Morgunblaðið - 09.11.2008, Blaðsíða 19

Breyttist ekkert við kreppuna
Magnús gerir stutt hlé á máli sínu,
sýpur á próteindrykknum. Síðan
heldur hann áfram. „Það breyttist
ekkert í Latabæ við kreppuna. Við
höfum alltaf þurft að hafa fyrir hlut-
unum. Það eru sextán ár síðan ég fór
af stað með þessa hugmynd og þetta
hefur verið stöðug barátta, hvern
einasta dag – og nótt. Hvað heldurðu
að ég hafi þurft að berjast oft í bönk-
um? En ég hef alltaf getað borgað
laun. Af því er ég stoltur. Það hafa
margir gefist upp í kringum mig á
þessari vegferð okkar í Latabæ.
Brekkan var of brött fyrir þá. Og það
í góðæri. En ég hef ekki yfir neinu að
kvarta, ég valdi mér þetta sjálfur.“
En Latibær heldur velli og Magn-
ús þakkar það krafti og elju starfs-
fólksins og botnlausri vinnu. „Í gegn-
um tíðina hefur fólk í framleiðslu-
bransanum á Íslandi búið við mikla
óvissu. verkefnin slegin af, stytt eða
lengd. Launin hafa verið með ýmsu
móti, stundum fengið greitt, stund-
um illa greitt, greitt eftir langan tíma
og stundum ekki fengið neitt greitt.
Og við tölum ekki um hvað vinnutím-
in hefur oft orðið langur, lágmark 10
tímar á dag. En þetta fólk kvartar
ekki, það vinnur bara vinnu sína af
fagmennsku og metnaði. Það sem
einkennir þetta fyrirtæki, Latabæ, er
að menn láta hlutina gerast en það er
einmitt gamli grunnurinn sem þetta
land byggir á. Ástandið er vissulega
slæmt núna en hvernig var umhorfs
hér fyrir 300 árum?“
Magnús er sáttur við stöðu Lata-
bæjar í dag en neitar því ekki að
hann hefði viljað vera kominn lengra.
„Við ætlum lengra, það er klárt mál.
En það tekur tíma. Disney er 75 ára
með tugþúsundir manna í vinnu.
Latibær er alls með 53 starfsmenn í
Garðabæ, Ameríku og Bretlandi,
langflesta hér heima. Allir skipta
máli hjá okkur, við erum svo fá. Í
þeim skilningi erum við að vinna
kraftaverk.“
95% þekktu Latabæ
Vörumerkið stendur líka traustum
fótum. „Latibær hefur notið mikilla
vinsælda í Bretlandi og nýlega var
gerð könnun á því meðal barna á
aldrinum sex til tólf ára hvaða vöru-
merki þau þekktu best. 95% þekktu
Latabæ, 88% Marks & Spencer en
aðeins 10% helstu matvörukeðjuna í
Bretlandi. Þetta segir sína sögu,“
segir Magnús.
Ekki nóg með það. „Í Mexíkóborg,
sem er ein stærsta borg í heimi, sögð-
ust 95% barna myndu kaupa ávexti
og grænmeti hjá Wall Mart ef
Íþróttaálfurinn myndi kynna vöruna.
Latibær er vörumerki þar sem allir
vinna, börn, fullorðnir, kaupsýslu-
menn, samfélagið allt.“
Í ljósi umsvifa Latabæjar í Bret-
landi er ekki úr leið að spyrja hvort
Magnús óttist að milliríkjadeilan sem
nú er í algleymingi komi til með að
skaða fyrirtækið. „Ég vona ekki. Því
er samt ekki að neita að ímynd Ís-
lands hefur beðið gríðarlegan hnekki
í Bretlandi. Við vorum búin að und-
irbúa átak með nokkrum sveit-
arfélögum í tvö ár en hætt hefur ver-
ið við það. Það þykir ekki fínt að vera
Íslendingur í Bretlandi í dag og við
verðum að hafa hraðar hendur og
ráða hæfa markaðsmenn til að draga
úr tjóninu. Þegar maður fer að segja
Bretum frá ástandinu á Íslandi og
öllu því sem þessi litla þjóð er að taka
á sig fyllast þeir strax samúð. Á
þeim nótum þarf herferðin að vera.
Allt neikvætt sem sagt er um Breta í
fjölmiðlum hér er þýtt yfir á ensku,
þannig að með þeim hætti höldum
við bara áfram að moka yfir okkur.
