Eimreiðin - 01.01.1974, Blaðsíða 66
EIMREIÐIN
VALDIMAR KRISTINSSON
Þjóðernishyggja
1 síðasta hefti Eimreiðarinnar birtist viðtal við Sigurð Lín-
dal um þjóðernismál Islendinga og ýmislegt, sem þeim er
tengt. Þetta eru svo mikilvæg málefni, að ástæða er til að ræða
þau frekar, og undirritaður þykist hafa sérstaka ástæðu til
þess, þar sem við Sigurður höfum komist að sameiginlegri
niðurstöðu um það, hvernig við teljum, að vörnum landsins
yrði hest fyrir komið i næstu framtíð. En varnarmálin eru að
sjálfsögðu nátengd þjóðernismálunum, jafnframt því sem þau
skipta miklu um samskiptin við nágrannaþjóðirnar, bæði aust-
an hafs og vestan.
Hvað er þá þjóðernisvitund og þjóðernishyggja? Erfitt mun
að skilgreina það á einfaldan hátt og menn varla á eitt sáttir
um, hvað í hugtökunum felst. Sé aftur á móti vikið að viðtal-
inu við Sigurð, þá kemur þar margt fram, sem um getur verið
að ræða.
Sigurður telur, að borið saman við Norðurlandaþjóðir megi
ef til vill segja, að þjóðernisvitund Islendinga sé sterk, en þó
sé hún mikið á yfirborðinu. Mjög sé lagt upp úr ytri einkenn-
um og fornum samtíningi. í daglegri önn vilji menn aftur á
móti, að þjóðin tileinki sér erlenda menningu að öllu leyti.
66