Skírnir - 01.01.1930, Blaðsíða 195
Skirnir]
Alþingi árið 1541.
189
þetta taldi Gizur ekki trúrra um sig en það, að hann hafði
sterkan vörð um sig á yfirreið sinni um sumarið. ')
Nú víkur sögunni til Norðlendinga og Jóns biskups
Arasonar. Hefir Hvítfeldur sent honum bréf konungs, svip-
að því, sem Gizur fékk, og samtímis vinsamlegt bréf frá
sjálfum sér.1 2) Má nærri geta, að Jóni biskupi hefir ekki
iitizt meira en svo á þessa bliku. Kallar hann saman presta-
stefnu á Eyrarlandi, 15. júní, til undirbúnings þinginu, en
ekki er neitt vikið að hinum nýja sið i samþykkt þeirrar
prestastefnu,3) enda mun þess ekki hafa verið neitt getið
í bréfum konungs eða Hvítfelds, heldur verið mest um
hylling við konung, landshjálp og loforð um að halda alla
við rétt lög.
Segir svo ekki af þeim fyrr en þeir Jón biskup, Ari
lögmaður, sonur hans, og Norðlendingar aðrir, sem til þings
riðu, eru komnir að Kalmanstungu. Hafa þeir riðið saman
í hóp til frekara öryggis. Þegar þeir koma að Kalmans-
tungu, fá þeir fregnirnar að sunnan. Ögmundur tekinn og
eignir hans vélaðar.af honum, en Gizur og Kláus ríða um
sveitir til þess að snuðra uppi dýrgripi hans. Er í raun og
veru merkilegt, að þeir skyldi ekki vera búnir að frétta
þetta fyrr.
Þegar þessar fregnir bárust þeim, hefir vafalaust verið
skotið á nokkurskonar húsþingi. Hefir þá öllum mönnum
komið saman um það, að hættulegt myndi að fara til
þ'ngsins undir vopn hermanna Hvítfelds. Og að minnsta
kosti hafa allir séð, að þeir myndi verða neyddir til þess
að lögleiða hinn nýja sið, ef í þá næðist. Varð því að ráði
snúa aftur við svo búið, en senda bréf til Alþingis.
Aðalbréfið er frá klerkum og leikmönnum, með þá Jón
biskup og Ara lögmann í broddi fylkingar. Segjast þeir
vilja hylla Kristján konung og gjalda honum skatta, »eftir
1) Ritg. Jóns Giz. Safn I., 682. Jón Halldórsson segir svipað frá
yhrreið Gizurar 1544 (Bisk. J. H. I., 50), en það mun vera sama frá-
sagan allt.
2) Má -ráða það af svari Jóns, sem siðar getur.
3) DI. X„ 622.