúnaði. Verk-
smiðjan á einnig hlut í félaginu
Sandur-ímúr sem framleiðir tilbúna
múrsteypu.
Af tilefni afmælisins verður verk-
smiðjan opin almenningi sunnudag-
inn 23. ágúst nk. milli kl. 13 og 17.
Boðið verður upp á skoðunarferðir
um verksmiðjuna og útsýnið skoðað
af sementgeymum hennar. Veiting-
ar verða fyrir gestina og sérstakur
glaðningur fyrir börnin.
Töðugjöld í Gullsmára
AKVEÐIÐ hefur verið að hefja
vetrarstarfið í félagsheimilinu Gull-
smára með því að ýmsir aðilar kynni
starfsemi sína síðustu viku ágúst-
mánðar. Vel þótti við hæfi að kalla
þessa viðburði einu nafni Töðugjöld.
Þriðjudaginn 25. ágúst verður
helgaður bókinni og mun þá verða
kynnt starfsemi Bókasafns Kópa-
vogs svo og sú þjónusta sem
Blindrabókasafn íslands sem er til
húsa í Kópavogi veitir.
Miðvikudaginn 26. ágúst kynnir
Hj álpartækj abankinn hvernig ein-
staklingar geta létt sér lífið með því
að nota margþætt hjálpartæki sem
eru til leigu eða sölu á vegum bank-
ans.
Fimmtudagurinn 27. ágúst verð-
ur helgaður samgöngum og um-
hverfísmálum og mun Þórarinn
Hjaltason kynna og svara fyrir-
spurnum um framkvæmdir á vegum
bæjarins svo og leiðir AJmennings-
vagna.
Föstudagurinn 28. ágúst verður
svo helgaður Hreyfingu og heilsu og
er fyrirhugað að kynnt verði starf-
semi Heilsugæslunnar í Kópavogi.
Töðugjöldunum lýkur með harm-
onikuleik, söng og dansi.
Leikfimikennsla hefst í félags-
heimilinu Gullsmára 3, september
og í félagsheimilinu Gullsmára 7.
september. Skráning er hafin á báð-
um stöðum. Kynningardagar verða í
Gullsmára 8. september og í Gjá-
bakka 9. og 10. september.
Eldri borgarar eru hvattir til að
mæta á Töðugjöldin í Gullsmára og
bjóða með sér gestum. Heitt verður
á könnunni og heimabakað meðlæti
alla dagana. Dagskráin hefst kl. 14
alla dagana.
Gönguferðir
um Þingvöll
UM HELGINA verða farnar
gönguferðh’ á vegum þjóðgarðsins á
Þingvöllum eins aðrar helgar í sum-
ar. Dagski-áin hefst á laugardag kl.
14 með Lögbergsgöngu þar sem
gengið verður um hinn forna þing-
stað í fylgd sr. Heimis Steinssonar.
Kl. 14.30 verður haldið að eyði-
jörðinin Arnarfelli sem nýlega hefur
verið færð undir umsjón þjóðgarðs-
ins. Þar verður litast um á gamla
bæjarstæðinu og einnig gengið á
fellið undir leiðsögn Sigurðar Odds-
sonar, framkvæmdastjóra Þing-
vallanefndar. Þetta er nokkuð
strembin ganga á köflum svo betra
er að vera vel skóaður og taka með
sér einhverja hressingu. Gangan
hefst við Þjónustumiðstöðina á
Þingvöllum og tekur u.þ.b. 3 klst.
Á sunnudag verður messa í Þing-
vallakirkju kl. 14.
Kl. 15 verður síðan haldið í göngu-
ferð sem ber yfirskriftina Skógarkot
- ljóð og sögur. Þar mun Elínborg
Sturludóttir guðfræðinemi leiða
þátttakendur eftir gömlum slóðum í
Þingvallahrauni. Áð verður í Skóg-
arkoti svo gott er að hafa með sér
nestisbita. Þetta er auðveld og róleg
ganga sem tekur u.þ.b. 3 klst.
Kl. 15.30 tekur svo staðarhaldari
á móti gestum þjóðgarðsins á lýð-
veldisreit að baki kirkju og fjallar
um sögu og náttúru Þingvalla.
Þátttaka í dagskrá þjóðgarðsins
er ókeypis og allir eru velkomnir.
