Morgunblaðið - 09.11.2008, Blaðsíða 18
Eftir Orra Pál Ormarsson
orri@mbl.is
É
g fæ óblíðar viðtökur í
Latabæ. Alvopnaður
Magnús Scheving tekur
á móti mér, dökkur á hár
og húðflúraður í bak og
fyrir. Einhver hefur verið svo ósvíf-
inn að stela mikilvægum gögnum úr
fartölvunni hans og hann gerir sig
líklegan til að skjóta mann og annan.
„Varst það þú?“ geltir hann á mig.
Ég hverf inn í skel mína, skjálfandi á
beinunum. Hvað er orðið um Íþrótta-
álfinn?
Áður en aðdáendur þess síðast-
nefnda fara á límingunum skal tekið
fram að ég var að horfa á myndband
sem Magnús lét gera fyrir aðstand-
endur Hollívúddkvikmyndarinnar
The Spy Next Door sem skartar eng-
um öðrum en hasarmyndahetjunni
Jackie Chan í aðalhlutverki. Fram-
leiðandinn, Robert Simonds, vildi fá
hann í hlutverk illmennisins í mynd-
inni og í stað þess að mæta í prufu hó-
aði Magnús í nokkra félaga sína og
spann heilt myndband í kringum kar-
akterinn – á einum degi.
Eins og þjóðin veit er Magnús
maður eigi einhamur.
„Honum leist mjög vel á þetta,
stökk upp úr stól sínum og hrópaði:
Svona á að gera þetta! Ég var ráðinn
á staðnum,“ segir Magnús sem situr
nú andspænis mér í eigin persónu,
með farsímann í annarri hendi og
prótíndrykk í hinni. Í upphafi sam-
tals okkar afgreiðir hann nokkur
önnur erindi snöfurmannlega. Hann
hefur greinilega ekkert breyst, það-
an af síður stökkbreyst, líkt og
gefið var í skyn hér að
framan.
Öll vötn falla til
Albuquerque
„Þú afsakar en það er í
mörg horn að líta. Ég var
að koma frá Dubai í nótt en
við erum að semja við Emi-
rates-flugfélagið um að sýna
Latabæ. Það er mjög spenn-
andi,“ segir Magnús. Það er
miðvikudagur og strax
daginn eftir á hann bók-
að far til hennar Am-
eríku. „Ég byrja að æfa
áhættuatriði með Jac-
kie Chan á föstudaginn
og tökur hefjast í Albu-
querque í Nýju-Mexíkó
á mánudaginn. Ég hef því
þrjá daga til að setja mig inn í hlut-
verkið.“
Það er heil eilífð.
„Þetta er fjölskyldumynd. Jackie
Chan er að stíla upp á heldur yngri
hóp nú en áður. Karakterinn minn,
Poldark, er Rússi sem setur bakteríu
í olíuna í Bandaríkjunum til að
hækka olíuverð í Rússlandi. Hann
verður svo fyrir því óláni að níu ára
strákur stelur öllum gögnum úr tölv-
unni hans og þá verður fjandinn laus.
Jackie Chan leikur mann sem passar
þennan strák. Meira get ég ekki upp-
lýst í bili,“ segir Magnús og breytist í
Véfréttina í Delfí.
Hann gerir ráð fyrir að fara í þrí-
gang utan meðan á gerð myndar-
innar stendur, núna og aftur í desem-
ber og janúar. Áætlað er að myndin
verði frumsýnd eftir um ár.
En hvernig í ósköpunum kom það
til að Magnús Scheving og Jackie
Chan fóru að rugla saman reytum?
