Eimreiðin - 01.01.1974, Blaðsíða 5

EIMREIÐIN
Inngangur
RAGNAR í SMÁRA
Ragnar í Smára varð 70 ára 7. febrúar sl. Þótt síðan sé nokk-
ur tími liðinn, veit ég, að liann misvirðir ekki við okkur Eim-
reiðarmenn, þó að þessi afmæliskveðja sé nokkuð seint á ferð.
Ragnar hefur lengi verið kyndilberi íslenzkra lista. Ungur
liefur liann gert sér grein fyrir því, að forn menningararfur
þjóðarinnar dygði ekki einn saman til þess að fleyta henni yfir
umbrot nýrra tima. Það varð að hlúa að leitandi menningar-
lífi ungrar þjóðar. Samhliða auknum athöfnum þarfnaðist
þjóðarsálin nýs anda.
í örbirgð kreppu og styrjalda varð íslenzka þjóðin svo lán-
söm að eignast mann, sem fann það hjá sjálfum sér að styrkja
og hvetja íslenzka listamenn lil dáða. Ragnar Jónsson hefur
með lífi sínu sannað, að dugmikill einstaklingur getur lyft
grettistaki, sem þjóðin öll nýtur góðs af. Slíkt framtak er verð-
ugt fordæmi okkar, sem yngri erum. Við lifum og hrærumst í
stofnana- og styrkjakerfi nútímans. Við verðum daglega vitni
að uppgjöf einstaklinganna fyrir kerfinu, þar sein vandanum
er ýtt yfir á aðra og athafnaleysi valið fremur en framkvæmdir
og barátta.
Við lifum í dag á breyttum tímum frá því að Ragnar í Smára
var belzta stoð og stytta íslenzkra listamanna. Með fórnfúsu
starfi hefur Ragnar opnað augu þjóðar sinnar fvrir nauðsyn
frjálsrar listsköpunar, listar, sem lilúð er að með stórhug, án
fordóma og þröngsýni. Baráttunni fyrir auðugu og frjóu menn-
ingarlífi er þó ekki lokið. Hún varir, á meðan við viljum heita
frjáls íslenzk þjóð. Við Eimreiðarmenn viljum því láta i ljós
þá von okkar, að Eimreiðin geti með tíð og tíma orðið verð-
ug'ur málsvari islenzkra lista, um leið og við óskum Ragnari
Jónssyni til hamingju með afmælið og þökkum honum ötulan
stuðning við ritið seinustu tvö árin.
Magnús Gurmarsson.