Skírnir - 01.01.1930, Blaðsíða 69
Skirnirj
Alþingi árið 955.
63
sumar sjötta hvert ár. Jafnframt yrði þá að breyta síðasta
orðinu »sjetta« í »fimmta«. Þetta væri hugsanlegt, ekki
sízt ef það hefði verið ritað með rómverskum tölum, en
samt er hæpið að ganga svo langt í ágizkunum. Hitt er
öllu sennilegra, að villan stafi frá Ara sjálfum. Hann hafi
viljað geta þess, að þegar tvö hlaupár verða á milli sum-
arauka, þurfi að vera einu ári skemmra á milli, og af því
að hann hefði talað um sjöunda hvert ár rétt áður, hefði
hann nú ritað sjötta, án þess að muna eftir því, að hin
talan var miðuð við eintóm almenn ár, án allra hlaupára.
Slik villa getur hæglega komið fyrir, þótt höfundurinn viti
i rauninni vel, hvað rétt er.
Á það er áður minnzt að Ari fróði getur þess síðar í
bók sinni, að árið 999 hafi það verið mælt »i lögum, að
menn skyldi svo koma til Alþingis, er 10 vikur væri af
sumri, en þangað til komu menn viku fyrr«. Má geta þess
til, að orsökin hafi verið sú, að þá hafi aftur verið farið
að sækja í sama horfið og áður, er Þorsteinn lagfærði
misseristalið með sumaraukanum. Sumarið var talið koma
svo snemma, að menn áttu erfitt með að komast til þings,
er 9 vikur voru af sumri, þótt það hafi verið hæfilegur
timi fyrstu árin eftir endurbót Þorsteins surts. Enn þá voru
tvö misseri að meðaltali nálega úr degi of stutt og á
42 árum verður munurinn orðinn 10—11 dagar. Einhverjir
hafa munað eftir því, hver úrræði voru höfð, áður en sum-
araukinn var fundinn, og því hafa menn nú tekið upp
sömu aðferðina.
Það er varla efamál, að um leið og sumaraukinn var
lögleiddur, þá hafi verið bætt nokkrum vikum við það sum-
ar, til þess að fá sumarkomuna á hæfilegum tima. Eg vil
gera ráð fyrir, að þá hafi verið bætt við 4 vikum, sem
svarar til þess, að 28 ár hefði verið liðin frá lagasetningu
Úlfljóts. Árið 956 hefði þá sumar komið 24. april og Al-
þingi byrjað fimmtudaginn 9 vikur af sumri, 26. júní. Ég
set hér í töfluformi sumarkomu og fyrsta dag Alþingis
þau árin, sem við sumar var lagt, eftir því sem hér er
talið.