Morgunblaðið - 25.08.2005, Blaðsíða 25
MORGUNBLAÐIÐ FIMMTUDAGUR 25. ÁGÚST 2005 25
UMRÆÐAN
FRAMSÓKNARMENN í Reykja-
vík koma saman til almenns fé-
lagsfundar í kvöld til að
ræða þá stöðu sem
komin er upp í borg-
armálunum eftir að
ljóst varð að Reykjavík-
urlistinn býður ekki
fram í næstu borg-
arstjórnarkosningum.
Vinstri grænir hafa
ákveðið að bjóða fram
undir eigin merkjum og
skýr vilji til hins sama
kom fram á fundi full-
trúaráðs Samfylking-
arinnar í síðustu viku.
Þar með er ljóst að við
framsóknarfólki í Reykjavík blasir að
hefja nú þegar undirbúning að fram-
boði undir eigin merkjum í kosning-
unum í borginni næsta vor – merkj-
um B-lista Framsóknarflokksins í
fyrsta sinn síðan árið 1990.
Enginn vafi leikur á því að Reykja-
víkurlistinn hefur sem stjórnmálaafl
haft töluverð áhrif í íslenskum stjórn-
málum. Til hans var upphaflega
stofnað til að skapa mótvægi við
Sjálfstæðisflokkinn sem haft hafði
tögl og hagldir í borginni áratugum
saman, stundum jafnvel án þess að
hafa meirihluta atkvæða. Á sama
tíma höfðu miðjuöflin og vinstri flokk-
arnir barist sitt í hvoru lagi og mátt
sín lítils í áhrifalausum minnihluta.
Allt frá því R-listinn vann sinn fyrsta
sigur í borgarstjórn-
arkosningum 1994 hef-
ur hann haft afgerandi
frumkvæði og lyk-
ilstöðu í borgarmál-
unum og komið til leiðar
mörgum af þeim stefnu-
málum sem lögð voru til
grundvallar við stofnun
hans. Á löngum tíma
hefur hins vegar margt
breyst; óháður borg-
arstjóri gekk til liðs við
einn flokkanna þriggja í
aðdraganda síðustu al-
þingiskosninga og nú er
svo komið að þrír hafa gegnt embætti
borgarstjóra á þessu kjörtímabili.
Framsóknarflokkurinn er eini
flokkurinn sem hefur staðið að
Reykjavíkurlistanum frá upphafi.
Aðrir flokkar hafa komið og farið í
samstarfinu, en Framsóknarflokk-
urinn hefur verið hryggjarstykkið all-
an tímann. Við getum jafnframt litið
stolt um öxl á þau verk sem fulltrúar
okkar hafa staðið fyrir.
Af og til hafa þær raddir heyrst
innan flokksins, að hann liði fyrir
samstarfið innan R-listans og tákn
hans og sérstaða væru horfin í höf-
uðborginni, stærsta sveitarfélagi
landsins. Þetta eru eðlileg sjónarmið
og svipaðar röksemdir hafa einnig
komið fram af hálfu annarra flokka
sem staðið hafa að listanum. Segja
má að jafnan hafi niðurstaðan orðið
sú að skynsamlegt hafi verið talið að
starfa áfram innan Reykjavíkurlist-
ans þrátt fyrir þessa augljósu ann-
marka og njóta þess þá frekar að
koma baráttumálum sínum í verk í
dugmiklum meirihluta fremur en að
eiga á hættu að standa áhrifalaus fyr-
ir utan.
Því hefur hins vegar verið fleygt nú
að Framsóknarflokkurinn hafi átt allt
sitt undir áframhaldandi samstarfi og
muni eiga erfitt með að bjóða fram
undir eigin merkjum næsta vor. Ekk-
ert er fjær sanni. Á meðan Fram-
sóknarflokkurinn á aðild að R-
listanum gerir hann það af heilum
hug. Í því ljósi var unnið af hálfu full-
trúa Framsóknarflokksins í viðræðu-
nefnd og leitast við af fremsta megni
að ná fram ásættanlegri niðurstöðu
fyrir alla aðila. Það tókst ekki og því
blasir nú við sú staðreynd að hver
flokkur bjóði fram undir eigin merkj-
um og kosningabaráttan verði því
með töluvert öðru sniði en undanfarin
ár. Þá er einfaldlega komin upp ný
staða, sem jafnframt getur falið í sér
ný tækifæri.