„Simonds framleiðandi sá mig í
Latabæ í Bandaríkjunum og tók
strax eftir snilldarleik mínum,“ segir
Magnús sposkur. „Nei, ætli hann hafi
ekki aðallega verið að horfa á físík-
ina. Allavega fékk hann þá hugmynd
að ég yrði upplagt illmenni á móti
Jackie Chan. Í kjölfarið hitti ég leik-
stjórann, Brian Levant, og hann vildi
fá mig í prufu. Þá gerði ég mynd-
bandið með þessum afleiðingum. Það
sóttust víst margir leikarar eftir hlut-
verkinu.“
Maður að mínu skapi
Magnús segir mikinn heiður að fá
tækifæri til að vinna með Chan, ein-
um þekktasta hasarmyndaleikara
samtímans. „Hann lék í Bruce Lee-
mynd þegar ég var strákur og ég hef
dáðst að honum allar götur síðan.
Hann kom með akróbatíkina á hvíta
tjaldið og góðan húmor. Jackie Chan
er maður að mínu skapi. Svo skilst
mér að það sé frábært að vinna með
honum.“
Margur hefur komið að luktum
dyrum í Hollívúdd og Magnús gerir
sér grein fyrir því að það er einstakt
tækifæri að fá að gægjast þar inn.
„Þetta hefur mikla þýðingu fyrir okk-
ur í Latabæ. Við erum að vinna að
bíómynd og þessi kynning mun
örugglega ekki tefja fyrir því verk-
efni. Jackie Chan er líka gríðarlega
vinsæll í Kína og Asíu allri og það er
markaður sem við stefnum inn á.
Kannski náum við að spjalla eitthvað
saman um markaðsmál milli taka,“
segir Magnús og lyftir brúnum. Sum-
um er gefið að hamra járnið.
Gott og vel. Þetta er hvalreki fyrir
Latabæ en hvað með leikarann
Magnús Scheving?
„Enda þótt ég hafi verið að leika og
skemmta fólki frá því ég var barn hef
ég aldrei litið á mig sem leikara og
hef engan metnað til að verða fræg-
ur á því sviði. En það verður óneit-
anlega gaman að prófa þetta. Það
hefur verið frábær skóli að vinna
að gerð Latabæjar undanfarin
fjögur ár með ótrúlega
hæfileikaríku
fólki í
mynd-
veri á
heims-
mælikvarða.
En Hollívúdd er
vissulega annað og
meira. Það eru ekki miklir
möguleikar á því að þróa kar-
akter Íþróttaálfsins umfram það sem
þegar hefur verið gert og það verður
fróðlegt að spreyta sig á illmenninu.“
Heyrðu Jackie, cut!
Magnús lítur mun fremur á sig
sem leikstjóra. „Ég held ég sé alveg
prýðilegur leikstjóri og þar liggur
metnaður minn. Að leikstýra og
halda utan um verkefni eins og Lata-
bæ. Ég er heldur ekki góður í því að
fara með annarra manna texta og
hver veit nema ég verði búinn að end-
urskrifa handritið þarna vestra áður
en yfir lýkur. Eða þá að leikstjórinn
komi upp í mér í miðjum klíðum.
Heyrðu Jackie, cut!“ segir hann
skellihlæjandi.
Það hefur sýnt sig að björninn er
ekki unninn þótt menn séu komnir
með samning í Hollívúdd, sumir hafa
lent í því að vera að mestu klipptir út
úr myndum eftir á. „Þú segir nokkuð.
Lemji ég Jackie óvart verð ég
kannski klipptur út úr myndinni. Það
er betra að fara varlega,“ ályktar
Magnús glottandi.
Ekki er ofsögum sagt að Magnús
sé eini maðurinn sem gæti leikið
Íþróttaálfinn á Íslandi. Hann er það
sérhæfður. Sama máli gegnir um ill-
mennið Poldark. „Til að ég fengi at-
vinnuleyfi í Bandaríkjunum þurfti að
sýna fram á að ég byggi yfir hæfi-
leikum sem gerðu það að verkum að
enginn innlendur leikari gæti farið
með hlutverkið. Þannig er þetta skil-
greint. Framleiðandinn lagði víst
mikið á sig til að ná þessu fram og
það tók nokkrar vikur með hjálp
góðra lögfræðinga.“
Lít á þetta sem sumarfrí
Ýmsum sögum fer af launum leik-
ara í Hollívúdd. Magnús kveðst þó
ekki gera ráð fyrir upphæð með
endalausum núllum. „Launin eru al-
gjört aukaatriði í þessu sambandi
enda gerir maður ekki miklar kröfur
sem nýgræðingur. Þar fyrir utan hef
ég ákveðið að leggja öll launin sem ég
þigg fyrir þetta verkefni í sjóð sem
ég mun úthluta úr í framtíðinni.
