Búnaðarrit - 01.01.1914, Page 119
BÚNAÐARRIT
115
Tilraunir hafa verið gerðar með spíraðar og óspír-
aðar kartöflur. Þær spíruðu koma ætíð fyr til, og á
miður góðum sumrum verður uppskeran af þeim betri
á haustin; en só sumartíðin hagstæð, hefir mér ekki
fundist munur gerandi á uppskerunni að haustinu.
Kartöflur spíraðar í mold hafa náð beztum og fljót-
ustum þroska.
Kartöflur hafa verið settar niður á misjöfnum tíma,
með misjöfnu millibili og misjafnlega djúpt. Verður
siðar skýrt frá því.
Síðustu árin hafa verið gerðar samanburðartilraunir
með kartöflur og rófur. Hafði eg ætlað að skýra frá árangri
þeirra tilrauna nú, en sökum þess að síðastliðið sumar
var svo óhagstætt, einkum fyrir kartöfluræktina, verður
að fresta því i þetta sinn.
Ræktaðar hafa verið ýmsar matjurtir aðrar, svipað
og að undanförnu, og vil eg í því efni vísa til síðustu
skýrslu. Ástæða er til að brýna það sérstaklega fyrir
þeim, sem garða hafa, að gera matjurtaræktina nokkru
fjölbreyttari en hún nú er. Oalrætur ætti að rækta í
öllum matjurtagörðum, sunnanlands að minsta kosti.
Má þá ekki gleyma því að sá þeim snemma. Reynist
vel að sá þeim einhvern tíma að vetrinum, þegar jörð
er auð og þíð mold til að hylja fræið með. Aðrar mat-
jurtir, er sízt má gleyma, eru: blómkál, grœnkál, JcerfUl,
spínat, næpur, hreðkur og tröllasúra (rabarbari). Óhætt
væri og ábatavænlegt að rækta ýmislegt fleira, en þetta
getur nú nægt 1 bráðina.
Talsvert hefir verið fengist við ræktun blómjurta,
bæði einærra og fjölærra, og nokkuð hefir verið gróðursett
af trjám, einkum síðastliðið sumar. PJest trén voru
tveggja ára gamlar birki- og reyniviðarplöntur, fengnar
frá skógræktarstjóra. Nokkrar erlendar runnategundir
hafa verið gróðursettar. Margar þeirra lánast vel, og
8*