Á þessum tímamótum tel ég mik-
ilvægt að framsóknarfólk í höf-
uðborginni komi allt að undirbúningi
framboðs okkar framsóknarmanna,
bæði hvað varðar málefnastarf og val
á frambjóðendum. Ég tel að fram-
bjóðendur flokksins í næstu borg-
arstjórnarkosningum geti með öflugu
umboði sinna flokksmanna náð góð-
um árangri í kosningum. Til þess að
fá slíkt umboð þurfa allir framsókn-
armenn í borginni að fá að kjósa sér
frambjóðendur í prófkjöri eða kosn-
ingu og niðurstaðan úr því á að ráða
endanlegri röð frambjóðenda. Við
framsóknarmenn eigum þannig sjálf-
ir að velja okkar eigin fulltrúa og
styðja þá síðan með ráðum og dáð
þegar niðurstaðan liggur fyrir. Þann-
ig eflum við flokkinn og komum
stefnumálum hans á framfæri við
borgarbúa.
Áskorun og tækifæri
Björn Ingi Hrafnsson fjallar um
framboð Framsóknarflokksins
fyrir næstu borgarstjórn-
arkosningar
’Við framsóknarmenneigum þannig sjálfir að
velja okkar eigin fulltrúa
og styðja þá síðan með
ráðum og dáð þegar nið-
urstaðan liggur fyrir.‘
Björn Ingi Hrafnsson
Höfundur er varaþingmaður Fram-
sóknarflokksins í Reykjavík og að-
stoðarmaður forsætisráðherra.
FYRIR fundi borg-
arráðs í dag liggur til-
laga um að fyrirhuguð
hækkun leikskólagjalda
á háskólastúdenta, sem
eiga maka í fullri vinnu,
verði dregin til baka.
Breiður stuðningur er
við tillöguna meðal
borgarfulltrúa. Sjálf-
stæðismenn fluttu samskonar tillögu
í borgarstjórn í apríl síðastliðinn og
fulltrúar allra flokka sem eiga full-
trúa í borgarstjórn hafa lýst því yfir í
fjölmiðlum að þeir hyggist styðja til-
löguna og draga þar með hækk-
anirnar til baka. Í dag lýkur því von-
andi baráttu sem hófst fyrir tæpum
níu mánuðum í nóvember í fyrra,
þegar fyrst var tilkynnt um að gjöldin
yrðu hækkuð.
Skýr vilji stúdenta
Vilji stúdenta hefur verið skýr í
málinu frá byrjun. Allt frá því að fyrst
var tilkynnt um hækkunina hefur
margoft verið bent á að hin umrædda
hækkun komi sér afar illa fyrir þá
stúdenta sem fyrir henni verða. Sá
hópur er þó ekki fjölmennur og heild-
arfjárhæðin sem Reykjavíkurborg
fær með þessari hækkun er ekki há.
Það hefur því óneitanlega skotið
skökku við að á sama tíma og stefnt
er að gjaldfrjálsum leikskóla í
Reykjavík hafi staðið til að hækka
leikskólagjöld á ákveðinn afmark-
aðan hóp foreldra.
Tæplega 2000 undirskriftir
Hækkunin átti upphaflega að
ganga í gegn 1. janúar síðastliðinn.
Undir forystu Vöku stóð Stúdentaráð
Háskóla Íslands fyrir undir-
skriftasöfnun í fyrra til þess að mót-
mæla hækkununum og voru und-
irtökurnar góðar – tæplega 2000
stúdentar skrifuðu undir. Undir-
skriftirnar voru afhentar þáverandi
borgarstjóra og eftir viðræður við
borgaryfirvöld var ákveðið að hækk-
unin tæki ekki gildi að fullu fyrr en 1.
september næstkomandi. Vaka lagði
á það áherslu á sínum tíma að það
væru ekki fullnægjandi viðbrögð af
hálfu borgaryfirvalda að einungis
fresta gildistöku hækkunarinnar,
heldur ætti að ganga alla leið og
draga hana til baka.
Útgjaldaaukning upp
á tugi þúsunda á ári
Það er því fagnaðarefni að tillaga
um að draga hækkanirnar til baka sé
komin fram í borgarstjórn frá einum
af borgarfulltrúum R-listans. Afstaða
meirihlutans er þá væntanlega önnur
núna en þegar málið var rætt á sínum
tíma og eins þegar málið var tekið
upp af minnihlutanum í borgarstjórn
í apríl síðastliðnum. En það er sama
hvaðan gott kemur. Hér er um brýnt
hagsmunamál að ræða fyrir stúdenta,
enda hefði hækkunin valdið út-
gjaldaaukningu upp á tugi þúsunda á
ári fyrir þá sem hefðu orðið fyrir
henni.