Nú er lag fyrir fjölmiðla að hjálpa til
við að endurreisa ímynd okkar. Tími
ykkar blaðamanna er kominn, þið
eigið að stíga fram í þágu lands og
þjóðar!“
Heyr, heyr …
Má ekki vera að því að brotna
Ekki er mörlandanum þó alls
varnað í konungdæminu. „Þeir eru
ekki móðgaðri en svo að þeir vilja fá
mig til að veita BAFTA-verðlaun í
lok mánaðarins, auk þess sem Lati-
bær er tilnefndur í þriðja skipti. Við
höfum einu sinni fengið þau verð-
laun.“
Annars er þétt dagskrá framundan
hjá Magnúsi sem endranær. Fyrir
utan Hollívúdd og BAFTA gengst
hann fyrir ráðstefnu í Bretlandi síðar
í mánuðinum. Þaðan heldur hann
sem leið liggur til Mexíkó til að
kynna Latabæ enn frekar, m.a. í
beinni útsendingu í sjónvarpi. Í jan-
úar er síðan von á útsendurum frá
Pan American-háskólanum í Mexíkó
til Íslands en meiningin er að gera út-
tekt á starfseminni í kjölfar þess að
skólinn veitti fyrirtækinu Prodes-
verðlaunin fyrir skemmstu. „Maður
þarf að hoppa í mörg hlutverk,“ dæs-
ir Magnús.
En fyrst er það Jackie Chan.
„Mér skilst að hann komi alltaf
meira og minna beinbrotinn út úr
tökum, karlinn. Vonandi slepp ég
betur. Ég má ekkert vera að því að
brotna …“
19
MORGUNBLAÐIÐ SUNNUDAGUR 9. NÓVEMBER 2008
Þ etta er sennilega flottastakynningarmyndband afþessu tagi sem gert hefur
verið. Menn áttu ekki orð til að
lýsa þessu fyrir vestan enda var
hann ráðinn með það sama. En
svona vinnur Magnús Scheving.
Hann gerir allt 150% og er
hvergi banginn við að fara nýjar
leiðir.“
Það var Sigvaldi Kárason, sem
leikstýrði téðu kynning-
armyndbandi sem Magnús sendi utan í stað þess að
mæta í prufu, sem hefur orðið. Hann segir mikla leynd
hafa hvílt yfir gerð myndbandsins enda á því stigi óvíst
hvort Magnús fengi hlutverkið. Og menn höfðu hraðar
hendur. „Þetta var ákveðið á föstudegi, menn ræstir út
um kvöldið, tökufólk, klipparar, leikarar, smiðir, upp-
tökur undirbúnar á laugardegi og skotið á sunnudegi.
Eftir helgina var svo flogið með myndbandið út. Þetta
gekk eins og í sögu,“ segir Sigvaldi og bætir við að
menn hafi skemmt sér konunglega. „Það var mikið
hlegið.“
Hann segir alla hafa verið boðna og búna að leggja
Magnúsi lið enda njóti hann mikillar velvildar í kvik-
myndageiranum. „Hann kom inn með þetta stóra verk-
efni, Latabæ, þegar allt var í kaldakoli og bjargaði
mörgum í faginu. Það standa margir í þakkarskuld við
Magnús.“
Sigvaldi segir að spennandi verði að fylgjast með
Magnúsi í The Spy Next Door. „Það var tími til kominn
að hann prófaði að leika eitthvað annað en bláan álf.
Hann er mikill ævintýramaður og mun örugglega hafa
mjög gaman af þessu.“
Hvergi banginn að fara nýjar leiðir
Sigvaldi Kárason
Borgartúni 21 • 105 Reykjavík • Sími 510 1100 • Bréfasími 510 1101
postur@neytendastofa.is • www.neytendastofa.is
Neytendastofa
Neyte
ndas
tofa
Í viðskiptum eiga vogir og eldsneytisdælur að mæla
rétt og vera löggiltar.
Löggildingarmiði Neytendastofu staðfestir hvort lög-
gilding sé í gildi.
Ábendingar um útrunna löggildingu eða ólöggiltar
vogir og eldsneytisdælur má senda í gegnum Raf-
ræna Neytendastofu, á vefnum www.neytendastofa.is
Réttar mælingar eru allra hagur
Verum á verði
– þekkjum miðann!