----------------------
Háskólafyrir-
lestur
DR. JAMES Conant, prófessor í
heimspeki við Háskólann í Pitts-
burgh, flytur mánudaginn 24. ágúst
kl. 17.15 opinberan fyrirlestur á veg-
um heimspekideildar Háskóla Is-
lands í stofii 101 Odda.
Fyrirlesturinn nefnist „Freedom,
Cruelty and Truth: Rorty versus
Orwell“ eða Frelsi, grimmd og sann-
leikur: Rorty gegn Orwell og fjallar
um túlkun heimspekingsins Ric-
hards Rorty á skáldsögu Georges
Oi-wells „1984“.
Handrit að fyrirlestrinum í fullri
lengd liggur frammi á Landsbóka-
safni íslands - Háskólabókasafni
(námsbókasafn 3. hæð: box merkt
„James Conant"). Conant mun lesa
styttri gerð sem tekur tæpa klukku-
stund í flutningi.
Sérsvið dr. James Conant er saga
heimspekinnar, einkum verk
Kierkegaards, Emersons, Ni-
etzsches og Wittgensteins, mál-
speki, og heimspeki bókmennta og
kvikmynda. Auk þess að hafa skrif-
að fjölda greina um þessi efni hefur
hann ritstýrt ritgerðasöfnum banda-
ríska heimspekingsins Hillary
Putnam.
Fyrirlesturinn verður fluttur á
ensku og er öllum opinn.
-----------------
Breytingar á
Reiknistofu
bankanna
FYRIRHUGAÐ er að gera nauð-
synlegar breytingar á búnaði
Reiknistofu bankanna sunnudaginn
23. ágúst með það að markmiði að
bæta þjónustu hennar við viðskipta-
vini banka og sparisjóða. Af þessu
leiðir að enginn aðgangur verður að
tölvukerfum Reiknistofunnar milli
kl. 8 og 12.
Á þeim tíma verður ekki hægt að
nota hraðbanka, þjónustusíma eða
heimaþjónustu banka og sparisjóða
né heldur greiðslukort í öðrum
sjálfsafgreiðslutækjum þar sem
noktunar PIN-númers er krafist
eins og t.d. í bensínsjálfsölum.
Debet- og kreditkort verðui- þó unnt
að nota í öllum almennum viðskipt-
um en undantekning frá því eru svo-
nefnd síhringikort, t.d. unglingakort,
sem ekki munu fá neina þjónustu.
Farþegum við Flugstöðina í
Keflavík er sérstaklega bent á að út-
tektarheimildir debetkorta verða
skertar og er þeim bent á að gera
ráðstafanir vegna þess.
FEÐGARNIR Friðbjörn Ásbjörnsson t.v. og Ásbjöm Óttarsson með
mikla veiði sem þeir fengu á þremur dögum í Miðfjarðará fyrir skömmu.
Komið vatn og
fískur í Landbroti
ÞOKKALEGT vatn er nú farið að
renna um sjóbirtingsperlurnar
Grenlæk og Tungulæk í Landbroti.
Varla var hægt að tala um að það
dygði til gangna fyrr en upp úr
verslunarmannahelginni, en nú er
sjóbirtingur farinn að ganga og
veiðast.
Agnar Davíðsson á Fossum, for-
maður Veiðifélags Grenlækjar,
sagði í samtali við Morgunblaðið að
vatnsmagn hefði farið vaxandi í júlí,
í kjölfar þess að vatni úr Skaftá var
hleypt á Eldhraun á nýjan leik og
úrkoma til fjalla hefði bætt ástand-
ið, m.a. bætt mjög í bergvatnsár
sem falla til Skaftár.
„Þetta hefur verið að skila sér og
það er komið talsvert af fiski. Það
erstöðugt að ganga fiskur og þetta
er einmitt sá tími sem birtingurinn
byrjar að sýna sig. Þetta á bæði við
um neðri svæðin í Grenlæk og Jóns-
kvísl. Það er farið að veiðast nokk-
uð, alveg upp að Stórafossi, og ekki
óalgengt að tveggja til fjögurra
stanga holl hafi verið að fá 8 til 15
fiska. Þetta er allt vænn fiskur. Það
á hins vegar eftir að koma í ljós
hvað slysið í vor skemmdi mikið og
ég trúi því ekld að slíkt endurtaki
sig. Vil trúa því að málið verði far-
sællega til lykta leitt,“ sagði Agnar.