Óhætt er að fullyrða að óskir og
kröfur þeirra tæplega 2000 stúdenta
sem fóru fram á að hækkunin yrði
dregin til baka á sínum tíma séu enn í
fullu gildi. Það er því fagnaðarefni að
samstaða hafi náðst í borgarstjórn
um að hlusta á raddir stúdenta í
þessu máli.
Níu mánaða baráttu
gegn hækkun leik-
skólagjalda lokið
Hrefna Lind Ás-
geirsdóttir og Krist-
ín María Birg-
isdóttir fjalla um
leikskólagjöld
’Undir forystu Vökustóð Stúdentaráð Há-
skóla Íslands fyrir und-
irskriftasöfnun í fyrra
til þess að mótmæla
hækkununum...‘
Hrefna Lind var formaður fjölskyldu-
nefndar Stúdentaráðs fyrir hönd
Vöku í fyrra og Kristín María situr í
fjölskyldunefnd SHÍ fyrir Vöku í ár.
Hrefna Lind
Ásgeirsdóttir
Kristín María
Birgisdóttir
KÓPAVOGSBÆR eignaðist hluta
lands ríkisspítalanna í Kópavogi árið
2003. Þá var ljóst að þar ætti bærinn
land sem byði upp á
mikla möguleika til
margskonar starfsemi
og mikilvægt væri að
sem best tækist til við
skipulag svæðisins og
uppbyggingu.
Samfylkingin lagði til
á bæjarstjórnarfundi að
efnt yrði til hugmynda-
samkeppni um nýtingu
svæðisins en meirihluti
Framsóknar- og Sjálf-
stæðisflokks felldi þá
tillögu og sagði Ómar
Stefánsson, bæj-
arfulltrúi Framsóknar, í þeim um-
ræðum að hann myndi „aldrei sam-
þykkja samkeppni“. Hins vegar vildi
hann halda íbúaþing á svæðinu til að
veita íbúum aðgang að skipulaginu!
Rangar forsendur
Síðar var þó samþykkt í bæj-
arstjórn að hafa lokaða samkeppni um
hugmyndir um uppbyggingu Kópa-
vogstúnsins og þagði Ómar þá þunnu
hljóði. Í samkeppninni voru gefin
ákveðin fyrirmæli um byggingarmagn
á svæðinu sem byggjast á alröngum
forsendum að mínu mati. Samkvæmt
þeim á að byggja 384 íbúðir, þar af 164
íbúðir á því svæði sem þegar er í eigu
Kópavogsbæjar og keypt var 2003
fyrir 260 milljónir. Ef miðað er við þau
yfirtökugjöld, sem lögð voru á í Þinga-
hverfi í Vatnsenda og eru ætluð til að
standa undir landakaupum, er nægj-
anlegt að byggja 15 einbýlishús, 10
raðhús og 50 íbúðir í fjöl-
býli, alls 85 íbúðir á
þessu svæði til þess að
ná inn fyrir kostnaðinum
við landakaupin.
Rökleysa
Gunnsteins
Fyrstu hugmyndir
um skipulagið voru
kynntar á fundi í félags-
heimili Kópavogs í fyrra
og mættu þær mikilli
andstöðu. Gunnsteinn
Sigurðsson, bæj-
arfulltrúi Sjálfstæð-
isflokks og formaður skipulags-
nefndar, lofaði þar að athugasemdir
íbúa yrðu teknar til greina. Á fundi í
Kársnesskóla 11. ágúst sl. voru aug-
lýstar skipulagshugmyndir síðan
kynntar og kom þar berlega í ljós að
ekkert tillit hafði verið tekið til at-
hugasemda íbúanna frá því á fyrri
fundi. Grundvallarforsendan er að
byggja sem mest og það er rökstutt
með dýrum landakaupum sem ég hef
sýnt fram á að stenst alls ekki. Á fund-
inum kom sú krafa margítrekað fram
frá fundarmönnum að afgreiðslu
skipulagsins yrði frestað fram yfir
íbúaþing sem boðað er nú í haust.
Ekki treysti Gunnsteinn sér að verða
við þeirri eðlilegu tillögu íbúanna
þrátt fyrir hafa ítrekað rætt und-
anfarin ár um mikilvægi og nauðsyn
íbúalýðræðis.
„Íbúðalýðræði meirihlutans“
Það er í raun með ólíkindum að ekki
skuli vera vilji hjá kjörnum fulltrúa til
að fresta afgreiðslu skipulagsins fram
yfir fyrirhugað íbúaþing. Svo virðist
sem bæjarfulltrúarnir og skipulags-
nefndarmennirnir Gunnsteinn og Óm-
ar séu hræddir við að tala við íbúanna
og heyra þeirra sjónarmið. Þetta er
eitt af stærstu málunum í vesturbæ
Kópavogs og ef það á ekki að ræða
það á íbúaþingi áður en búið er að
ganga endanlega frá skipulaginu, til
hvers á fólk þá eiginlega að vera að
taka þátt í „íbúaþingum“ sem verið er
að bjóða upp á í nafni íbúalýðræðis?