Raunar lít ég fyrst og fremst á þetta
sem sumarfríið mitt. Ég á 156 daga
inni.“
Þú ert ekki týpan sem fer mikið í
frí?
„Eiginlega ekki,“ svarar Magnús
og hlær.
„Þetta er bara ný áskorun í lífinu,“
heldur hann áfram. „Ég hef tekið
þær margar um dagana, staðist sum-
ar, aðrar ekki. Vonandi stenst ég
þessa! Í hinu stóra samhengi hlut-
anna er þetta líka létt verk og löð-
urmannlegt. Maður getur verið
þakklátur fyrir að vera yfirhöfuð með
vinnu í þessu erfiða ástandi sem kom-
ið er upp í samfélaginu. En sunnu-
dagurinn 9. nóvember 2008 er ekki
dagurinn sem við Íslendingar gef-
umst upp. Hann skal ekki fara í sögu-
bækurnar af þeim sökum. „Hafi
þig dreymt eitthvað, getur þú
það,“ sagði Walt Disney og
þannig þarf íslenska þjóðin að
hugsa nú. Depurðin og von-
leysið mega ekki ná tökum á
okkur. Þá förum við í gröf-
ina.“
Álfur verður illmenni
Magnús Scheving er kominn til Albuquerque þar sem tökur á nýjustu
kvikmynd hasarhetjunnar Jackie Chan, The Spy Next Door, hefjast á
morgun. Magnús fer þar með hlutverk illmennisins. Hann segir þetta
mikinn heiður en hafi meiri þýðingu fyrir Latabæ en sig persónulega.
Ódámur Poldark
hinn rússneski er
ekkert lamb að
leika sér við.
Myndin er tekin úr
kynning-
armyndbandinu
sem Magnús sendi
aðstandendum The
Spy Next Door.
Kung fu Jackie Chan
þarf að hafa sig allan
við ætli hann að sjá við
Magnúsi Scheving.
‘‘Í HINU STÓRA SAM-HENGI HLUTANNA ERÞETTA LÉTT VERK OGLÖÐURMANNLEGT
18 Kvikmyndir
MORGUNBLAÐIÐ SUNNUDAGUR 9. NÓVEMBER 2008
Jackie Chan er ein kunnasta kung fu- og hasarmyndahetja heimsá síðari árum. Vörumerki hans er allt að því yfirmannleg fimi,
spé og ævintýraleg áhættuatriði.
Chan er 54 ára, fæddur í Hong Kong. Hann hóf leiklistarferil sinn
á áttunda áratugnum og hefur leikið í yfir eitt hundrað kvikmynd-
um, þeirra á meðal Rush Hour þríleiknum, Shanghai Noon og Kung
Fu Panda.
Chan er líka tónlistarmaður og nýtur sem slíkur mikilla vinsælda
í Asíu. Hann hefur sent frá sér fjölmargar breið- skífur og
sungið titillög sumra mynda sinna. Hann tróð upp á
lokaathöfn ólympíuleikanna í sumar.
Sigldir aðstandendur
Brian Levant, leikstjóri The Spy Next
Door, á langan feril að baki í Hollívúdd
sem höfundur, framleiðandi og leikstjóri.
Meðal mynda sem hann hefur leikstýrt má
nefna Beethoven, The Flintstones og Jingle
All the Way.
Robert Simonds framleiðandi er líka marg-
reyndur en hann hefur framleitt myndir á
borð við Airheads, Happy Gilmore, The
Wedding Singer, The Waterboy, Little
Nicky, Corky Romano og The Pink
Panther.
Spriklandi spéfugl
Vinsæll Jackie Chan er
með liðugri leikurum.