Morgunblaðið - 04.06.1999, Page 35

MORGUNBLAÐIÐ
LISTIR
FÖSTUDAGUR 4. JÚNÍ 1999 35
BJARNI Jónsson listmálari
á vinnustofu sinni.
Bjarni Jóns-
son sýnir í
Grindavík
BJARNI Jónsson listmálari opnai’
málverkasýningu í Kvennó í
Grindavík á morgun, laugardag, kl.
14, sýningunni lýkur að kveldi sjó-
mannadagsins, 6. júní.
A sýningunni eru olíumálverk og
vatnslitamyndir sem margar hverj-
ar lýsa lífi og störfum forfeðra okk-
ar til sjós og lands. Bjami gerði
flestar skýringateikningar í ritverk
Lúðvíks Kristjánssonar, íslenskir
sjávarhættir, og vann við það í 27
ár. Hann hefur haldið fjölda sýn-
inga hér heima og tekið þátt í sýn-
ingum erlendis. Einnig hannaði
hann minnismerki, sem reist var að
Hnjóti við Patreksfjörð, til minning-
ar um sjóslys og björgunarstörf.
Síðastliðin ár hefur hann unnið við
gerð 50 málverka sem eru af öllum
þekktum gerðum íslenskra áraskipa
og því sem þeim tilheyrði.
Kl. 16 á laugardag mun Bjarni
flytja erindi um þessa árabáta á
sýningunni.
Sýningin er opin frá kl. 14-19
báða dagana.
----------------
Tónar úr um-
hverfínu í
Slunkaríki
EYGLÓ Harðardóttir opnar sýn-
ingu í Slunkaríki, ísafirði, á morg-
un, laugardag, kl. 16.
Sýningin er sýn inn í heim lita
þar sem listamaðurinn dregur fram
tóna úr umhverfinu.
Eygló hefur haldið nokkrar
einkasýningar, síðast í Nýlistasafn-
inu í október 1998, einnig hefur hún
tekið þátt í mörgum samsýningum.
Hún stundaði riám við Myridlista-
og handíðaskóla íslands 1983-1987
og framhaldsnám við listaakademí-
una Aki í Hollandi frá 1987-90.
Sýningin er opin fímmtudaga til
sunnudaga frá kl. 16-18 og lýkur
sunnudaginn 20. júní.
------♦-♦-♦-----
Leikhúsnám-
skeið í Mögu-
leikhúsinu
MÖGULEIKHÚSIÐ efnir nú í
fímmta sinn til leikhúsnámskeiðsins
„Leikhús möguleikanna". Haldin
verða tvö námskeið fýrir böm á aldr-
inum 9-12 ára og hefst fyrra nám-
skeiðið 7. júní en hið síðara 28. júní.
A námskeiðunum er unnið með
flest þau atriði sem tengjast hefð-
bundinni leikshúsuppsetningu.
Meðal þess sem fengist er við má
nefna gerð handrits, æfingar, leik-
mynd og búninga, lýsingu o.fl. -Allir
þessir þættir eru síðan nýttir til að
vinna leiksýningu frá grunni, sem
sýnd verður í Möguleikhúsinu í lok
námskeiðsins. Leiðbeinendur á
námskeiðunum eru leikhúslista-
menn, sem hafa reynslu af að vinna
í barnaleikhúsi. Námskeiðin fara
fram í Möguleikhúsinu við Hlemm.
Kossinn á sinn stað
London. Morgunblaðið.
KOSSINN, höggmynd Rodin,
snýr nú aftur á fómar slóðir, þar
sem hún var bannfærð fyrir 85
árum. Höggmyndin, ein af
skrautfjöðrum Tate-listasafnsins
í London, hefur verið lánuð á
sýningu í Lewes í austurhluta
Sussex og nú verður tekið á móti
henni með pompi og pragt.
Höggmyndin verður til sýnis
í ráðhússalnum, en 1914 var
hún úthrópuð þar úr húsi af
ótta við skaðleg áhrif á hugi
ungra hermanna. Það var
bandaríski auðmaðurinn Ed-
ward Warren, sem keypti stytt-
una af Rodin fyrir 1.000 pund,
en Warren þessi vakti sterk
viðbrögð íbúa í Lewes með því
að sanka að sér listmunum og
ungum karlmönnum. Hann var
eigandi rómansks silfurbikars
með myndum af ástarleik karla,
sem British Museum festi ný-
lega kaup á fyrir röskar 230
milljónir króna.
Warren lánaði Kossinri til sýn-
ingar í ráðhússalnum 1914, en
fyrir forgöngu sómakærrar
skólastýru var höggmyndin fyrst
hulin, en síðan skilað heim til
Warren aftur og geymdi hann
hana næstu 15 árin úti í hlöðu.
Að honum látnum var hún boðin
upp en tilskilin 5.000 pund feng-
ust ekki. Hún var þá lánuð Cel-
tenham-safni og síðan Tate, sem
keypti hana 1953 á 5.500 pund.
Síðan þá hefur verðgildi Rodin
rokið upp og nú er þessi högg-
mynd hans talin ómetanleg til
fjár, en tryggð fyrir 10 milljónir
punda.
Sýningin í ráðhúsinu í Lewes
stendur út októbermánuð.
KOSSINN eftir Rodin.
VIND- OG REGNHELDIR GALLAR
í SUMARVINNUNA Á AÐEINS 5.964-
- EINNIG STAKAR BUXUR Á 1.895-
GRANDAGARÐI 2, RVÍK, SÍMI 552 8855
0PIÐ LAUGARDAGA 10-14
HÖRKUGÓÐIR GALLAR FRÁ SÆNSKA
FYRIRTÆKINU DIDRIKSONS.
RENNDIR VASAR, HETTA í KRAGA,
RIFLÁS Á ERMUM OG SKÁLMUM,
LÉTT FÓÐRAÐIR.
STÆRÐIR XS-XXL.
Gúmmískór í unglingastærðum.
Verð 1.414- og 1.701-
VIKING-stígvél í unglingastærðum.
Verð 2.846- og 3.518-