Hvað á þá eiginlega að tala um þar?
Eru þeir hræddir við íbúana?
Flosi Eiríksson fjallar um
íbúalýðræði og skipulagsmál
í Kópavogi ’Svo virðist sem bæj-arfulltrúarnir og skipu-
lagsnefndarmennirnir
Gunnsteinn og Ómar
séu hræddir við að tala
við íbúana og heyra
þeirra sjónarmið.‘
Flosi Eiríksson
Höfundur er oddviti
Samfylkingarinnar í Kópavogi.
UM NÆSTU helgi verður hin ár-
lega Akureyrarvaka haldin í fjórða
sinn.
Dagskráin hefst
venju samkvæmt í
rökkurró í Lystigarð-
inum á föstudags-
kvöldið, Upplýstur
garðurinn er róm-
antískur á þessum tíma
ársins og einstakur án-
ingarstaður.
Á laugardeginum
verður mikið um að
vera víðsvegar um bæ-
inn. Þar má nefna m.a.
fjallahjólakeppni í
Kjarnaskógi, nýtt
hjólabrettasvæði verð-
ur opnað og Brekkuskóli vígður
formlega. Eins munu fjölmargar sýn-
ingar listamanna opna seinnipartinn í
Listagilinu, t.d. mjög áhugaverð sýn-
ing Jóns Laxdals, „,ekki orð“, í Lista-
safninu og sýningin ,,Alveg sér viska“
sem er safnarasýning í Ketilhúsinu,
ásamt mataruppistandi Friðriks V. í
Borgarbíói.
Ítarlega dagskrá er að finna í Dag-
skránni og á heimasíðu Akureyr-
arbæjar, www.akureyri.is
Vakan markar lok Listasumars og
afmæli Akureyrarbæjar er fagnað
jafnframt og það er nærandi fyrir lík-
ama og sál að lyfta sér á
kreik þegar fer að húma
að.
Fyrirtæki, stofnanir
og skapandi ein-
staklingar hafa eins og
áður tekið höndum
saman og lagt sitt af
mörkum. En stemn-
inguna skapa bæj-
arbúar sjálfir.
Það hefur verið
áhugavert að fylgjast
með þróun Akureyr-
arvöku. Hægt og síg-
andi eru tilviljana-
kenndar hugmyndir að
verða að hefðum. Fyrirtæki í mið-
bænum eru farin að nota þennan dag
til þess að bjóða viðskiptavinum sín-
um heim undir öðrum formerkjum. Á
hverju ári koma fram nýjar og fersk-
ar hugmyndir sem síðan eru þróaðar
áfram og verða að föstum liðum.
Í Eyjafirði hefur verið mikið um að
vera í sumar og bæjarhátíðir af ýmsu
tagi lokkað til sín íbúa og gesti. Ein-
kenni þeirra er að þær leggja áherslu
á staðarmenningu og sérkenni og þar
er áhersla á ákveðið þema, hvort sem
það er síld og fiskur, blús eða hand-
verk. Allt er þetta hluti af ímynd
fjarðarins og liður í því að gera hann
bæði eftirsóknarverðan til búsetu og
heimsókna.
Akureyrarvökunni lýkur á öðruvísi
hátt nú en áður en þetta kvöld verður
vígð hin endurreista Glerárvirkjun
Norðurorku og mun lokaatriði
kvöldsins fara fram við Glerárstíflu
og við virkjunina. Þar mun fjöl-
listamaðurinn Örn Ingi sýna leið
mannsins frá eldi til rafmagns.
Gaman væri að sjá íslenska fánann
að húni á sem flestum stöðum og ég
hvet bæjarbúa til að flagga í tilefni
dagsins.
Njótum allra þeirra gæða sem
bærinn okkar hefur upp á að bjóða!
Frá eldi til rafmagns
á Akureyrarvöku
Sigrún Björk Jakobsdóttir
segir frá menningarvöku
á Akureyri
’Vakan markar lokListasumars og afmæli
Akureyrarbæjar er
fagnað jafnframt og það
er nærandi fyrir líkama
og sál að lyfta sér á kreik
þegar fer að húma að.‘
Sigrún Björk
Jakobsdóttir
Höfundur er formaður
menningarmálanefndar Akureyrar.