Þórarinn Kristinsson, einn af eig-
endum Tungulækjar, sagði í samtali
við Morgunblaðið að hlutirnir væru
að komast í samt lag, það væri kom-
ið vatn og það væri kominn fiskur.
„Það var þó ekki fyrr en þeir
settu aukakraft á vatnið inn á
hraunið í júlí að það kom nóg vatn
til að fiskur gæti gengið í lækinn.
Þá gekk strax nokkuð af fiski og
það bætist reglulega við. Þetta eru
vænir fiskar í bland, ég fékk einn 10
punda um síðustu helgi og á Foss-
breiðunni er einn sem er andskota-
kornið ekki undir 20 pundum,“
sagði Þórarinn. „Hvað sem veiði í
sumar líður þá hafa hér gerst voða-
legir atburðir og allt að þrír árgang-
ar seiða þurrkast út. Það eru ekki
til seiði til að setja í ána í staðinn,“
bætti Þórarinn við.
Fréttir úr ýmsum áttum
í vikulokin voru komnir um 150
laxar á land úr Sandá í Þistilfirði
og hafði veiðin gengið hægt og ró-
lega fyrir sig síðustu daga. Uppi-
staðan í veiðinni er 5 til 7 punda
lax. Stærsti laxinn til þessa er 18,5
pund og er það eini fiskurinn sem
er yfir 15 pundum. Það á ekki bein-
línis við stórlaxaána miklu, Sandá.
Drýgsti veiðistaðurinn í sumar hef-
ur verið Fossbrot með 19 laxa á
þurru.
Mikill lax er í Hítará, en hún er
frekar vatnslítil og hann tekur illa,
að sögn Birgis Ásgeirssonar kokks í
Lundi. Hann sagði 197 laxa komna
á land af aðalsvæðinu og einhvern
reiting af efri svæðunum, heildar-
talan er því einhvers staðar rétt yfir
200 löxum. Birgir sagði menn enn
að fá lúsuga laxa en hins vegar væri
meðalvigtin ekki há og stærsti lax-
inn í sumar væri aðeins 10 pund.
„Það eru samt kafbátar hérna,
menn hafa sett í þá, en tapað svo
flugunni," bætti Birgir við.
Enn er veiði afar slök í Stóru
Laxá í Hreppum og einblína nú
vildarvinir hennar til haustsins, en
þá koma oft hrotur. Aflinn er rétt
yfir 100 laxar og næstum helming-
urinn af efsta svæðinu. Það er af
sem áður var.
Sjóbleikja á
Grænlandi
Ferðaskrifstofan Norðurferðir er
að efna til þriggja daga veiðiferða
til Grænlands um þessar mundir.
Verður farinn einn túr í viku fram
eftir september. Að sögn Birgis
Sumarliðasonar er flogið til
Kulusuk og haldið þaðan með báti
til ósnortinna veiðistaða við Aqusi-
ajik-eyjar og í Ammassalik-firði.
„Það er mikil og væn sjóbleikja
þama og náttúrufegurð alveg ótrú-
leg. Við gistum tvær nætur í veiði-
húsi og innifalinn er villibráðar-
kvöldverður að grænlenskum sið,“
sagði Birgir.
Sýningu í Eden
að ljúka
MÁLVERKASÝNINGU Hannesar
Scheving í Eden í Hveragerði lýkur
annað kvöld, sunnudagskvöld.
A sýningunni eru 33 akrílverk
unnin á síðastliðnum tveimur árum.
LEIÐRÉTT
Rangt nafn
í MINNINGARGREIN um Hörð
Valdimarsson á blaðsíðu 33 í Morg-
unblaðinu í gær, fóstudag, var rang-
lega farið með nafn bróður hans.
Hann heitir Árni Snæ, fæddur 6.
desember 1923. Hlutaðeigendur eru
beðnir afsökunar á mistökunum.
Rangt nafn
I fyrh-sögn minningargreina um
Rakel Loftsdóttur á blaðsíðu 35 í
Morgublaðinu í gær, fóstudag, var
ranglega bætt við millinafninu
Linda. Hlutaðeigendur eru beðnir
afsökunar á þessum mistökum.
Laugarásbíó og Borgarbíó
sýna Godzilla
I umfjöllun um frumsýningu
kvikmyndarinnar Godzilla í blaðinu
í gær láðist að geta þess að auk
Stjörnubíós og Sambíóanna er
myndin sýnd í Laugarásbíó og
Borgarbíó á Akureyri.