Skírnir - 01.01.1930, Blaðsíða 30
24 Merkisár í sögu Alþingis. [Skírnir
námsmanns. Þórarinn var lögsögumaður 950—970, og hefir
þá verið aldurhniginn. (Jlfar Grimsson, hins háleygska,
nám Geitlöndin og bjó þar. Hann hefir verið gildur maður
og ættfaðir margra ágætra manna, þar á meðal Haukdæla
og Sturlunga. Úlfur hefir verið samtíðamaður Egils Skalla-
Grímssonar, því að faðir hans kom út með Skalla-Grími.
Úr þessum fjórðungi lands hefir Alþingi sjálfsagt verið
jafnmest sótt. Úr flestum sveitum hans má heita skammt
að fara til þingstaðarins, en sérstaklega þó í Árnessþingi
og úr Borgarfirði, Kjósarsýslu og miklum hluta Gullbringu-
sýslu. Og auðvitað hafa stórum fleiri en þeir, sem hér eru
taldir, sótt þing úr þessum hluta landsins.
Vestfirdingafjórðungur. Ef þar er byrjað í efsta hlut-
anum vestan Hvítár, þá verður fyrst fyrir landnám Kal-
mans hins suðureyska, er bjó í Kalmanstungu. Sonur hans
var Sturla goði. Nafnið goði bendir til þess, að hann hafi
varðveitt hof og verið í betri manna röð. Sturla goði sýn-
ist hafa verið uppi 930, og er líklegur til að hafa sótt
þingið þá. Næstur kemur Hrosskell, er Hvítársíðu nam.
Sonur hans var Hallkell, faðir Illuga svarta, er lifði fram
á 11. öld. Hallkell mun hafa verið ungur maður 930. Hann
átti dótturdóttur Örlygs á Esjubergi, en þar fyrir getur
hann hafa tekið mannvirðingar um 930, því að Örlygur er
einn af elztu landnámsmönnum. Hrómundur, bróðir Grims
hins háleygska, nam Þverárhlíð. Sonur hans var Gunnlaug-
ur ormstunga hinn eldri, langafi Gunnlaugs ormstungu hins
yngra. Gunnlaugur ormstunga hinn eldri mun hafa haft
forustu um Þverárhlið um þær mundir, sem Alþingi var
sett, og er því liklegur til þess að hafa verið á fyrsta þing-
inu. Ásbjörn auðgi Harðarson, tengdasonur Miðfjarðar-
skeggja, hefir og verið þar fyrirmaður. En mestir menn í
þessu byggðarlagi og kunnastir hafa þeir feðgar á Borg
verið, Skalla-Grímur og Egill sonur hans. Skalla-Grímur
var þá að visu á lífi, en kominn i elli. Hann virðist ekki
deyja fyrr en fám árum eftir setningu Alþingis og var svo
ern eftir lýsingu höfundar Egilssögu að dæma, að eigi er
fyrir það girt, að hann hafi sótt Alþingi 930. Egili sonur