Morgunblaðið - 09.11.2008, Blaðsíða 56

56 MenningFÓLK
MORGUNBLAÐIÐ SUNNUDAGUR 9. NÓVEMBER 2008
BÍTILLINN Paul McCartney stal senunni á evrópsku MTV-tónlistarverð-
launahátíðinni sem haldin var í Liverpool í Englandi á fimmtudaginn.
McCartney var heiðraður fyrir framlag sitt til tónlistarinnar og var sæmdur
nafnbótinni „hin fullkomna goðsögn“. Við það tilefni sagði Bono, söngvari U2,
að McCartney væri maðurinn sem hefði fundið upp starfið sem hann gegndi í
dag. „Ég var samferða McCartney hingað í kvöld og á leiðinni tók hann mig í
útsýnistúr um borgina. Þetta var eins og að keyra um í páfa-bílnum með
sjálfan páfann við stýrið. Bítl- arnir voru stóri-hvellur í rokk-alheim-
inum.“ Auðséð var að stjörnurnar sem fram komu á
hátíðinni voru í skýjunum yfir úrslit-
um nýafstaðinna forsetakosninga í
Bandaríkjunum og McCartney var
einn þeirra sem notuðu tækifærið og
óskuðu Barack Obama velfarnaðar í
starfi. „Fyrir mörgum árum fædd-
ust fjórir strákar í Liverpool sem
náðu langt seinna í lífinu. Ég þakka
fjölskyldu minni, ykkur öllum sem
komu í kvöld og öllum íbúum Liver-
pool, Bretlands og svo þeim,
sem kusu herra Obama,“ og tíu
þúsund áhorfendur í tónleika-
höllinni tóku undir með fagn-
aðarlátum.
Bandaríska poppstjarnan
Britney Spears fékk tvenn
verðlaun á hátíðinni, fyrir besta
listamann ársins og bestu plötu
ársins. Hljómsveit Jareds Leto,
30 Seconds To Mars, hlaut einn-
ig tvenn verðlaun og Beyonce
og Kanye West hlutu sín verð-
launin hvor. Óvæntasti sigur-
vegari kvöldsins, að mati tón-
listarskríbenta, var hins vegar
breski 80’s söngvarinn Rick
Astley sem hlaut nafnbótina
besti listamaður allra tíma. Það
mun hafa vegið þungt að lag
hans „Never Gonna Give You
Up“ var notað í nethrekk
sem náði miklum vin-
sældum nýlega og fólst
í því að gabba sem
flesta til þess að
smella á hlekki sem
vísuðu á lagið.
Fjaðrafok Pink skellti sér í hressilegan koddaslag við dansarana sína en hún fékk líka fyrstu verðlaun kvöldsins.
Þau voru veitt fyrir mest ávanabindandi lagið og var það lag hennar So What sem varð fyrir valinu.
Svöl Kanye West og Estelle komu fram á verðlaunhátíðinni.
REUTERS
Hin fullkomna goðsögn
„Þetta var eins og að keyra um í páfa-bílnum með sjálfan
páfann við stýrið“
Goðsögn Bítillinn Paul McCartney var heiðraður sérstaklega á verð-
launahátíðinni fyrir framlag sitt til dægurtónlistar.
Obama Söngkonan Katy Perry klæddist kjól með mynd af næsta forseta
Bandaríkjanna en margir lýstu ánægju sinni með kjör hans.