Skírnir - 01.01.1930, Blaðsíða 84
78
Alþingi árið 1000.
[Skírnir
lengi, en tók trú í Syllingum á víkingaferðum sínum. Hann
var kempa til vopna sinna og hinn mesti íþróttamaður, en
allra manna grimmastur og sást hvergi fyrir, þegar knýja
skyldi menn til játningar kristinnar trúar. Hann hafði ein-
sett sér að kristna Noreg og lönd þau, er úr Noregi höfðu
byggzt með góðu eða illu (samanber Fornmannasögur I.
284). Með Ólafi konungi var íslenzkur maður, er Stefnir
hét Þorgilsson, Eilífssonar, Helgasonar bjólu. Stefnir hafði og
verið með Þorvaldi Koðránssyni og tekið kristna trú. Ólaf-
ur konungur sendi Stefni til Islands til þess að boða mönn-
um þar kristni. Að tali Kristnisögu kom Ólafur Tryggvason1
til rikis í Noregi á öndverðu ári 995 (»á öndverðri gó«).
Og laétur Kristnisaga Stefni koma hingað 995, sem vel get-
ur verið, ef Ólafur konungur hefir komið til Noregs svo
snemma árs 995. Og í samræmi við þetta lætur Kristni-
saga Þangbrand vera á íslandi 3 vetur (996 - 999), sem
síðar verður vikið að. Eiginlega er ekkert, sem mælir á.
móti því, að Ólafur konungur hafi komið í Noreg á önd-
verðri góu, eins og Kristnisaga segir, annað en það, að
nokkrir íslendingar, sem komu til Noregs vorið 996, eru
ekki látnir hafa frétt um höfðingjaskiftin í Noregi fyrr en
þeir eru þangað komnir. Ef þau hefði gerzt á góu 995, hefði
frétzt um þau hingað sama vor. Ef byggja skal á þessu, að
íslendingarnir (Kjartan Ólafsson o. fl.), sem koma til Nor-
egs 996, hafi ekki heyrt um 'höfðingjaskiftin í Noregi fyrr
en þeir voru þangað komnir, þá getur Stefnir ekki hafa
fyrr komið til íslands en vorið 996. Verður nú eigi skorið
úr því, hvort réttara er, enda skiftir það eigi máli um
kristnitöku á íslandi. Og hvernig sem um þetta er, þá er
hitt víst, að Stefnir dvaldist einungis hluta úr sumrinu 995
eða 996 hér á landi. Hann boðaði trúna heldur hvatskeyt-
lega, braut hof og hörga, þar sem hann fékk því við kom-
ið, og má nærri geta, hvernig heiðnir menn hafi tekið þvh
Á Alþingi 995 eða 996 boðaði Stefnir kristna trú, eins og
Þorvaldur Koðránsson 984. Varð Stefni ekkert ágengt þar
um kristniboð. En sett voru þá lög á Alþingi um sumarið,
er Stefnir boðaði þar trúna, að varða skyldi sekt (sjálfsagt